ព័ត៌មានជាតិ
ប៉ូលីសជាតិ បង្កើតក្រុមការងារចុះសិក្សាស្រាវជ្រាវនៅតាមប៉ុស្តិ៍នគរបាលឃុំ-សង្កាត់ទូទាំងប្រទេស
អគ្គស្នងការដ្ឋាននគរបាលជាតិ បានបង្កើតក្រុមការងារចុះសិក្សាស្រាវជ្រាវនៅតាមប៉ុស្តិ៍នគរបាលរដ្ឋបាលឃុំ-សង្កាត់នៅទូទាំងប្រទេស ដើម្បីក្តាប់ពីស្ថានភាព ស្ថិរភាព សន្តិសុខ សុវត្ថិភាពក្នុងមូលដ្ឋាន។

នៅក្នុងដឹកនាំប្រជុំបែងចែកក្រុមការងារសិក្សា ស្រាវជ្រាវ ដើម្បីលើកកម្ពស់គុណភាពប៉ុស្តិ៍នគរបាលរដ្ឋបាល ឃុំ-សង្កាត់កាលពីថ្ងៃទី៧មេសាដែលទើបផ្សព្វផ្សាយនៅថ្ងៃសៅរ៍នេះ លោក ឧត្តមសេនីយ៍ឯក ឆាយ គឹមខឿន អគ្គស្នងការរងនគរបាលជាតិ បានមានប្រសាសន៍ថា «គោលបំណងសំខាន់ នៃកិច្ចប្រជុំបែងចែកក្រុមការងារសិក្សា ស្រាវជ្រាវ ដើម្បីលើកកម្ពស់គុណភាពប៉ុស្តិ៍នគរបាលរដ្ឋបាល ឃុំ-សង្កាត់ គឺដើម្បីក្តាប់ពីស្ថានភាពស្ថិរភាពសន្តិសុខសុវត្ថិភាពក្នុងមូលដ្ឋាន ប្រសិនបើនៅមូលដ្ឋានគ្មានរឿងអ្វីកើតឡើងនោះបានន័យថាក្នុងមូលដ្ឋានមានសុវត្ថិភាព សន្តិសុខ ប្រជាពលរដ្ឋរស់នៅមានភាពកក់ក្តៅ ជាពិសេសជឿទុកចិត្តមកលើកម្លាំងសម្ថកិច្ច »។
លោក ឧត្តមសេនីយ៍ឯក ឆាយ គឹមខឿន បានណែនាំថា ដើម្បីឲ្យមានសន្តិសុខ សុវត្ថិភាពល្អ វាទាល់តែនគរបាលប៉ុស្តិ៍រដ្ឋបាលខ្លាំង ហើយកត្តាដែលនាំឲ្យនគរបាលប៉ុស្តិ៍រដ្ឋបាលខ្លាំង និងខ្សោយ មានកត្តា៣ក្នុងនោះ ទី១. កត្តាគិតគូររៀបចំយន្តការរចនាសម្ព័ន្ធពីថ្នាក់លើ ទី២. កត្តាជំរុញលើកទឹកចិត្ត និងគាំទ្រទុកចិត្តពីថ្នាក់លើ និងទី៣. កត្តាផ្ទាល់របស់មន្រ្តីនគរបាលប៉ុស្តិ៍រដ្ឋបាល។ លោកឧត្តមសេនីយ៍ឯក ឆាយ គឹមខឿន បានបន្តទៀតថា បច្ចុប្បន្នកត្តាទាំង៣នេះ អាជ្ញាធរនៅបារម្ភថា ខ្លាចមិនទាន់បានមិនគ្រប់ជ្រុងជ្រោយ និងមិនចំគោលដៅ។ ក្រុមការងារដែលនបែងចែករួច ត្រូវចុះទៅពិនិត្យមើលស្ថានភាព ត្រូវសិក្សាស្រាវជ្រាវរកឲ្យឃើញនូវចំណុចខ្លាំង ចំណុចខ្សោយ និងចំណុចអវិជ្ជមាន ដើម្បីឲ្យមានជាមូលដ្ឋានក្នុងការយកមកវិភាគ កំណត់ ពិចារណា និងបែងចែកប្រភេទប៉ុស្តិ៍ ដើម្បីបង្កលក្ខណសមស្របក្នុងការពង្រឹងសមត្ថភាព។

លោក ឧត្តមសេនីយ៍ឯក ឆាយ គឹមខឿន បានបន្តថា «ដើម្បីឲ្យមានមូលដ្ឋានគតិយុត្តិ ក្រុមការងារដែលបានចុះទៅសិក្សាស្រាវជ្រាវពិនិត្យ ត្រូវធ្វើផែនការសកម្មភាព រួចវាយតម្លៃនៅមូលដ្ឋាន ហើយពេលត្រឡប់មកវិញ ត្រូវមានកំណត់ហេតុឯកភាពពីស្នងការខេត្ត អំពីស្ថានភាពប៉ុស្តិ៍នគរបាលរដ្ឋបាលដែលយើងបានចុះសិក្សាស្រាវជ្រាវ រួចលើកយកកញ្ចប់បញ្ហាមកបូកសរុប សន្និដ្ឋាន វាយតម្លៃលទ្ធផល នៃការសិក្សាស្រាវជ្រាវ ហើយត្រូវដាក់បញ្ហាទាំងអស់នេះជាកញ្ចប់ និងបែងចែកដល់ក្រុមការងារជំនាញនីមួយៗក្នុងការដោះស្រាយ និងត្រូវធ្វើរបាយការណ៍ដើម្បីជាធាតុចូលក្នុងការជួបប្រជុំម្តងទៀត»៕
ដោយ ៖ សំអឿន

-
ព័ត៌មានអន្ដរជាតិ៦ ថ្ងៃ ago
Google នឹងមិនប្តូរផែនទីនៅលើកម្មវិធី Maps តាមសំណើរបស់ថៃ ឡើយ
-
សេចក្ដីជូនដំណឹង៦ ថ្ងៃ ago
អ្នកឧកញ៉ា ឡេង ណាវ៉ាត្រា ចាត់ក្រុមការងារសហព័ន្ធយុវជនបូជាការពារយុត្តិធម៌ ទាំងយប់ចុះជួបវីរកងទ័ពកម្ពុជាដ៏អង់អាចក្លាហាន ដេញកងទ័ពថៃឈ្លានពាន ចេញនៅចំណុចភ្នំខ្មោច
-
ព័ត៌មានអន្ដរជាតិ១ សប្តាហ៍ ago
ថៃ ខឹង Google Map ពេលឃើញដៅទីតាំង ប្រាសាទតាមាន់ធំ នៅក្នុងដីខ្មែរ
-
ព័ត៌មានជាតិ៦ ម៉ោង ago
រុស្ស៊ីនឹងបញ្ជូនប្រតិភូកងការពារដែនអាកាសមកបង្កើតកិច្ចសហប្រតិបត្តិការជាមួយកម្ពុជា
-
ព័ត៌មានជាតិ១ ថ្ងៃ ago
សមត្ថកិច្ចចាប់ខ្លួនបុគ្គលក្លែងរូបភាព AI ដើម្បីឆបោក និងប្រមូលលុយតាមបណ្តាញសង្គម
-
ព័ត៌មានជាតិ៧ ថ្ងៃ ago
កម្ពុជា រងឥទ្ធិពលពីព្យុះមួយទៀត គឺជាព្យុះទី៣ ឈ្មោះ មូន(Mun)
-
ព័ត៌មានអន្ដរជាតិ២ ថ្ងៃ ago
កាសែតថៃ៖ ឧកញ៉ាកុកអានប្រឈមការចាប់ខ្លួននៅថៃ ក្រោយសមត្ថកិច្ចបង្ក្រាបបទល្មើសអនឡាញ១៩ទីតាំងមានជាប់ពាក់ព័ន្ធ
-
ព័ត៌មានជាតិ៤ ថ្ងៃ ago
កម្ពុជា រងឥទ្ធិពលពីព្យុះចំនួន២ក្នុងពេលតែមួយ ចាប់ពីថ្ងៃនេះដល់ថ្ងៃទី៩កក្កដា