ព័ត៌មានជាតិ

សម្តេចពិជ័យសេនា ទៀ បាញ់ អញ្ជើញពិនិត្យវឌ្ឍនភាព នៃការសាងសង់ “សួនតេជោសន្តិភាព” ខេត្តបាត់ដំបង

បានផុស

១២ ខែ មុន

នៅ

ថ្ងៃអង្គារ ២២ កក្កដា ២០២៥

ដោយ

កាលពីរសៀលថ្ងៃទី ២១ ខែកក្កដា ឆ្នាំ ២០២៥ លោក សុខ លូ អភិបាល នៃគណៈអភិបាលខេត្តបាត់ដំបង បានអមដំណើរ សម្តេចពិជ័យសេនា ទៀ បាញ់ ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា អញ្ជើញត្រួតពិនិត្យវឌ្ឍនភាព នៃការងារ សាងសង់ “សួនតេជោសន្តិភាព” ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរបញ្ជាក់ផងដែរថា “សួនតេជោសន្តិភាព” មានទីតាំងស្ថិតនៅបរិវេណខាងកើតស្ទឹងសង្កែ មុខវត្តកណ្តាល ក្នុងភូមិរំចេក ៤ សង្កាត់រតនៈ ក្រុងបាត់ដំបង ចាប់ពីស្ពាន សម្តេចក្រឡាហោម ស ខេង ដល់ស្ពានសោហឺ (ស្ពានថ្មថ្មី) មានប្រវែង ៩៩៤ ម៉ែត្រ លើផ្ទៃដីសរុបចំនួន ១៦.០៧៤ ម៉ែត្រការ៉េ ដើម្បីកែលំអសួនឱ្យមានសោភ័ណភាពស្រស់បំព្រង មានផ្លូវដើរ ផ្លូវជិះកង់ ជាកន្លែងសម្រាប់អង្គុយលំហែអារម្មណ៍ ស្រូបខ្យល់អាកាស ហាត់ប្រាណ និងប្រែក្លាយជាទីក្រុងឆ្លាតវៃ បរិស្ថានរស់នៅល្អ និងជាទីក្រុងស៊ីវិល័យ។

សួនតេជោសន្តិភាព សាងសង់ឡើងក្នុងគោលបំណងដ៏ពិសិដ្ឋ ដើម្បីពន្យល់ និងរំលេចពីគុណតម្លៃ នយោបាយឈ្នះ ឈ្នះ របស់ សម្តេចអគ្គមហាសេនាបតីតេជោ ហ៊ុន សែន ដែលបាននាំមកនូវសុខសន្តិភាព ស្ថិរភាព ការឯកភាពជាតិពេញលេញ នាំមកនូវការអភិវឌ្ឍលើគ្រប់វិស័យ។ សួននេះ នឹងក្លាយជាសំណង់ស្ថាបត្យកម្មថ្មីមួយ ដែលជាមែកធាង ចង្កោមយុទ្ធសាស្ត្រនយោបាយ ឈ្នះ ឈ្នះ ដែលបង្រួមសមល្មមទៅនឹងទំហំដើម នៃវិមានឈ្នះ ឈ្នះ ប្រកបដោយអត្ថន័យស៊ីជម្រៅ៕

អត្ថបទ ៖ សោ និយមរ័ត្ន