Connect with us

ព័ត៌មានជាតិ

​ខ្ចី​លុយ​ចិន ៥០០ ដុល្លារ ការ​​ដើម​​ឡើង​ជាង ៥០០០ ដុល្លារ ខណៈមិត្តភ័ក្រម្នាក់​កំពុងលង់ខ្លួន​ដោះ​អត់ចេញ

បានផុស

នៅ

ជន​រងគ្រោះ​ម្នាក់​បាន​ចែក​រំលែក​បទពិសោធន៍​ខ្ចី​លុយ​ចិន​ស្ទើរ​លង់​ខ្លួន ​ខាត​បង់​ប្រាក់​អស់​រាប់​ពាន់​ដុល្លារ ខណៈ​ក៏​មានមិត្តភ័ក្រ​ជនរងគ្រោះ​ម្នាក់​ទៀត​ក៏​កំពុង​លង់​ខ្លួន​ដោះ​ស្រាយ​មិន​ទាន់​ចេញ។

ជន​រងគ្រោះ​បាន​ចែក​រំលែក​រឿងរ៉ាវ​ដល់​មិត្តភ័ក្ដិ​ពី​ការ​ខ្ចី​លុយ​ចិន​នេះ ដើម្បី​ជា​មេរៀន​ឲ្យ​ប្រុង​ប្រយ័ត្ន ខ្លាច​ជួប​បញ្ហា​ដូច​គ្នា​នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ជន​រងគ្រោះ​បាន​ប្រាប់​ថា ប៉ុន្មាន​ឆ្នាំ​មុន​គេ​បាន​ទៅ​ខ្ចី​លុយ​ចិន​ប្រហែល ៥០០ ដុល្លារ យក​មក​ប្រើប្រាស់​ក្នុង​អាជីវកម្ម។ មាន​ឈ្មោះ​ជា​មីក្រូហិរញ្ញវត្ថុ​ដែល​ជនរងគ្រោះ​ប្រាប់​ថា​មាន​ថៅកែ​ជា​ជនជាតិចិន ពេល​ជន​រងគ្រោះ​ទៅ​ខ្ចី​នោះ​មិន​ត្រូវការ​ឯកសារ​ផ្លូវការ​ច្បាស់​លាស់​​អី​ទេ មាន​ត្រឹម​អត្តសញ្ញាណប័ណ្ណ​ឬ​សៀវភៅ​គ្រួសារ ប៉ុន្តែ​ការប្រាក់​ខ្ពស់​ណាស់ ហើយ​បង់​តាម​ទំហំ​ទឹក​លុយ​និង​មុខ​របរ​អាជីវកម្ម ហើយ​អាជីវកម្ម​ជនរងគ្រោះ​គេ​ឲ្យ​ត្រឹម ៥០០ ដុល្លារ​ប៉ុណ្ណោះ។

ជនរងគ្រោះ​ដែល​មិន​បញ្ចេញ​អត្តសញ្ញាណ​នេះ​បន្ត​ថា កម្ចី​ចិន​នេះ​ត្រូវ​បង់​រាល់​ថ្ងៃ ហើយ​បើ​យឺតយ៉ាវ​នឹង​រង​ការ​គំរាមកំហែង។ កាល​នោះ​ជនរងគ្រោះ​ជួប​វិបត្តិ​ ដោយសារ​អាជីវកម្ម​ទើប​ចាប់ផ្តើម​ក៏​ផ្ទុះ​កូវីដ​ ក៏​សុំ​គេ​ពន្យារ​លើស​ថ្ងៃ​តែ​រង​ការ​គំរាម​កំហែងថា​នឹង​ខល​ទៅសាច់ញាតិ ឬ​ទៅអុកឡុកកន្លែង​ធ្វើការ ហើយ​គេ​បាន​ហេក​ចូល​តេឡេក្រាម ហើយ​ខល​ទៅ​សាច់​ញាតិ​ក្នុង​តេឡេក្រាម​បញ្ឆោត​ថា​ជន​រងគ្រោះ​ដាក់​សាច់ញាតិ​មក​ធានា ខណៈ​ដែល​ជនរងគ្រោះ​មិន​បាន​ដឹង​អី​ទាល់​តែ​សោះ។

បើ​តាម​ជនរងគ្រោះ​បញ្ជាក់​ថា ដំបូង​មិន​ជឿ​ថា​គេ​ហេក​តេឡេក្រាម​បាន​ទេ តែ​ដោយសារ​បាន​ក្មួយ​ប្រាប់​ថា​តេឡេក្រាម​ក៏​មាន​គេ​ហេក​បាន​ដែរ។

ជនរងគ្រោះ​បាន​បន្ត​ទៀត​ថា សាច់ញាតិ​បាន​ខល​មក​ស្តី​ឲ្យ​ ដោយសារ​ខឹង​យក​​ទៅ​ពាក់ព័ន្ធ តែ​ជនរងគ្រោះ​ប្រាប់​ថា​មិន​ដឹង​អី​ទាល់​តែ​សោះ ហើយ​ធម្មតា​ការ​យក​សាច់ញាតិ​ទៅ​ពាក់ព័ន្ធ​ធានា ទាល់​មានការ​ដឹង​ឮផ្តិ​មេដៃ តែ​នេះ​អត់​សោះ​គឺ​បោក​បញ្ឆោត​តែ​ម្តង។

ជនរងគ្រោះ​បន្ត​ថា ទម្រាំ​ដឹង​ថា​គេ​ហេក​បាន​ក្មួយ​ស្រី​ប្រាប់​ទើប​ភ្ញាក់​ខ្លួន ហើយ​ទទួល​សាច់ញាតិ​ស្តី​ឲ្យ​ទៀត។ តែ​សំណាង​ល្អ​មាន​បង​ធម៌​ម្នាក់​ប្រាប់​បាន​ជួប​ករណី​អីចឹង​ដែរ ឲ្យ​ប្លុក​តេឡេក្រាម ហ្វេសបុក​ចោល​ទាំង​អស់ ទើប​ផ្តាច់​ចេញ​ពី​ពួក​វា​បាន។

ជន​រងគ្រោះ​បាន​បន្ត​ថា ពេល​ខ្ចី​ដំបូង​តែ ៥០០ ដុល្លារ តែ​ត្រូវ​បង់ការបង់ដើម​​អស់​ជាង ៥០០០ ដុល្លារ គឺ​វា​គុណ​ថ្ងៃ​យក យឺត​មួយ​ថ្ងៃ​គុណ​ឌុប ការ​ទៅ​ជា​ដើម​ជំពាក់​កាន់​តែ​កើន​។

ជនរងគ្រោះ​គិត​ថា​អាច​នឹង​មាន​ជន​រងគ្រោះ​ជា​ច្រើន​ទៀត ដែល​លង់​នឹង​កម្ចី​ចិន​នេះ​ហើយ​អាច​លង់​ខ្លួន​លក់​ផ្ទះ លក់​ដី​ដោះ​បំណុល​ជំពាក់​មិន​ចេះ​អស់។

ឥលូវ​នេះ​បើ​តាម​ប្រភព​ជនរងគ្រោះ​បាន​ដឹង​ថា មាន​មិត្តភ័ក្ដិ​របស់​គេ​ម្នាក់​ទៀត​ ក៏​កំពុង​លង់​ខ្លួន​កម្ចី​ចិន​នេះ​ដែរ មិន​ទាន់​រក​ច្រក​ដោះ​ចេញ​ឃើញ​នោះ​ទេ ហើយ​ក៏​កំពុង​បង្ក​ភាព​ស្មុគស្មាញ​ខ្ចី​លុយ​មិត្តភ័ក្ដិ​ជិត​ស្និទ្ធ​ម្នាក់​ហើយ​ម្នាក់ទៀត​ខ្លះ​អស់​រាប់​រយ​ដុល្លារ​ឈាន​ដល់​ពាន់​ដុល្លារ ខណៈ​មិត្តភ័ក្ដិ​គ្រប់​គ្នា​មិន​ដឹង​ថា​អាច​ពាក់ព័ន្ធ​កម្ចី​ចិន​នេះ​ដល់​កម្រិត​ណា​ទេ។

ក្រោយ​បាន​ឆ្លង​ផុត​ពី​គ្រោះ​ដោយសារ​បាន​ការ​ជួយ​ពី​បង​ប្អូន​សាច់ញាតិ ជនរងគ្រោះ​អំពាវនាវ​ដល់​បងប្អូន​ដទៃ​ទៀត​ត្រូវ​ប្រុង​ប្រយ័ត្ន​ខ្ពស់ ហើយ​បើ​ជួប​ករណី​ដូចគ្នា​នេះ​ត្រូវ​ប្រញាប់​ទៅ​រក​សមត្ថកិច្ច​ជួយ​ឲ្យ​ទាន់​ពេល បើ​មិន​អីចឹង​ទេ​អាច​លង់​ខ្លួន​ឈាន​ទៅ​ជួប​វិបត្តិ​ធ្ងន់ធ្ងរ​នឹក​ស្មាន​មិន​ដល់៕

អត្ថបទ៖ ប៊ុណ្ណារ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥៣ នាទី មុន

លោក សេង ម៉ៅ ៖ ទោះអាយុជិត ៤០ ឆ្នាំ ក៏នៅសង្វាតជំនាញបច្ចេកទេស ព្រោះចង់បើករបរឯស្រុកកំណើត

ព័ត៌មានអន្ដរជាតិ៥៩ នាទី មុន

​សេដ្ឋកិច្ច​ជប៉ុន​រង​ផល​ប៉ះពាល់ខ្លាំង ចាប់តាំងពីគ្រោះ​រញ្ជួយ​ដីថ្ងៃឆ្លងឆ្នាំ

កីឡា១ ម៉ោង មុន

មុនប៉ះបឹងកេតថ្ងៃអាទិត្យនេះ ភ្នំពេញក្រោនមិនទាន់ចាញ់ក្នុងជើងទី២

ព័ត៌មានជាតិ២ ម៉ោង មុន

ស្ពានអាកាសព្រះមុនីវង្ស​ សាងសង់បញ្ចប់មុនផែនការ ​ត្រៀមធ្វើពិធីតភ្ជាប់​ដើមសប្ដាហ៍ក្រោយ​

ព័ត៌មានជាតិ២ ម៉ោង មុន

ក្រុមហ៊ុន Vietjet នឹងបើកដំណើរការសេវាកម្មហោះហើរប្រចាំថ្ងៃទីពីរ ទៅ ចិន ត្រឹមតែពីរខែប៉ុណ្ណោះ ដោយពង្រីកបណ្ដាញជើងហោះហើរវៀតណាម-ចិន

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៦ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៤ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម