ព័ត៌មានជាតិ

ខេត្តបាត់ដំបង រៀបចំការប្រកួតរត់ម៉ារ៉ាតុង ដើម្បីកៀរគររកថវិកាជួយដល់កុមារកំព្រា

បានផុស

៤ years មុន

នៅ

ថ្ងៃពុធ ១៩ មករា ២០២២

ដោយ

ថ្មីៗនេះ រដ្ឋបាលខេត្តបាត់ដំបង បានប្រកាសស្វែងរកអ្នកស្ម័គ្រចិត្តចូលរួមរត់ម៉ារ៉ាតុង ដើម្បីកៀរគររកប្រាក់សម្រាប់ឧបត្ថម្ភដល់កុមារកំព្រាក្នុងខេត្ត ។

នៅព្រឹកថ្ងៃទី១៩ ខែមករា ឆ្នាំ២០២២ នៅមុខបរិវេណសាលាខេត្តបាត់ដំបង មានការជួបជុំពីសំណាក់អ្នកស្ម័គ្រចិត្តក្នុងការចូលរួមរត់ម៉ារ៉ាតុងសរុបប្រមាណជាង ១.០០០ នាក់ ដែលក្នុងនោះមានក្រុមជនពិការ មន្ត្រីរាជការ និង ប្រជាពលរដ្ឋ ក្រោមវត្តមានរបស់លោក ស សុខា និងលោក ស រដ្ឋា សហភាពសហព័ន្ធយុវជនកម្ពុជា (ស.ស.យ.ក) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ថា ការរត់ម៉ារ៉ាតុងនេះ ត្រូវបានបែងចែកជា៣ក្រុម ឬ៣ដំណាក់កាល ដោយផ្តើមចេញពីចំណុចខាងមុខសាលាខេត្តបាត់ដំបង ឆ្លងស្ទឹងសង្កែឆ្ពោះទៅកាន់ស្ពានថ្មថ្មី បែរទៅរកសួនភ្លោះព្រែកមហាទេព រួចធ្វើដំណើរតាមផ្លូវលេខ៣ ក្នុងក្រុងបាត់ដំបង តម្រង់ទៅមុខសាលាខេត្តវិញដើម្បីបញ្ចប់ ដែលសរុបមានចម្ងាយ ៥ km ដើម្បីប្រគល់ពានទៅលើអ្នកដែលទទួលបានជ័យលាភី ។

ដំណាក់កាលទី១ គឺជាក្រុមរទេះជនពិការ បន្ទាប់មកគឺជាក្រុមមន្ត្រីរាជការ ឯក្រុមចុងក្រោយគឺជាក្រុមរបស់ប្រជាពលរដ្ឋ និងសិស្សានុសិស្ស ដើម្បីកៀងគររកថវិកា ជួយឧបត្ថម្ភដល់កុមារកំព្រា ក្នុងខេត្ត និងបញ្ចប់កម្មវិធី ៕

អត្ថបទ៖ សោ និយមរ័ត្ន