Connect with us

ព័ត៌មានជាតិ

កម្ពុជា-វៀតណាម​ នឹងពន្លឿន​ការពិភាក្សា​ឆ្ពោះ​ទៅរក​ការបើក​ជើងហោះហើរ​ឡើងវិញ​ឱ្យបានឆាប់​

បានផុស

នៅ

ថ្នាក់ដឹកនាំកម្ពុជា-វៀតណាម​នឹងពន្លឿនការពិភាក្សាឆ្ពោះទៅរកការទទួល​ស្គាល់គ្នាទៅវិញទៅ​មក​លើ​លិខិតឆ្លងដែនឬវិញ្ញាបនបត្រវ៉ាក់សាំង ដើម្បីសម្រួលដល់ការធ្វើដំណើររបស់​ប្រជាពលរដ្ឋ​នៃប្រទេស​ទាំងពីរ ការបើកឡើងវិញជើងហោះ​ហើរត្រង់​រវាងប្រទេសទាំងពីរឱ្យទាន់ពេលវេលា​ប្រកបដោយសុវត្ថិភាព ដែលនឹងរួមចំណែកជាក់ស្តែងដល់ការងើបឡើងវិញ​ប្រកបដោយចីរភាព​នៃសេដ្ឋកិច្ច-សង្គមរបស់ប្រទេសនីមួយៗ ក្នុង «គន្លងប្រក្រតីភាពថ្មី» និងក្រោយជំងឺរាតត្បាត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការឯកភាពបានធ្វើឡើង នៅក្នុងឱកាសនៃដំណើរទស្សនកិច្ចផ្លូវរដ្ឋរបស់ លោកង្វៀន សួនហ៊្វុក​ ប្រធានរដ្ឋវៀតណាម មកកាន់កម្ពុជារយៈពេល២ថ្ងៃ នាថ្ងៃទី ២១ និង ២២ ខែធ្នូ ឆ្នាំ២០២១។

ភាគីទាំងពីរបានគូសបញ្ជាក់អំពីសារៈសំខាន់នៃ​ការធ្វើការរួមគ្នាក្នុងការដោះ​ស្រាយផលប៉ះពាល់ផ្នែកវេជ្ជសាស្ត្រ សេដ្ឋកិច្ច និងសង្គមដែលបង្កឡើងដោយការរីករាល​ដាលនៃជំងឺកូវីដ-១៩។

ក្រៅពីនេះ ភាគីទាំងពីរបានអបអរសាទរចំពោះកិច្ចសហប្រតិបត្តិការទ្វេភាគីលើ វិស័យសេដ្ឋកិច្ច ពាណិជ្ជកម្ម និងវិនិយោគ ជាពិសេសចំណុចដ៏លេចធ្លោមួយ អាស្រ័យដោយទំហំពាណិជ្ជកម្ម​ទ្វេភាគីអាចរក្សាបាននូវសន្ទុះកំណើន បើទោះជាស្ថិតក្នុងស្ថានភាពរាតត្បាតនៃជំងឺកូវីដ-១៩។

ភាគីទាំងពីរបានឯកភាពជំរុញការអនុវត្តកិច្ចព្រមព្រៀងស្ដីពីការលើកកម្ពស់ និងការពារការវិនិយោគ និងកិច្ចព្រមព្រៀងស្ដីពីការជៀសវាងការយកពន្ធត្រួតគ្នា និងជួយសម្រួលដល់ការអភិវឌ្ឍពាណិជ្ជកម្ម​តាមព្រំដែន តាមរយៈការ   ពន្លឿនការចុះហត្ថលេខាលើកិច្ចព្រមព្រៀងស្ដីពីពាណិជ្ជកម្មតាមព្រំដែន ព្រមទាំងអនុវត្តអនុស្សរណៈនៃការយោគយល់គ្នាស្តីពីការអភិវឌ្ឍ និងការតភ្ជាប់ហេដ្ឋារចនាសម្ព័ន្ធ​ពាណិជ្ជកម្មតាមព្រំដែនឱ្យមានប្រសិទ្ធភាព ព្រមទាំងបន្តសិក្សាស្រាវជ្រាវការកសាងផ្សារព្រំដែនថ្មី និងតំបន់សេដ្ឋកិច្ចពិសេសនៅតាមបណ្តាខេត្តជាប់ព្រំដែន។

ភាគីទាំងបានឯកភាពពន្លឿនការបញ្ចប់ផែនការមេតភ្ជាប់សេដ្ឋកិច្ចកម្ពុជា-វៀតណាម​ដល់​ឆ្នាំ២០៣០ ត្រឹមចុងឆ្នាំ២០២២៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១ ម៉ោង មុន

អភិបាលខេត្តកំពង់ចាម ស្នើក្រុមហ៊ុនសាងសង់ប្រព័ន្ធលូ បញ្ចៀសផលប៉ះពាល់ និងស្ថាបនាផ្លូវឡើងវិញឱ្យបានស្អាត 

ព័ត៌មានអន្ដរជាតិ១ ម៉ោង មុន

ក្រុមហ៊ុន Xiaomi លក់រថយន្តអគ្គិសនីចំនួន ៥ម៉ឺនគ្រឿងក្នុងរយៈពេលតិចជាងកន្លះម៉ោង

ព័ត៌មានជាតិ១ ម៉ោង មុន

សាលាបឋមសិក្សាមុខនាគ ខេត្តសៀមរាប ប្រារព្ធទិវាអប់រំកាយ និងកីឡា ដើម្បីលើកកម្ពស់សុខភាព និងសមត្ថភាពរបស់សិស្ស

ចរាចរណ៍៤ ម៉ោង មុន

Update៖ ករណីគ្រោះថ្នាក់រថភ្លើងបុករថយន្ដដឹកអ្នកដំណើររបួសសរុប៤៦នាក់ ក្នុងនោះមានតៃកុងរថភ្លើងម្នាក់

ព័ត៌មានអន្ដរជាតិ៤ ម៉ោង មុន

កាណាដា ប្ដឹងក្រុមហ៊ុន Meta, Snapchat និង TikTok ពីបទរំខានការ​សិក្សារបស់សិស្ស

Sokha Hotels

ព័ត៌មានពេញនិយម