ព័ត៌មានជាតិ
កម្ពុជា រំពឹងថា ទំហំពាណិជ្ជកម្មជាមួយវៀតណាមនឹងឡើងលើស ១០ពាន់លានដុល្លារ
ប្រមុខដឹកនាំកម្ពុជា រំពឹងថា ទំហំពាណិជ្ជកម្មរវាងកម្ពុជា និងវៀតណាម នឹងបន្តកើនឡើងលើស ១០ពាន់លានដុល្លារបន្ថែមទៀត ក្រោយភាគីទាំងពីរ រួមគ្នាដោះស្រាយបញ្ហានៅតាមព្រំដែនប្រកបដោយសុខសន្តិភាព។
សម្តេចតេជោ ហ៊ុន សែន ដាក់ក្តីរំពឹងបែបនេះ នៅក្នុងជំនួបកិច្ចពិភាក្សាការងារជាមួយនឹងលោក ប៊ូយ ថាញ់សឺន (Bùi Thanh Sơn) រដ្ឋមន្ត្រីការបរទេសនៃសាធារណរដ្ឋសង្គមនិយមវៀតណាម កាលពីថ្ងៃទី ២០ ខែមករា ឆ្នាំ ២០២២ នៅវិមានសន្តិភាព រាជធានីភ្នំពេញ។ សម្តេចតេជោនាយករដ្ឋមន្ត្រី វាយតម្លៃខ្ពស់ចំពោះវឌ្ឍនភាព និងការរីកចម្រើននៃទំនាក់ទំនងទ្វេភាគីរវាងកម្ពុជា-វៀតណាម។
លោក ប៊ូយ ថាញ់សឺន (Bùi Thanh Sơn) បានកោតសរសើរ និងស្ញប់ស្ញែងចំពោះការប្រែប្រួលក៏ដូចជាការអភិវឌ្ឍក្នុងរយៈពេលខ្លី នៅប្រទេសកម្ពុជា ក្រោមការដឹកនាំដ៏ឈ្លាសវៃរបស់សម្តេចតេជោនាយករដ្ឋមន្ត្រី ដែលមានការរីកចម្រើនស្ទើរលើគ្រប់វិស័យ។ លោកបន្តថា បច្ចុប្បន្នកម្ពុជា នៅតែបន្តរីកលូតលាស់ទៅមុខ ជាពិសេសការពង្រឹងតួនាទីរបស់ខ្លួន និងកិត្តិនាមរបស់កម្ពុជា នៅក្នុងតំបន់ក៏ដូចជាអន្តរជាតិផងដែរ។
សូមបញ្ជាក់ថា ទំហំពាណិជ្ជកម្មរវាងកម្ពុជា វៀតណាម កាលពីឆ្នាំ ២០២១ សម្រេចបានប្រមាណជិត ១ម៉ឺនលានដុល្លារ ខណៈភាគីទាំងពីរបានរួមគ្នាដោះស្រាយបញ្ហានៅតាមព្រំដែន ដើម្បីជំរុញកំណើនសេដ្ឋកិច្ច និងស្តារសេដ្ឋកិច្ចទ្បើងវិញក្នុង និងក្រោយវិបតិ្តកូវីដ-១៩។
ចំណែកកាលឆ្នាំ ២០២០ ពាណិជ្ជកម្មរវាងប្រទេសទាំងពីរ មានទំហំជាង ៥ពាន់លានដុល្លារ ដែលកាលណោះ វិបត្តិកូវីដ-១៩ កំពុងផ្ទុះខ្លាំងនៅកម្ពុជា៕ ដោយ៖ ទួន សុផល
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង