ព័ត៌មានជាតិ
ទូតអូស្ត្រាលី បង្ហាញពីការអប់រំបែបទំនើបនៅអូស្ត្រាលីដល់សិស្សកម្ពុជា
លោក Pablo Kang ឯកអគ្គរាជទូតអូស្ត្រាលីប្រចាំនៅកម្ពុជា បានបង្ហាញពីការអប់រំធនធានមនុស្សតាមបែបទំនើបដល់សិស្សានុសិស្សជាង១ពាន់នាក់មកពីវិទ្យាល័យនានា ក្នុងស្រុកក្រគរ និងស្រុកកណ្តៀងខេត្តពោធិ៍សាត់សម្រាប់ជាគន្លឹះក្នុងការសិក្សាទាំងកម្រិតវិទ្យាល័យ និងឈានទៅមហាវិទ្យានាពេលខាងមុខ។ ការបង្ហាញនេះ ធ្វើឡើងកាលពីថ្ងៃទី២៤ ខែមីនា ឆ្នាំ២០២២ ម្សិលមិញនេះ។
ឯកអគ្គរាជទូតអូស្ត្រាលី បានមានប្រសាសន៍ថា អូស្ត្រាលីបានផ្ដោតការយកចិត្តទុកដាក់ក្នុងការបណ្ដុះបណ្ដាលធនធានមនុស្សលើមុខវិជ្ជាវិទ្យាសាស្ត្រពិត ដូចជាគណិតវិទ្យា និងរូបវិទ្យា ដែលបានធ្វើឱ្យប្រទេសអូស្ត្រាលី ក្លាយទៅជាប្រទេសឈានមុខមួយក្នុងការស្រាវជ្រាវលើវិស័យអវកាស វិស័យវិទ្យាសាស្ត្រកុំព្យូទ័រ និងវិស័យវិស្វកម្ម និងជាប្រទេសអភិវឌ្ឍន៍(G7) ជាប់ចំណាត់ថ្នាក់លេខ១២ ដែលមានសេដ្ឋកិច្ចជឿនលឿន ក្នុងពិភពលោក។ លោកបានបន្តថា សម្រាប់ប្រព័ន្ធអប់រំអូស្ត្រាលី មានបួនដំណាក់កាលធំៗគឺ ថ្នាក់បឋម អនុវិទ្យាល័យ វិទ្យាល័យ និងឧត្តមសិក្សា ដោយប្រើប្រាស់ភាសាអង់គ្លេស ជាភាសាចម្បង នៃការណែនាំនៅក្នុងប្រព័ន្ធអប់រំ។
បើតាមឯកអគ្គរាជទូតអូស្ត្រាលី បច្ចុប្បន្ននេះ មានពលរដ្ឋខ្មែរជាង៦ម៉ឺននាក់ កំពុងរស់នៅក្នុងប្រទេសអូស្ត្រាលី ខណៈមានជនជាតិអូស្ត្រាលីប្រមាណ៦ទៅ៧ពាន់នាក់ ក៏កំពុងរស់នៅក្នុងប្រទេសកម្ពុជាដែរ។ ឯកអគ្គរាជទូតអូស្ត្រាលី បានរំលឹកថា ទំនាក់ទំនងការទូតអូស្ត្រាលី និងកម្ពុជា បានចាប់ផ្ដើមតាមរយៈការរួមចំណែក ក្នុងការងើបឡើងពីសម័យវិនាសកម្ម និងការពង្រឹងឡើងវិញនូវសេដ្ឋកិច្ចខ្មែរ ដោយអូស្ត្រាលីបានផ្ដល់ការគាំទ្រជាខ្លាំងនូវដំណើរឆ្ពោះទៅរកសន្តិភាព និងលទ្ធិប្រជាធិបតេយ្យរហូតឈានដល់ការបោះឆ្នោតនាឆ្នាំ១៩៩៣។
ចំណែក លោក កែវ រតនៈ រដ្ឋមន្ត្រីប្រតិភូអមនាយករដ្ឋមន្ត្រី អគ្គនាយកអគ្គីសនីកម្ពុជា បានមានប្រសាសន៍ថា ធនធានមនុស្ស គឺជាកត្តាសំខាន់ ដូច្នេះហើយបានជារាជរដ្ឋាភិបាលកម្ពុជា បានចាត់ទុកវិស័យអប់រំ គឺជាវិស័យអាទិភាពគន្លឹះមួយ ក្រោមពាក្យស្លោក «អប់រំសម្រាប់ទាំងអស់គ្នា ទាំងអស់គ្នាដើម្បីការអប់រំ»។
លោកបានបន្តថា សកលវិទ្យាល័យ មហាវិទ្យាល័យរបស់អូស្ត្រាលី មានគុណភាពខ្ពស់ គឺស្ថិតក្នុងចំណោមសកលវិទ្យាល័យ ឬមហាវិទ្យាល័យដែលល្បីៗទូទាំងសកលលោក ហើយលោកផ្ទាល់ ក៏ធ្លាប់បានទៅបន្តការសិក្សាវគ្គខ្លី និងបានទៅធ្វើទស្សនកិច្ចសិក្សានៅប្រទេសនេះផងដែរ៕
ដោយ ៖ សំអឿន
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង