Connect with us

ព័ត៌មានជាតិ

ខេត្តកោះកុង ត្រូវការឈាម១៥ ទៅ២០ប្លោក ក្នុង ១ខែ

បានផុស

នៅ

ខេត្តកោះកុង មានតម្រូវការឈាម យកមកព្យាបាលអ្នកជំងឺ ចាប់ពី ១៥ទៅ ២០ប្លោក ក្នុង ១ខែ ដែលដំណើរការគ្រប់គ្រង ផ្គត់ផ្គង់ប្រព្រឹត្តល្អប្រសើរ ដើម្បីឆ្លើយតបនឹងការជួយសង្រ្គោះបន្ទាន់ ទាន់ពេលវេលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងក្នុងពិធីបរិច្ចាគ នៅស្រុកបូទុមសាគរ ដែលមានព្រះសង្ឃ ពលរដ្ឋ យុវជន និងកងកម្លាំងប្រដាប់អាវុធប្រមាណ ៥០០អង្គនាក់ លោកស្រី ឈី វ៉ា សមាជិកាក្រុមប្រឹក្សាខេត្តកោះកុង បានឲ្យដឹងកាលពីថ្ងៃទី ៨ ខែមករា ឆ្នាំ ២០២២ថា សកម្មភាពបរិច្ចាគឈាម ដោយស្ម័គ្រចិត្តជាគុណធម៌ មិនអាចកាត់ថ្លៃបាន សម្រាប់ជួយសង្រ្គោះជីវិតមនុស្ស។

ដូច្នេះលោកស្រី ជឿជាក់ថា វប្បធម៌ផ្តល់ឈាមប្រកបដោយស្រឡាញ់ បន្តចូលរួមយ៉ាងសម្មភាពពីសប្បុរសជនគ្រប់ទិសទីបន្ថែមទៀត។ ខេត្តកោះកុង មានតម្រូវការឈាមត្រឹមតែ ១៥ទៅ ២០ប្លោកប៉ុណ្ណោះ សម្រាប់សង្រ្គោះបន្ទាន់លើអ្នកជំងឺ ដែលត្រូវការឈាមបានទាន់ពេលវេលា។ បើធៀបនឹងរាជធានី និងខេត្តផ្សេងៗ មានតម្រូវការច្រើន តាមជាក់ស្តែង។

លោកស្រី ឈី វ៉ា បន្តជំរុញលើកចិត្តទឹកចិត្ត សប្បុរសជនទាំងអស់ ចូលរួមបរិច្ចាគឈាមដោយក្តីស្រឡាញ់ថែមទៀត កុំមានការភ័យខ្លាចអ្វីឲ្យសោះ។ ការផ្តល់ឈាមបានរួមចំណែក ដល់ការជួយជីវិតមនុស្ស ក្រុមគ្រួសារ និងសង្គមជាតិទាំងមូលផងដែរ។

លោកវេជ្ជបណ្ឌិត សុខ ប៉ូ ប្រធានមជ្ឈមណ្ឌលជាតិផ្តល់ឈាម សម្តែងក្តីអរគុណ ចំពោះសកម្មភាពផ្តល់ឈាមដោយស្ម័គ្រចិត្ត នៅស្រុកបូទុមសាគរ ដោយលោក អះអាងថា  តម្រូវការផ្គត់ផ្គង់ឈាមជូនអ្នកជំងឺនៅកម្ពុជា បន្តកើនឡើងមិនថមថយនោះទេ ទោះបីជារងប៉ះពាល់ ដោយសារការរីករាលដាលជំងឺកូវីដ១៩ក៏ដោយ ។

លោកវេជ្ជបណ្ឌិត បន្តថា ជាក់ស្តែង រៀងរាល់៦នាទីម្តង មន្ទីរពេទ្យត្រូវបានឈាម១ប្លោក ដើម្បីជួយសង្រ្គោះជីវិតអ្នកជំងឺ។ ៩ខែឆ្នាំ២០២១នេះ ការផ្គត់ផ្គង់ឈាមទូទាំងប្រទេសកម្ពុជាមានជិត៧ម៉ឺនប្លោក ប៉ុន្តែតាមរយៈការផ្តល់ឈាមដោយសប្បុរសជនអ្នកស្ម័គ្រចិត្ត មិនគិតកម្រៃឆ្លើយតម្រូវការបានត្រឹម៩ភាគប៉ុណោះ។

លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង ថ្លែងដែរថា យន្តការផ្តល់ឈាមទៅកាន់ក្រុមអ្នកជំងឺធ្វើឡើងការគ្រប់គ្រងដោយតម្លាភាពបំផុត ដើម្បីសង្រ្គោះជីវិតមនុស្សមិនប្រកាន់និន្នាការនោះទេ។ ករណីខ្វះខាតឈាម ឬចាំបាច់ មន្រ្តីសុខាភិបាលនឹងស្នើសុំទៅកាន់មជ្ឈមណ្ឌលជាតិផ្តល់ឈាមបន្ទាន់ផងដែរ

បើតាមលោកវេជ្ជបណ្ឌិត ជាទូទៅ បងប្អូន ក្រុមគ្រួសារអ្នកជំងឺតែងស្ម័គ្រចិត្តផ្តល់ឈាមអ្នកជំងឺដែលជាសាច់ញ្ញាតិពួកគាត់។ តម្រូវការឈាមភាគច្រើនសម្រាប់អ្នកជំងឺផ្នែកវះកាត់ គ្រោះថ្នាក់ចរាចរណ៍ និងស្រ្តីឆ្លងទន្លេជាដើម។

ចំណែកលោក ហាក់ ឡេង អភិបាលស្រុកបូទុមសាគរ មានប្រសាសន៍ថា ការផ្តល់ឈាមដោយស្ម័គ្រចិត្តនេះ ជាលើកដំបូងហើយសម្រាប់មូលដ្ឋានស្រុករបស់លោក ក្នុងគោលបំណងអបអរសាទរខួបលើកទី៤៣នៃទិវាជ័យជម្នះ៧ មករា ផង និងជាសកម្មភាពមនុស្សធម៌ស្វែងរកឈាមផង។

លោក ហាក់ ឡេង បន្ថែមថា ពលរដ្ឋទូទាំងប្រទេសដែលខ្វះខាត និងត្រូវការឈាមជាចាំបាច់ អាចនឹងទទួលបានឈាមពីក្តីស្រឡាញ់របស់អ្នកបរិច្ចាគ។ ការផ្តល់ឈាម មានអត្ថប្រយោជន៍ចំពោះសុខភាពតាមក្បួនវេជ្ជសាស្រ្ត ក៏ដូចជាគាំពារសង្គមជាតិ៕

អត្តបទ៖ សិរីវឌ្ឍនៈ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សន្តិសុខសង្គម២២ នាទី មុន

ជនជាតិ​ចិនតៃវ៉ាន់១៤នាក់ ​ត្រូវ​នគរបាល​បញ្ជូន​ទៅតុលាការ​ពាក់ព័ន្ធករណី​គ្រឿងញៀន​ជាង​១៤០០​គីឡូក្រាម និងសារធាតុគីមីជាង១១តោន

ជីវិតកម្សាន្ដ៥១ នាទី មុន

តួនាង ម៉ារីម៉ា ប្រកាសក្ដែងៗនឹងធ្វើរឿងនេះ ទោះបីលំបាកចំពោះស្ត្រី

ព័ត៌មានជាតិ១ ម៉ោង មុន

ឧបនាយករដ្ឋមន្ត្រី ប្រាក់ សុខុន និង​ភ្ញៀវ​អន្តរជាតិ គោរព​វិញ្ញាណ​ក្ខ​ន្ធ​អ្នកថែរក្សា​សន្តិភាព​អង្គការសហប្រជាជាតិ​

នយោបាយ១ ម៉ោង មុន

ព្រះអង្គម្ចាស់ នរោត្តម ចក្រាវុធ យាង​ដឹកនាំ​ហែ​ក្បួន​ឃោសនា​នៅ​ខេត្តកំពង់ធំ និង​សៀមរាប​

ជីវិតកម្សាន្ដ២ ម៉ោង មុន

ឈុតផឹកតែពីចានទម្រពែងរបស់តួ Gangubai បង្ហាញពីវប្បធម៌ដ៏ជូរចត់មួយរបស់ឥណ្ឌា

Sokha Hotels

ព័ត៌មានពេញនិយម