Connect with us

ព័ត៌មានជាតិ

លោក នេត្រ ភក្ត្រា ៖ ឆ្នាំ ២០២១ អន្ទាក់ជាង ៦ម៉ឺន ត្រូវបានរកឃើញក្នុងដែនអភិរក្សធម្មជាតិ

បានផុស

នៅ

នៅក្នុងសន្និសីទសារព័ត៌មាន ស្ដីពី យុទ្ធនាការអន្ទាក់សូន្យនៅខេត្តព្រះវិហារ លោក នេត្រ ភក្ត្រា បានលើកឡើងថា នៅក្នុងឆ្នាំ ២០២១កន្លងទៅ មន្ត្រីឧទ្យានុរក្ស និងប្រជាសហគមការពារតំបន់ធនធានធម្មជាតិ បានប្រមូល និងរឹបអូសអន្ទាក់សម្រាប់ចាប់សត្វព្រៃ បានចំនួនជាង ៦ម៉ឺនអន្ទាក់។ ការលើកឡើងនេះ គឺនៅស្របពេលដែលធនធានជីវចម្រុះទាំងនៅកម្ពុជា និងពិភពលោកមានការធ្លាក់ចុះ គួរឲ្យព្រួយបារម្ភ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មន្ត្រីជាន់ខ្ពស់ក្រសួងបរិស្ថានរូបនេះ បានឲ្យដឹងថា ដើម្បីការពារធនធានធម្មជាតិ និងជីវចម្រុះ ក្រសួងបានកំណត់យកខេត្តចំនួន ៦ សម្រាប់សាកល្បងយុទ្ធនាការអន្ទាក់សូន្យ។ លោកថា ការសម្រេចជ្រើសយកខេត្តទាំងនេះ គឺដោយសារតែខេត្តនីមួយៗ មានតំបន់ការពារធម្មជាតិច្រើន ក្នុងនោះ ខេត្តខ្លះមានផ្ទៃដីរហូតដល់ជាង ១លានហិកតា និងមួយទៀត គឺដោយសារតែខេត្តទាំងនោះ ជាតំបន់ដែលមានការជួញដូរសត្វព្រៃច្រើន ដូចជានៅផ្សារសាមគ្គីក្នុងខេត្តស្ទឹងត្រែងជាដើម។

លោក នេត្រ ភក្ត្រា បានឲ្យដឹងទៀតថា នៅក្នុងមួយឆ្នាំមានអន្ទាក់ប្រមាណពី ៤ម៉ឺន ទៅ ៥ម៉ឺនអន្ទាក់ត្រូវបានដោះចេញពីតំបន់ការពារធម្មជាតិ នៅទូទាំងប្រទេស។ ដោយឡែកនៅក្នុងឆ្នាំ ២០២១កន្លងទៅ​អន្ទាក់ចំនួនប្រមាណជាង ៦ម៉ឺន ត្រូវបានដកចេញពីតំបន់ការពារធម្មជាតិ តាមរយៈកិច្ចខិតខំប្រឹងប្រែងរបស់ក្រសួងបរិស្ថាន និងដៃគូពាក់ព័ន្ធក្នុងការការពារសត្វព្រៃ និងធនធានជីវចម្រុះនៅក្នុងដែនអភិរក្សរបស់កម្ពុជា។

ប្រធានមន្ទីបរិស្ថានខេត្តព្រះវិហារ លោក សុង ច័ន្ទសុជាតិ បានឲ្យដឹងថា នៅក្នុងខេត្តព្រះវិហារ មានមន្ត្រីឧទ្យានុរក្សចំនួន ៨៨នាក់ និងមានសហគមន៍ការពារធម្មជាតិចំនួន ៤១។ ក្នុងចំណោមសហគមន៍ ១៨២ នៅទូទាំងប្រទេស និងលាតសន្ធឹងលើផ្ទៃដីប្រមាណ ៩៦៥,៨៨០ហិកតា។ លោកបន្តថា នៅឆ្នាំ ២០២០ និង ២០២១ មន្ត្រីឧទ្យានុរក្សបានធ្វើការចុះល្បាតចំនួន ២,០៩៥លើក។ ក្នុងនោះ បង្ក្រាបបទល្មើសបាន ៧៤១ករណី ដោយបានដកហូត និងរឹបអូសអន្ទាក់ចំនួន ១,៤២៧ជាមួយនឹងកាំភ្លើងច្នៃ ១៩២ដើម រណាយន្តមានចំនួន ៣៨៤គ្រឿង រថយន្ត ៤គ្រឿង ត្រាក់ទ័រ ២គ្រឿង គោយន្តកន្ត្រៃ ៨៣គ្រឿង ម៉ូតូចំនួន ៣គ្រឿង និងឈើចំនួន ៧៩មែត្រគីប។

ទន្ទឹមនឹងនោះ ក៏មានករណីធ្វើការអប់រំ និងធ្វើកិច្ចសន្យាឈប់ប្រព្រឹត្តបទល្មើសចំនួន ២៣៤លើក និងមានការពិន័យជាប្រាក់បានចំនួនជាង ២៨៤លានរៀល និងបញ្ជូនទៅកាន់តុលាការចំនួន ៣០ករណីក្នុងឆ្នាំ ២០២០ និង ២០២១។ ដោយឡែក គិតត្រឹមខែមករា ដល់ខែមេសាឆ្នាំ ២០២២ មានការចុះល្បាតបាន ៦៦៧លើក។ ក្នុងនោះ ការបង្ក្រាបបទល្មើសបានចំនួន ២៣៦ករណី និងបានដោះអន្ទាក់ចំនួន ៣៣១ខ្សែ ខណៈការដកហូតយកកាំភ្លើងកែច្នៃបានចំនួន ៤៦ដើម។

ជុំវិញបញ្ហានេះដែរ ប្រធានអង្គការសមាគមអភិរក្សសត្វព្រៃកម្ពុជា WCS លោក កែន សេរីរដ្ឋា បានលើកឡើងថា តាមរយៈការវិភាគអំពីចំនួន នៃអន្ទាក់ដែលដកហូតបាន នាំឲ្យមានការព្រួយបារម្ភយ៉ាងខ្លាំង ចំពោះធនធានជីវចម្រុះ ដែលស្ថិតនៅក្នុងដែនអភិរក្ស។ លោកបន្តថា យុទ្ធនាការអន្ទាក់សូន្យ មានតួនាទីសំខាន់ណាស់ សម្រាប់ការងារអភិរក្ស ក្នុងភូមិសាស្រ្តខេត្តព្រះវិហារ ដែលផ្ដោតជាសំខាន់ទៅលើការបញ្ឈប់ប្រភព ដែលនាំឲ្យមានតម្រូវការ ការបរិភោគសាច់សត្វព្រៃ តាមរយៈការចូលរួមរបស់អ្នកពាក់ព័ន្ធ ក្នុងការអនុវត្តច្បាប់។ បន្ថែមលើនេះ គឺត្រូវមានប្រកាស ឬគោលការណ៍ណែនាំ ដើម្បីត្រួតពិនិត្យទៅលើប្រភពនៃការបរបាញ់ ឬការចាប់សត្វព្រៃ រួមជាមួយគ្នានេះ ត្រូវធ្វើការផ្សព្វផ្សាយឲ្យបានទូលំទូលាយ អំពីផល់ប៉ះពាល់នៃការបាត់បង់សត្វព្រៃ។

គួរបញ្ជាក់ថា យុទ្ធនាការអន្ទាក់សូន្យ ត្រូវបានបង្កើតឡើងនៅថ្ងៃទី ៣ ខែមីនាឆ្នាំ ២០២២ ដោយក្រសួងបរិស្ថាន ដែលជាអាទិភាពផ្ដោតទៅលើខេត្តចំនួន ៦គឺ ក្រចេះ ស្ទឹងត្រែង រតនគិរី មណ្ឌលគិរី ព្រះវិហារ និងខេត្ត កំពង់ធំ និងបានចាប់ផ្ដើមអនុវត្តសកម្មភាពជាយុទ្ធសាស្រ្តចំនួន ២លើករួចមកហើយ ខណៈលើកទីមួយធ្វើនៅក្នុងខេត្តស្ទឹត្រែង និងលើកទីពីរនៅក្នុងខេត្តព្រះវិហារ៕

អត្ថបទ៖ លន់ សេនី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ៤ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ៤ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ៤ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៦ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម