Connect with us

ព័ត៌មានជាតិ

លម្អិត​សង្ស័យ​អ្នក​ឆ្លង​កូវីដអូមីក្រុង មន្រ្តី​ចុះ​យក​សំណាក​អ្នក​ពាក់ព័ន្ធ​ទាំង​យប់

បានផុស

នៅ

ខេត្តបាត់ដំបង: មន្រ្តីសុខាភិបាលខេត្តបាត់ដំបងបានចុះស្រាវជ្រាវទាំងយប់ រកអ្នកប៉ះពាល់ផ្ទាល់និងអ្នកពាក់ព័ន្ធអ្នកជំងឺ​កូវីដ១៩ ប្រភេទបម្លែងថ្មី អូមីក្រុង នៅភូមិបោះពោធិ ឃុំអូរដំបង១ ស្រុកសង្កែ នាយប់ថ្ងៃទី ១១ខែមករា ២០២១។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្រ្តីសុខាភិបាលខេត្តបាន​ឲ្យ​ដឹងថា អ្នកពាក់ព័ន្ធផ្ទាល់ត្រូវបានបញ្ជូនទៅដាក់ដោយឡែក។ ចំណែកក្រុមគ្រួសារអនុញ្ញាតិ​ឲ្យ​ធ្វើចត្តាឡីស័កនៅក្នុងផ្ទះដើម្បីតាមដានបន្ត រង់ចាំលទ្ធផលសំណាកពីប៉ាស័្ទរនៅ​រាជធានីភ្នំពេញ។ 

លោកវឿង ប៊ុនរ៉េត ប្រធានមន្ទីរសុខាភិបាលខេត្តបាត់ដំបង បានឲ្យ​ដឹងតាមរយ:ផេកផ្លូវការរបស់មន្ទីរថា ព័ត៌មានបឋមមកទល់យប់ថ្ងៃទី១១ខែមករា មានអ្នកពាក់ព័ន្ធផ្ទាល់និងប្រយោលជាមួយជនជាតិស្វីសពីរនាក់ ដែលមានមេរោគកូវីដ១៩ បម្លែងថ្មី អូមីក្រុង ចំនួន៩នាក់ហើយ ត្រូវបានយកសំណាក និងបន្តតាមដានស្ថានភាពសុខភាព។

មន្ទីរសុខាភិបាលបានឱ្យដឹងថា នៅវេលាម៉ោង ២ និង ៣០នាទី រសៀល ថ្ងៃទី១០ ខែមករា ឆ្នាំ២០២២ ក្រុមឆ្លើយតបបន្ទាន់មន្ទីរសុខាភិបាលខេត្ដបាត់ដំបង សហការជាមួយស្រុកប្រតិបត្ដិបាត់ដំបង បានចុះស្រាវជ្រាវអ្នកប៉ះពាល់ករណីវិជ្ជមានកូវីដ១៩ ប្រភេទអូមីក្រុង ចំពោះបុរសជាអ្នកទេសចរជនជាតិស្វីសឈ្មោះ Daminic Fiuckiger អាយុ៤០ឆ្នាំ និងឈ្មោះ Silvan Kung អាយុ៤៧ឆ្នាំ ដោយបច្ចុប្បន្នអ្នកជំងឺត្រូវបានដាក់ឱ្យសម្រាកព្យាបាល នៅមជ្ឈមណ្ឌលជាតិកំចាត់រោគរបេង និងហង់សិន (បន្ទប់លេខ ICU)។

ប្រវត្ដិដំណើរសង្ខេបរបស់អ្នកជំងឺខាងលើនេះ គឺ ថ្ងៃទី៣ ខែមករា ឆ្នាំ២០២២ អ្នកទាំងពីរ​និងមិត្ដម្នាក់ទៀតបានចូល សម្រាកនៅសណ្ឋាគារឃីងហ្វី ក្នុងសង្កាត់រតន: បន្ទាប់មកបានជិះម៉ូតូកង់៣ ទៅលេងភ្នំសំពៅ រហូតដល់ល្ងាចត្រលប់មកបាត់ដំបងវិញបានចូលហូបអាហារនៅភោជនីដ្ឋាន បាត់ដំបងថោន ហើយក៏ចូលសម្រាកនៅសណ្ឋាគារ។ 

លុះថ្ងៃទី៤ ម៉ោងប្រហែល ៥:០០នាទីព្រឹក អ្នកទាំង៣ បានជិះម៉ូតូកង់៣ ដដែលទៅចំណតកាណូត ហើយជិះកាណូតធ្វើដំណើរទៅខេត្ដសៀមរាប។ រហូតដល់ថ្ងៃទី៦ ខែមករា ឆ្នាំ២០២២ សាមីខ្លួនទាំង៣ ត្រូវបានយកសំណាកវត្ថុវិភាគធ្វើដោយតេស្ដ GeneXpert និងទទួលលទ្ធផលវិជ្ជមានកូវីដ១៩ ប្រភេទអូមីក្រុង ហើយត្រូវបានដាក់ឱ្យសម្រាកព្យាបាលនៅទីតាំងខាងលើ។

មន្ទីរសុខាភិបាលបញ្ជាក់ថា បុគ្គលិកទទួលភ្ញៀវសណ្ឋាគារ ១នាក់ និងអ្នកបើកបរកង់៣ ចំនួន១នាក់ ដែលប៉ះពាល់ផ្ទាល់ជាមួយអ្នកជំងឺ បានយកសំណាកវត្ថុវិភាគដោយតេស្ដរហ័សទទួលលទ្ធផលអវិជ្ជមាន និងបន្តតាមដានរោគសញ្ញា។ ចំពោះបុគ្គលិកផ្នែករៀបចំរបស់សណ្ឋាគារ ៥នាក់ប៉ះពាល់ប្រយោល បានយកសំណាកវត្ថុវិភាគដោយតេស្ដរហ័សទទួលលទ្ធផលអវិជ្ជមាន និងបន្តតាមដានរោគសញ្ញាផងដែរ។

ដោយឡែក អ្នកបើកបរកាណូតរស់នៅខេត្តសៀមរាប មន្រ្តីសុខាភិបាលខេត្តបាត់ដំបងបាន រាយការណ៍ទៅមន្រ្តីសុខាភិបាលខេត្តសៀមរាបរួចហើយ ដើម្បីស្រាវជ្រាវយកសំណាក៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សុខភាព២២ នាទី មុន

គួរដឹង! ជំងឺអុតស្វា ងាយឆ្លងតាមរយៈសកម្មភាពប៉ុន្មាននេះ

ព័ត៌មានជាតិ២៥ នាទី មុន

លោក សុខ ទូច មើល​ឃើញ​មាន​ទិដ្ឋភាព​៣ សម្រាប់​ការឃោសនា​ការបោះឆ្នោត ឃុំ សង្កាត់​របស់​បក្សនយោបាយ

ព័ត៌មានជាតិ៣១ នាទី មុន

ក្រសួង​ប្រកាស​ឱ្យ​ប្រយ័ត្ន​ចោរ​ព័ត៌មានវិទ្យា​លួច​សាច់ប្រាក់ តាម​រូបភាព​ផ្ញើ​ព័ត៌មាន​តាម​អ៊ី​ម៉ែ​ល​

ព័ត៌មានជាតិ១ ម៉ោង មុន

បបែល​យក្ស​ជាង​មួយរយ​គីឡូ​មួយ​ក្បាល​ទៀតហើយ​ត្រូវបាន​អ្នកនេសាទ​ចាប់បាន

ព័ត៌មានជាតិ២ ម៉ោង មុន

សម្តេច​ ហ៊ុន សែន ៖ សង្គ្រាម​​រុស្ស៊ី​-​អ៊ុយ​ក្រែ​ន ​មិន​ត្រឹម​​​បន្ទច់បង្អាក់​​​ការ​ងើប​ឡើងវិញ​នៃ​ស្ថានភាព​សង្គម​-​សេដ្ឋកិច្ច​​ទេ តែ​អាច​ជះឥទ្ធិពល​ដល់ សង្គម​-​សេដ្ឋកិច្ច និង​ភូមិសាស្ត្រ​នយោបាយ​រយៈពេល​វែង​

Sokha Hotels

ព័ត៌មានពេញនិយម