ព័ត៌មានជាតិ

អាជ្ញាធរខណ្ឌច្បារអំពៅ ចុះសង់រោងស្នាក់នៅបណ្ដោះអាសន្ន ដល់ពលរដ្ឋរងគ្រោះដោយទឹកជំនន់

បានផុស

៦ years មុន

នៅ

ថ្ងៃសៅរ៍ ២៤ តុលា ២០២០

ដោយ

ដោយមើលឃើញនូវទុក្ខលំបាករបស់ប្រជាពលរដ្ឋរស់នៅសង្កាត់វាលស្បូវ ដែលកំពុងរងគ្រោះទឹកជំនន់ និងពុំមានទីជម្រកនោះ លោកអភិបាល នៃគណៈអភិបាលខណ្ឌច្បារអំពៅ បានសម្រេចទិញឈើ និងកៅស៊ូតង់ ដើម្បីធ្វើរោងឲ្យប្រជាជនស្នាក់នៅបណ្ដោះអាសន្ន នៅទីទួលសុវត្ថិភាព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមប្រសាសន៍ លោកស្រី យន់ សុផល ចៅសង្កាត់វាលស្បូវ បានឲ្យដឹងថា ចាប់តាំងពីជំនន់ទឹកភ្លៀងធ្លាក់មកយ៉ាងខ្លាំង បង្កឲ្យមានការជន់លិចលំនៅដ្ឋានបងប្អូនរស់នៅសង្កាត់វាលស្បូវចំនួន៥៥១គ្រួសារមក លោក ចេង មុនីរ៉ា អភិបាលខណ្ឌច្បារអំពៅ បានចុះមកដឹកនាំកម្លាំងជម្លៀសប្រជាជន មករស់នៅបណ្ដោះអាសន្ន លើទីទួលសុវត្ថិភាព ដោយបានទិញឈើមកសង់រោង ប្រក់កៅស៊ូតង់។ បន្ថែមពីនោះ ដើម្បីឲ្យប្រជាពលរដ្ឋ លោកមករស់នៅ ដោយមិនបារម្ភខ្លាចទទឹក និងរងកម្ដៅថ្ងៃ។

លោកស្រីចៅសង្កាត់ បន្តថា ក្រៅពីសង់រោងស្នាក់នៅ លោកអភិបាលខណ្ឌ ក៏បានយកម៉ាស៊ីនដាក់បូមទឹក រំដោះចេញពីទីតាំងដែលរងការលិចលង់ខ្លាំងនោះ។

តាមប្រភពពី លោក គុយ គឹមហ៊ាង ប្រធានការិយាល័យសាធារណការខណ្ឌច្បារអំពៅ បានឲ្យដឹងថា សង្កាត់ទាំង៨ នៅក្នុងខណ្ឌច្បារអំពៅ គឺមានតែសង្កាត់វាលស្បូវ និងសង្កាត់ក្បាលកោះ ដែលរងគ្រោះខ្លាំងជាងគេ រហូតជម្លៀសប្រជាពលរដ្ឋ ឲ្យមករស់នៅទីទួលមានសុវត្ថិភាព។

ក្នុងនោះ អាជ្ញាធរ បានចុះសាងសង់រោងប្រក់កៅស៊ូតង់ ដើម្បីឲ្យប្រជាពលរដ្ឋលោកមករស់នៅបណ្តោះអាសន្ន នៅទីទួលមានសុវត្ថិភាព ដោយមានកម្លាំងចម្រុះការពារសន្តិសុខជូនទៀតផង៕

អត្ថបទ ៖ នរា

Related Topics:

សេចក្ដីជូនដំណឹង៦ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា