ព័ត៌មានជាតិ
ខេត្តរតនគិរីនាំចេញផលកសិកម្មទៅកាន់ប្រទេសវៀតណាមបាន ៥៤ លានដុល្លារ ឆ្នាំ ២០២១
ឆ្នាំ ២០២១ កន្លងទៅនេះ ខេត្តរតនគិរី បាននាំចេញផលិតផលទៅកាន់ប្រទេសវៀតណាម មានទំហំទឹកប្រាក់ប្រមាណ ៥៤លានដុល្លារ ។ ផលិតផលនាំចេញភាគច្រើនគឺ ជាផលិតផលកសិកម្ម ក្នុងនោះ រួមមាន កៅស៊ូ ស្វាយ ខ្នុរ ម្នាស់ ស្រកានាគ និងថ្មម៉ាតជាដើម។ ជាមួយគ្នានេះខេត្តរតនគិរី ក៏បាននាំចូលពីវៀតណាម មកវិញមានទឹកប្រាក់ប្រមាណ ៣១លានដុល្លារអាមេរិក មានដូចជា៖ ក្រដាសកាតុង ថង់ប្លាស្ទិក សម្រាប់បម្រើឲ្យវិស័យកសិកម្មដំណាំចេក និង ជីកសិកម្មជាដើម ។ នេះបើយោងតាមលោក ខៀវ ថា ប្រធានមន្ទីរពាណិជ្ជកម្មខេត្តរតនគិរី ។
លោក ខៀវ ថា ថ្លែងបែបនេះ នាព្រឹកថ្ងៃទី ២៧ ខែមករា ឆ្នាំ២០២២ នៅក្នុងសន្និសីទសារព័ត៌មានស្ដីពី “វឌ្ឍនភាពមូលដ្ឋាន ឃុំ សង្កាត់ និងទិសដៅការងារបន្ដរបស់រដ្ឋបាលខេត្តរតនគិរី” ដែលរៀបចំឡើងដោយអង្គភាពអ្នកនាំពាក្យរាជរដ្ឋាភិបាល។
អាជ្ញាធរខេត្តរតនគិរីបានឲ្យដឹងថា ការនាំចេញផលិតផលកសិផលនេះ ត្រូវបានធ្វើឡើងតាមរយៈក្រុមហ៊ុនវិនិយោគលើដីសម្បទានសេដ្ឋកិច្ចចំនួន ២៧ ក្រុមហ៊ុនដែលកំពុងប្រតិបត្តិការនៅក្នុងខេត្ត ។ ក្រុមហ៊ុនទាំងនោះ កំពុងវិនិយោគលើដំណាំកៅស៊ូ ស្វាយចន្ទី ចេកអំបូងលឿង ស្វាយ ស្រកានាគ ខ្នុរ ដូង ទុរេន មៀន និងក្រូច ជាដើម។ ចាប់ពីឆ្នាំ ២០១៩ មកខេត្តមានក្រុមហ៊ុនទទួលបានអាជ្ញាប័ណ្ណវិនិយោគដីសម្បទានសេដ្ឋកិច្ចពីរដ្ឋាភិបាលលើផ្ទៃដីសរុប ១២៤ ៦៦៩ ហិកតា ក្នុងនោះ ការអនុវត្តដាំដុះលើផ្ទៃដី ៥៥,០៤៣ ហិកតា។ លើសពីនេះខេត្តមានរោងចក្រកែច្នៃកៅស៊ូក្រែបចំនួន ៧ ទីតាំងនិងសិប្បកម្មកៅស៊ូសន្លឹកចំនួន ៩ ទីតាំងដែលមានសមត្ថភាពផលិតកែ ច្នៃជ័រកៅស៊ូក្រែបជាមធ្យម ៣០,៤៧៩ តោនក្នុង ១ ឆ្នាំ៕ ដោយ៖ណារី
-
ព័ត៌មានជាតិ២៣ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ ago
មួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល