Connect with us

ព័ត៌មានជាតិ

ក្រសួង​អប់រំ ចេញ​លិខិត​អញ្ជើញ​កោះ​ប្រជុំបន្ទាន់​ ជាមួយ​ប្រធាន​មន្ទីរអប់រំរាជធានី​ខេត្ត​

បានផុស

នៅ

រដ្ឋមន្រ្តី​ក្រសួងអប់រំ យុវជន​ និង​កីឡា បាន​ធ្វើ​លិខិត​អញ្ជើញប្រធាន​មន្ទីរអប់រំ​ យុវជន​ និង​កីឡា រាជធានីខេត្ត ប្រជុំ​បន្ទាន់​មួយ តាម​ប្រព័ន្ធ​កម្មវិធីហ្សូម។

ការ​បើក​កិច្ច​ប្រជុំ​ប្រញាប់នេះ ក្រោយ​ពេល​សម្តេចតេជោ ហ៊ុន សែន នៅ​ព្រឹកនេះ បាន​ស្នើ​ឲ្យ​រដ្ឋមន្រ្តី​ក្រសួង​អប់រំ​ យុវជន និង​កីឡា ពិចារណា​សម្រេច​ឲ្យ​សិស្ស​ដែល​ត្រូវ​ប្រលង​បាក់ឌុប​ឆ្នាំនេះ​ជាប់​ដោយ​ស្វ័យ​ប្រវត្តិ។

សម្តេច​មាន​ប្រសាសន៍​ថា ស្ថានភាព​បច្ចុប្បន្នមិន​អាច​វាយ​តម្លៃ​គុណភាព​សិក្សា​​ តាម​រយៈ​ការ​ប្រលង ដោយសារ​ជំងឺ​កូវីដ​បាន​ធ្វើ​ឲ្យ​ប៉ះពាល់​ដល់​ដំណើរការ​រៀនសូត្ររបស់​សិស្សានុសិស្ស។

ក្រសួង​អប់រំ យុវជន និង​កីឡា គ្រោង​រៀបចំ​ការ​ប្រលង​បាក់ឌុប​នៅ​ថ្ងៃ ១១ មករា​ ឆ្នាំ​២០២១ តែ​ក្រោយ​មក​ដោយ​សារ​ការ​ផ្ទុះ​ព្រឹត្តិការណ៍ ២៨ វិច្ឆិកា ទើប​ឲ្យ​តាម​សាលាជា​អ្នក​​រៀបចំ​ការ​ប្រលង​ដោយ​គិត​និទ្ទេស​ពិន្ទុ​ តែ​ព្រឹកមិញ​នេះ​សម្តេច​តេជោបានស្នើ​ឲ្យ​លុប​ចោល​ការ​ប្រលង​ ដោយសម្រេច​សិស្ស​ជាប់​ដោយ​ស្វ័យ​ប្រវត្តិ៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម