ព័ត៌មានជាតិ
កម្លាំងនគរបាលខេត្តកោះកុងជាង ២០០នាក់ ចាក់វ៉ាក់សាំងបង្ការកូវីដ-១៩ ដូសទី ៥
កងងកម្លាំងនគរបាល នៃស្នងការដ្ឋាននគរបាលខេត្តកោះកុងជាង ២០០នាក់ បានទទួលការចាក់វ៉ាក់សាំងបង្ការជំងឺកូវីដ-១៩ ដូសទី ៥ ដើម្បីបន្តទប់ស្កាត់ការឆ្លងរាលដាល នៃជំងឺកូវីដ-១៩បន្តទៀត។ នគរបាល ជាកងកម្លាំងជួរមុខមួយ ដែលត្រូវបានរាជរដ្ឋាភិបាលកម្ពុជាផ្តល់អាទិភាព តាមរយៈការចាក់វ៉ាក់សាំងដូសទី ៥ បង្ការការពារជំងឺកូវីដ-១៩ បន្ត ទោះបីជាស្ថានភាពជំងឺនេះធូរស្រាលហើយក៏ដោយ។
លោកឧត្តមសេនីយ៍ទោ គង់ មនោ ស្នងការនគរបាលខេត្តកោះកុង ឲ្យដឹងនៅព្រឹកថ្ងៃទី ១៥ ខែមិថុនា ថា កងកម្លាំងនគរបាលរបស់លោក ស្ម័គ្រចិត្តចូលរួមបន្តចាក់វ៉ាក់សាំងដូសទី ៥ ព្រោះវ៉ាក់សាំងនៅតែជាអាវក្រោះដ៏សំខាន់ សម្រាប់ប្រយុទ្ធប្រឆាំងជំងឺកូវីដ-១៩ នាពេលបច្ចុប្បន្ន។ ថ្វីត្បិតកម្ពុជាបើកប្រទេសស្តារសេដ្ឋកិច្ចឡើងវិញ និងស្ថានភាពជំងឺនេះធូរស្រាលហើយយ៉ាងណាក្តី។
លោកស្នងការនគរបាលខេត្តកោះកុង ក៏ថ្លែងអំណអរគុណយ៉ាងជ្រាលជ្រៅ គោរពជូនចំពោះសម្តេចតេជោ ហ៊ុន សែន នាយករដ្ឋមន្រ្តី ដែលសម្តេចយកចិត្តទុកដាក់ខ្ពស់គ្រប់យន្តការទប់ស្កាត់ និងផ្តល់ថ្នាំវ៉ាក់សាំងបង្ការការពារជំងឺកូវីដ-១៩ តាំងពីដូសទី ១ រហូតមកដល់ដូសទី ៥នេះ។
លោក គង់ មនោ ស្នងការនគរបាលខេត្ត បង្ហាញថា កងកម្លាំងនគរបាលជាង ២០០នាក់ បម្រើការងារនៅស្នងការដ្ឋាន ពិតជាទទួលបានភាពកក់ក្តៅបំផុត ចំពោះសុវត្ថិភាពសុខភាពរស់នៅប្រចាំថ្ងៃ និងចៀសផុតពីការឆ្លងរាលដាលជំងឺកូវីដ-១៩បន្ត។ ដោយឡែកកងកម្លាំងនៅតាមអធិការដ្ឋាន និងប៉ុស្តិ៍នគរបាលរដ្ឋបាល ក៏កំពុងសម្រុកចាក់នៅតាមមណ្ឌលសុខភាពរៀងៗខ្លួនក្នុងមូលដ្ឋាន។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង អរគុណដែលកងកម្លាំងប្រដាប់អាវុធ មន្រ្តីរាជការ ក្រុមគ្រូពេទ្យ និងពលរដ្ឋដែលបន្តស្ម័គ្រចិត្ត មកចាក់វ៉ាក់សាំងបង្ការការពារជំងឺកូវីដ-១៩ នៅពេលនេះ ក៏ដូចជាទៅថ្ងៃមុខទៀត។
លោកវេជ្ជបណ្ឌិត ទៅ ម៉ឹង កត់សម្ភាល់ដែរថា អំឡុងពេលជួបវិបត្តិបញ្ហាជំងឺកូវីដ-១៩ រីករាលដាលខ្លាំង កងកម្លាំងនគរបាល ប្រឈមនឹងការឆ្លងជំងឺនេះច្រើន ព្រោះពួកគេប៉ះពាល់ផ្ទាល់នឹងជនសង្ស័យ ជួយសម្របសម្រួលដឹកពលរដ្ឋទៅកាន់មណ្ឌលព្យាបាល ឬពលករធ្វើដំណើរឆ្លងដែនពីប្រទេសថៃ។
យោងតាមរបាយការណ៍ លទ្ធផលចាក់វ៉ាក់សាំងបង្ការការពារជំងឺកូវីដ-១៩ គិតចាប់ពីថ្ងៃទី ៩ ដល់ថ្ងៃទី ១៤ ខែមិថុនា ឆ្នាំ២ ០២២ មានក្រុមគ្រូពេទ្យ មន្រ្តីរាជការ និងកងកម្លាំងជួរមុខចំនួន ១.១៣៣នាក់ហើយដែលចាក់វ៉ាក់សាំងដូសទី ៥៕
អត្តបទ៖ សិរីវឌ្ឍនៈ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore