ព័ត៌មានជាតិ

សមត្ថកិច្ចខេត្តកណ្ដាលកំពុងស្រាវជ្រាវរកក្រុមគ្រួសារលោកស្រី អៀម ធីតា ដែលវិជ្ជមានកូវីដ១៩ មកធ្វើចត្តាឡីស័ក

បានផុស

៦ years មុន

នៅ

ថ្ងៃអង្គារ ៨ ធ្នូ ២០២០

ដោយ

Kang Tola

កណ្ដាល ៖ លោក គង់ សោភ័ណ្ឌ អភិបាលនៃគណៈអភិបាលខេត្តកណ្ដាល បានបញ្ជាឲ្យមានការស្រាវជ្រាវរកក្រុមគ្រួសារលោកស្រី អៀម ធីតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការស្រាវជ្រាវរកអ្នកពាក់ព័ន្ធនេះ ធ្វើឡើងនារសៀលថ្ងៃទី៨ ខែធ្នូ ឆ្នាំ២០២០នេះ អមដំណើរដោយលោកប្រធានមន្ទីរសុខាភិបាលខេត្ត និងក្រុមការងារ បានចុះពិនិត្យ និងបញ្ជាឲ្យមានការស្រាវជ្រាវរកក្រុមគ្រួសារលោកស្រី អៀម ធីតា ដែលធ្វើតេស្តវិជ្ជមានកូវីដ១៩ និងអ្នកជាប់ពាក់ព័ន្ធនឹងព្រឹត្តិការណ៍សហគមន៍២៨ វិច្ឆិកា នៅមណ្ឌលចត្តាឡីស័ក ស្រុកកណ្តាលស្ទឹង។

តាមរបាយការណ៍របស់សមត្ថកិច្ចបានឲ្យដឹងថា អ្នកជាប់ពាក់ព័ន្ធមានចំនួន៤៤នាក់ អ្នកពាក់ព័ន្ធដោយផ្ទាល់មានចំនួន០៧នាក់ និងប្រយោលចំនួន៣៧នាក់ ហើយពួកគាត់បានធ្វើចត្តាឡីស័ក បានត្រឹមត្រូវតាមវិធានរបស់ក្រសួងសុខាភិបាល រួចហើយ។

លោកអភិបាលខេត្ត ក៏បានធ្វើការអប់រំណែនាំដល់ប្រជាពលរដ្ឋចូលរួមសហការជាមួយអាជ្ញាធរ និងក្រុមគ្រូពេទ្យ បើបានដឹងខ្លួនថាមានជាប់ពាក់ព័ន្ធ សូមទៅធ្វើតេស្ត និងមិនត្រូវមានការភ័យខ្លាចជ្រុល ឬជ្រួលច្របល់ឡើយ។

ចំពោះទីកន្លែងដែលជាប់ពាក់ព័ន្ធ ក្រុមគ្រូពេទ្យបានបាញ់ថ្នាំសម្លាប់មេរោគផងដែរ។ សូមបញ្ចាក់៖ការធ្វើចត្តាឡីស័ក នៅបឋមសិក្សាព្រែកតាពៅ ចំនួន២៨នាក់ និងធ្វើចត្តាឡីស័ក នៅមន្ទីរពេទ្យបង្អែកស្រុកកណ្តាលស្ទឹង ចំនួន ១៦នាក់៕