ព័ត៌មានជាតិ
សាលាឃុំឈើទាលក្លាយជាទីប្រជុំជនដ៏ធំបន្ទាប់ពីអាជ្ញាធរយកដើមឈើទាលទៅដាក់តម្កល់
ប្រជាពលរដ្ឋរស់នៅឃុំឈើទាលស្រុកកៀនស្វាយខេត្តកណ្តាលបានអះអាងថា ចាប់តំាងពីអាជ្ញាធរស្ទូចយកដើមឈើទាលដ៏ធំមួយដែលអូសចេញពីទន្លេបាសាក់យកមករក្សាទុកនៅបរិវេណសាលាឃុំឈើទាលមកគឺមានមនុស្សម្នាជាច្រើនមកពីគ្រប់ទិសទីមកអុចធូបបន់ស្រន់សុំសេចក្តីសុខគ្រប់ៗគ្នា។
យោងតាមប្រភពពីលោកតា ងុន សុខ អាយុ ៨០ ឆ្នាំរស់នៅភូមិឈើទាលឃុំឈើទាលស្រុកកៀនស្វាយខេត្តកណ្តាលបានឲ្យកម្ពុជាថ្មីដឹងនៅព្រឹកថ្ងៃទី ១៤ ខែឧសភានេះថា ចាប់តាំងពីថ្ងៃដែលអាជ្ញាធរឃុំឈើទាលស្ទូចយកដើមឈើទាលដ៏ធំមួយដើមយកមកដំកល់ទុកនៅក្នុងបរិវេណសាលាឃុំកាលពីរសៀលថ្ងៃទី ១៣ ខែឧសភាមកគឺមានមនុស្សជាច្រើននាំគ្នាមកអុចធូបបន់ស្រន់សុំសេចក្តីសុខតាមការប្រាថ្នារបស់ពួកគេរៀងៗខ្លួន។
លោកតា ងុន សុខ បានបញ្ជាក់ថាមកដល់ពេលនេះនៅទីតាំងសាលាឃុំឈើទាល ដែលអាជ្ញាធរស្ទូចយកដើមឈើទាលមកដំកល់ទុកនេះគឺមានបងប្អូនប្រជាពលរដ្ឋក្មេងចាស់ភាគច្រើនជាជនជាតិខ្មែរបាននាំគ្នាមកអុច ធូបបន់ស្រន់ដោយយកនូវផ្កាឈូកនឹងបច្ច័យយកមកចូលបុណ្យដែលមានគណៈកម្មការបុណ្យដាក់បញ្ជររង់ចាំទទួលព្រមទាំងចងខ្សែរអំបោះក្រហមដូចព្រះសង្សទៀតផង។
ទាក់ទិននឹងអាយុកាលនៃដើមឈើទាលនេះដែរលោកតាបានបញ្ជាក់ថាលោកតាពុំបានដឹងពីអាយុដើមឈើទាលនេះហើយបានស្រុតចុះទៅទន្លេពីពេលណាមកទេ។ហើយគ្រាន់តែបានដឹងពត័មាននៅប៉ុន្មានថ្ងៃនេះមានក្រុមអ្នកនេសាទនៅក្នុងទន្លេបាសាក់នេះបានយកកាណូតចំនួន២គ្រឿងមកដាក់សណ្តោងប្រុងយកទៅក្រោម (មិនដឹងយកទៅកន្លែងណា)ហើយត្រូវបានប្រជាពលរដ្ឋនាំគ្នាហាមឃាត់រួចប្តឹងឲ្យអាជ្ញាធរស្ទូចយកដើមឈើទាលដ៏ធំនេះមករក្សាទុកក្នុងបរិវេណសាលាឃុំឈើទាលតែម្តង។
ប្រជាពលរដ្ឋភាគច្រើនចាស់ៗបាននិយាយថាដើមឈើទាលនេះអាចដុះនៅវត្តឬស្សីស្រុកដែលមានទៅតាំងស្ថិតនៅតាមមាត់ទន្លេបាសាក់ដែលនៅខាងជើងសាលាឃុំឈើទាលប្រមាណកន្លះគីឡូដីប៉ុណ្ណោះ។ហើយចាស់ៗមិនបានរៀបរាប់ពីប្រវត្តិដើមនៃដើមឈើដ៏ធំនេះមិនដឹងជាអាយុកាលប៉ុន្មានរយឆ្នាំនោះទេ។
គួរបញ្ជាក់ថា នៅព្រឹកថ្ងៃទី ១៤ ខែឧសភានេះគឺមានក្រុមរបាំមកពីមណ្ឌលកុមារកំព្រានៅក្នុងឃុំឈើទាលបានមករាំថ្វាយនៅត្រង់គល់ដើមឈើទាលដើម្បីសុំសេចក្តីសុខសេចក្តីសប្បាយជូនដល់ប្រជាពលរដ្ឋយើងទាំងអស់គ្នា៕
អត្ថបទ៖ នរា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ