លោកស្រី យក់ សម្បត្តិ៖ការធ្វើតេស្តលើកទី៣នេះក្រសួងបាន​យកសំណាកបានជាង៨០០០​សំណាកនៅទីតាំងចំនួន​១៨​កន្លែង

លោកស្រីវេជ្ជបណ្ឌិត យក់ សម្បត្តិ រដ្ឋលេខាធិការក្រសួងសុខាភិបាលបានមានប្រសាសន៍តាមតេឡេក្រាមថាការធ្វើតេស្តលើកទី៣ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកានៅថ្ងៃទី១២ ធ្នូនេះ ក្រសួងបានយកសំណាកនៅទីតាំង​ទាំ១៨កន្លែងនៅទូទាំងប្រទេសបានចំនួន៨១៣៣សំណាក។

លោកស្រីបានបន្តថាការធ្វើតេស្តលើកទី៣នេះក្រសួងបានចាប់ផ្តើមនៅព្រឹកម៉ោង៧ព្រឹក រហូតដល់ម៉ោង៥និង៣០នាទីល្ងាចនេះនៅតាមទីតាំងចំនួន១៨កន្លែងនៅទូទាំងប្រទេស ក្នុងនោះនៅរាជធានីភ្នំពេញមាន១០ទីតាំងនិងខេត្តចំនួន៨។

 លោកស្រីបានបន្តទៀតថា ទីតាំងចំនួន១០កន្លែងនីភ្នំពេញរួមមាន១៖ ផ្ទះសម្តេចអគ្គមហាពញាចក្រី ហេង សំរិន វេលាម៉ោង៨៖០០ព្រឹក។២៖ ផ្ទះសម្តេចក្រឡាហោម ស ខេង ៣៖ រដ្ឋសភា ៤៖ ក្រសួងមហាផ្ទៃ៥. ផ្ទះឯកឧត្តម ហ៊ុន ម៉ានី ៦៖ ទីតាំងអង្គភាពភីឡតបន្ទាយទួលក្រសាំង ៧៖ពហុកីឡដ្ឋានជាតិអូឡាំពិកសម្រាប់ប្រជាពលរដ្ឋដែលបានប៉ះពាល់ផ្ទាល់ និងប្រយោល៨.សណ្ឋាគារសុខា ៩.មន្ទីពេទ្យខ្មែរសូវៀតនិង១០មណ្ឌសុខភាពចាក់អង្រែ។

ចំណែកនៅខេត្តមាន៨កន្លែងរួមមានខេត្តបាត់ដំបង សៀមរាប បន្ទាយមានជ័យ កំពង់ឆ្នាំង ត្បូងឃ្មុំ កំពង់ធំ កណ្តាលនិងឧត្តរមានជ័យ។

លោកស្រីបានអំពាវនាវដល់ប្រជាពលរដ្ឋក៏ដូចជាអាជីវករដែលដឹងខ្លួនថាមានការជាប់ពាក់ព័ន្ធនឹងព្រឹត្តិការណ៍សហគមន៍​២​៨វិច្ឆិកាដែលមិនបានមកធ្វើតេស្តនៅថ្ងៃទី១២ធ្នូនេះសូមទៅធ្វើតេស្តនៅវិទ្យាស្ថានសុខភាពសាធារណៈ មន្ទីរពេទ្យខ្មែរសូវៀតនិងមណ្ឌលសុខភាពចាក់អង្រែសម្រាប់រាជធានីភ្នំពេញនិងនៅតាមខេត្តមានចំនួន៨ខេត្ត។

លោកស្រីបានបញ្ជាក់ថាការធ្វើតេស្តលើកទី៣ពាក់ព័ន្ធនឹងព្រឹត្តិការណ៍សហគមន៍២៨វិច្ឆិកានៅថ្ងៃទី១២ធ្នូនេះគឺប្រព្រឹត្តិទៅដោយរលូនមិនមានបញ្ហាអ្វីទេនិងមានរបៀបរៀបរយដោយមិនមានការប្រជ្រៀតគ្នាដូចមុនឡើយដោយសារក្រសួងបានត្រួតពិនិត្យយ៉ាងម៉ត់ចត់ជាទីបំផុតដូចជាការវាស់កម្តៅ បាញ់អាកុលមុននឹងអនុញ្ញាតឲ្យចូល រក្សាគម្លាត មានការតម្រង់ជួរនិងចែកលេខរៀងដោយមានការចូលរួមជួយសម្របសម្រួលពីក្រុមគ្រូពេទ្យស្ម័គ្រចិត្តសម្តេចតេជោនិងកម្លាំងក្រសួងសួងមហាផ្ទៃពិសេសអ្នកទៅធ្វើតេស្តអនុវត្តតាមការណែនាំរបស់ក្រសួងសុខាភិបាលបានត្រឹមត្រូវ។

គួរបញ្ចាក់ថាការធ្វើតេស្តលើកទី៣ពាក់ព័ន្ធនឹងអ្នកជាប់ព្រឹត្តិ ការណ៍សហគមន៍២៨វិច្ឆិកានៅថ្ងៃទី១២ធ្នូនេះក្រសួងសុខាភិបាលបានរៀបចំកន្លែងធ្វើតេស្តរកមេរោគកូវីដ១៩។ គិតចាប់ ពីថ្ងៃទី២៨ ខែវិច្ឆិការហូតដល់ ថ្ងៃទី១១ខែធ្នូនេះមានអ្នកពាក់ព័ន្ធព្រឹត្តិការណ៍ «សហគមន៍២៨វិច្ឆិកា»ចំនួន៤០នាក់ក្នុងស្រី១៩នាក់មានតេស្តវិជ្ជមានវីរុសកូវីដ១៩។

ដោយឡែកគិតត្រឹមម៉ោង៧ព្រឹកថ្ងៃទី១២ ខែធ្នូ ឆ្នាំ២០២០នេះ កម្ពុជាបានរកឃើញអ្នកឆ្លងកូវីដ១៩ ចំនួន ៣៥៧នាក់ ក្នុងនោះមានអ្នកព្យាបាលជាសះស្បើយ ចំនួន៣០៧នាក់ និងអ្នកកំពុងសម្រាកនៅមន្ទីរពេទ្យចំនួន៥០នាក់៕

សំអឿន