លោក នេត្រ ភក្ត្រា៖​ ការលើកលែង​ការពាក់ម៉ាស់​នៅទីសាធារណៈ​គឺជា​ភាពជោគជ័យ​នៃនយោបាយ​វ៉ាក់សាំង​របស់សម្ដេចតេជោ ហ៊ុន សែន

លោក នេត្រ ភក្ត្រា​ រដ្ឋលេខាធិការ​ និងជាអ្នកនាំពាក្យក្រសួងបរិស្ថាន បានឱ្យថា​ ដោយសារ​តែនយោ​បាយវ៉ាក់សាំងដែលដាក់ចុះដោយសម្តេចតេជោ ហ៊ុន សែន នាយករដ្ឋមន្ត្រី បានធ្វើឱ្យ​ភាពស៊ាំក្នុងគ្រួសារ និងភាពស៊ាំក្នុងសហគមន៍កាន់តែមានប្រសិទ្ធភាពខ្ពស់។

លោកថា នេះគឺជាជោគជ័យដ៏ត្រចះត្រចង់នៃនយោបាយវ៉ាក់សាំង ខណៈដែល ពលរដ្ឋកម្ពុជា​គោរពអរគុណសម្តេចតេជោ ហ៊ុន សែន ដែលបានកសាងខឿនសុខុមាលភាពជូនពលរដ្ឋកម្ពុជា និងជួយសង្គ្រោះជីវិតពលរដ្ឋខ្មែរពីមាត់ជ្រោះមរណៈនៃជំងឺកូវីដ ១៩។

គិត្រឹមថ្ងៃទី ២៦ ខែមេសា ជំងឺកូវីដ១៩ បានចម្លង​មនុស្សជាង​ ៥១០លាននាក់ នៅលើពិភពលោក​ក្នុងនោះ ៦ ២៤៦ ០៩៩ នាក់ បានស្លាប់បាត់បង់ជីវិត។ កម្ពុជាមានអ្នកឆ្លងចំនួន ១៣២ ៩៦៨ នាក់ និងស្លាប់ ៣០៥៦ នាក់៕