ពលរដ្ឋ និងនិស្សិតខ្មែរ នៅប្រទេសជប៉ុនបង្ហោះ​សារស្វាគមន៍សម្តេចតេជោ យ៉ាងច្រើន​សន្ធឹកសន្ធាប់លើបណ្តាញសង្គម

និស្សិត និងពលរដ្ឋខ្មែរនៅជប៉ុន បានសម្តែងសារស្វាគមន៍ សម្ដេចតេជោ ហ៊ុន សែន ទៅកាន់ប្រទេសជប៉ុន ក្រោយពីទទួលដំណឹងថា សម្ដេចនាយករដ្ឋមន្ត្រី អញ្ជើញទៅកាន់ប្រទេសជប៉ុន ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹកនៅតំបន់អាស៊ី-ប៉ាស៊ីហ្វិក នៅថ្ងៃ២៣-២៤ ខែមេសា ឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

និស្សិតខ្មែរមួយរូបឈ្មោះ Sovanchita Eng បានសរសេរនៅលើហ្វេសប៊ុកផ្ទាល់ដូច្នេះថ«ក្នុងនាមជានិស្សិតខ្មែរកំពុងសិក្សានៅប្រទេសជប៉ុន នាងខ្ញុំពិតជាមានសេចក្តីសោមនស្សរីករាយក្រៃលែង ដែលបានទទួលដំណឹងអំពីដំណើរទស្សនកិច្ចផ្លូវការរបស់សម្តេចតេជោនាយករដ្ឋមន្ត្រី (បិតាសន្តិភាព) ដឹកនាំគណៈប្រតិភូកម្ពុជាមកកាន់ប្រទេសជប៉ុន ដើម្បីអញ្ជើញចូលរួមវេទិកាទឹកអាស៊ី-ប៉ាស៊ីហ្វិកលើកទី៤ ដែលនឹងប្រព្រឹត្តិទៅនៅថ្ងៃទី២៣-២៤ ខែមេសា ឆ្នាំ២០២២ នៅទីក្រុងគូម៉ាមូតុ។

នាងខ្ញុំ ត្រៀមខ្លួនរួចរាល់ដើម្បីចូលរួមទទួលស្វាគមន៍ដំណើរមកដល់របស់ សម្តេចតេជោនាយករដ្ឋមន្ត្រី មកកាន់ទីក្រុងគូម៉ាមូតុ ប្រទេសជប៉ុន។ ឆ្លៀតក្នុងឱកាសនេះ នាងខ្ញុំសូមគោរពជូនពរ សម្តេចតេជោនាយករដ្ឋមន្រ្តី ព្រមទាំងគណៈប្រតិភូទាំងអស់ធ្វើដំណើរប្រកបដោយសុខសុវត្ថិភាព»។

និស្សិតម្នាក់ទៀតឈ្មោះ Vansakd Vannsok ក៏បានសរសេរដែរថា« ក្នុងនាមនិស្សិតខ្មែរម្នាក់ដែលកំពុងសិក្សានៅប្រទេសជប៉ុន ខ្ញុំសូមសម្តែងការរីករាយស្វាគមន៍ចំពោះទស្សនកិច្ចរបស់សម្តេចតេជោមកកាន់ប្រទេសជប៉ុន ដើម្បីចូលរួមកិច្ចប្រជុំកំពូលលើកទី៤ ស្តីពីបញ្ហាទឹកនៅតំបន់អាស៊ី-ប៉ាស៊ីហ្វិកនៅថ្ងៃទី២៣-២៤ មេសា ២០២២ ដែលនឹងប្រព្រឹត្តិនៅខេត្ត Kumamoto។ ខ្ញុំក៏សូមជូនពរសម្តេច និងគណៈប្រតិភូធ្វើដំណើរប្រកបដោយសុវត្ថិភាព និងទទួលបានជោគជ័យក្នុងទស្សនកិច្ចនេះ»។

ជាមួយគ្នានេះ ពលរដ្ឋម្នាក់ទៀត រស់នៅប្រទេសជប៉ុន បានលើកឡើងដូច្នេះថា« នាងខ្ញុំពិតជាមានទឹកចិត្តសោមនស្សរីករាយនៅពេលបានដឹងថា សម្តេចអគ្គមហាសេនាបតីតេជោ បានអញ្ជើញចូលរួម វេទិកាទឹក ដែលនឹងប្រព្រឹត្តទៅនាថ្ងៃទី ២៣-២៤ នេះ។ ការចូលរួមរបស់ សម្តេចនឹងជួយដោះស្រាយបញ្ហាទឹកដែលជាបញ្ហាប្រឈមនៅក្នុងពិភពលោកនាពេលបច្ចុប្បន្ន និងអនាគត។ ក្នុងនាមជាប្រជាលរដ្ឋខ្មែរកំពុងសិក្សានៅប្រទេសជប៉ុន ខ្ញុំពិតជាសប្បាយរីករាយ និងរង់ចាំស្វាគមន៍យ៉ាងអន្ទះសារចំពោះការមកដល់របស់សម្តេចមកកាន់ប្រទេសជប៉ុន។ នាងខ្ញុំសូមជូនពរសម្តេច និងគណៈប្រតិភូទាំងអស់ធ្វើដំណើរប្រកបដោយសុវត្ថិភាព»។

លើសពីនេះទៀត មានពលរដ្ឋ និងនិស្សិតជាច្រើន បានសម្តែងមតិផ្ទាល់នៅលើបណ្តាញសង្គម អំពីដំណើរទស្សនកិច្ចរបស់សម្តេចតេជោ ទៅប្រទេសជប៉ុននេះ និងបានផ្ញើសារជូនពរសម្តេចគ្រប់ៗគ្នា៕