ព័ត៌មានជាតិ
គ.ជ.ប គ្រោងជ្រើសរើសមន្ត្រីបម្រើការងារនៅក្នុងក្រុមចុះឈ្មោះបោះឆ្នោតជាង ៣០០០នាក់
ការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ ២០២២ នឹងត្រូវធ្វើឡើងនៅថ្ងៃទី ២០ ខែតុលា ឆ្នាំ ២០២២តទៅ ខណៈ គ.ជ.ប គ្រោងជ្រើសរើសមន្ត្រីកិច្ចសន្យារយៈពេលខ្លី សរុបទូទាំងប្រទេសចំនួន ៥២៧នាក់ សម្រាប់បម្រើការងារនៅនៅតាមលេខាធិការដ្ឋាន រាជធានី-ខេត្តរៀបចំការបោះឆ្នោត (លធ.ខប) និងគ្រោងជ្រើសរើសមន្ត្រីបម្រើការងារ នៅក្នុងក្រុមចុះឈ្មោះបោះឆ្នោតប្រមាណជាង ៣០០០នាក់ទៀត។
លោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប មានប្រសាសន៍ប្រាប់កម្ពុជាថ្មី នៅព្រឹកថ្ងៃទី ២២ ខែកក្កដានេះថា ការពិនិត្យបញ្ជីឈ្មោះ និងចុះឈ្មោះបោះឆ្នោតឆ្នាំ ២០២២ សម្រាប់បម្រើឲ្យការបោះឆ្នោតជ្រើសតាំង តំណាងរាស្រ្ដអាណត្តិទី ៧ នឹងត្រូវធ្វើឡើងចាប់ពីថ្ងៃទី ២០ ខែតុលា ឆ្នាំ ២០២២ រហូតដល់ថ្ងៃទី ២១ ខែកុម្ភៈ ឆ្នាំ ២០២៣។
មន្ត្រីជាន់ខ្ពស់ គ.ជ.ប បានឲ្យដឹងថា «ក្នុងអំឡុងពេលនេះ គឺរាប់បញ្ចូលទាំងពេលវេលា សម្រាប់ការពិនិត្យបញ្ជីឈ្មោះ និងចុះឈ្មោះបោះឆ្នោត ដែលមានរយៈពេល ៥០ថ្ងៃ រួមជាមួយនឹងការដាក់ ការទទួល និងការដោះស្រាយបណ្ដឹង ហើយចុងក្រោយ គឺការផ្ដល់សុពលភាពលើបញ្ជីបោះឆ្នោតផ្លូវការឆ្នាំ ២០២២»។
អ្នកនាំពាក្យ គ.ជ.ប បានឲ្យដឹងបន្តថា សម្រាប់ការពិនិត្យបញ្ជីឈ្មោះ និងចុះឈ្មោះបោះឆ្នោតនាពេលខាងមុខ គ.ជ.ប នឹងជ្រើសរើសមន្ត្រីកិច្ចសន្យារយៈពេលខ្លី សរុបទូទាំងប្រទេសចំនួន ៥២៧នាក់ សម្រាប់បម្រើការងារនៅនៅតាមលេខាធិការដ្ឋាន រាជធានី-ខេត្តរៀបចំការបោះឆ្នោត (លធ.ខប) ទាំង ២៥។ បន្ថែមពីលើនេះទៀត គ.ជ.ប គ្រោងជ្រើសរើសមន្ត្រីបម្រើការងារ នៅក្នុងក្រុមចុះឈ្មោះបោះឆ្នោត សម្រាប់ឃុំ-សង្កាត់ ១៦៥២ គឺមានប្រមាណជាង ៣០០០នាក់ទៀត នាពេលខាងមុខ។
លោក សោម សូរីដា បានបន្ថែមថា «ក្រុមចុះឈ្មោះបោះឆ្នោតនេះ មានសមាសភាព ៣រូប ប្រធាន អនុប្រធាន និងសមាជិក ប៉ុន្តែការជ្រើសរើសរបស់ គ.ជ.ប គឺមានតែសមាសភាព ២ទេ គឺប្រធាន ហើយនិងសមាជិក ដោយឡែកអនុប្រធានក្រុមចុះឈ្មោះបោះឆ្នោត គឺច្បាប់កំណត់ ហើយគ.ជ.ប តែងតាំងស្មៀនឃុំ-សង្កាត់ទាំង ១៦៥២នេះ ជាអនុប្រធានក្រុមចុះឈ្មោះបោះឆ្នោត»។
សូមជម្រាបថា កាលបរិច្ឆេទនៃការបោះឆ្នោតជ្រើសតាំង តំណាងរាស្រ្ដនីតិកាលទី ៧ នឹងត្រូវធ្វើឡើងនៅថ្ងៃអាទិត្យ ទី ២៣ ខែកក្កដា ឆ្នាំ ២០២៣ខាងមុខ។ ប្រជាពលរដ្ឋខ្មែរ ដែលមានឈ្មោះក្នុងបញ្ជីបោះឆ្នោតផ្លូវការ ឆ្នាំ ២០២២ គឺជាអ្នកបោះឆ្នោតសម្រាប់ការបោះឆ្នោតជ្រើសតាំង តំណាងរាស្រ្ដនីតិកាលទី ៧ ឆ្នាំ ២០២៣៕
អត្ថបទ៖ ឃួន សុភ័ក្រ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)