Connect with us

ព័ត៌មានជាតិ

ក្រសួងអំពាវនាវឱ្យអ្នកប៉ះពាល់ផ្ទាល់ជាមួយអ្នកជំងឺអុតស្វា ដាក់ខ្លួនដោយឡែក និងពិនិត្យសុខភាព

បានផុស

នៅ

លោកស្រីវេជ្ជបណ្ឌិត ឱ វណ្ណឌីន រដ្ឋលេខាធិការនិងជាអ្នកនាំពាក្យក្រសួងសុខាភិបាល បានអំពាវនាវឱ្យអ្នកដែលបានប៉ះពាល់ផ្ទាល់ជាមួយអ្នកជំងឺអុតស្វាជនជាតិនីហ្សេរីយ៉ាទាំងអស់ ត្រូវដាក់ខ្លួនដោយឡែក ហើយស្វែងរកការពិនិត្យសុខភាពដើម្បីកាត់ផ្តាច់ការចម្លងវីរុសនេះជាបន្តទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅក្នុងសេចក្តីប្រកាសព័ត៌មានមួយចុះកាលពីយប់ថ្ងៃទី២៣ កក្កដា លោកស្រីវេជ្ជបណ្ឌិតបានមានប្រសាសន៍ថា ដើម្បីការពារការចម្លងនៃវីរុសអុតស្វាក្រសួងសុខាភិបាល សូមអំពាវនាវអ្នកដែលបានប៉ះពាល់ផ្ទាល់ជាមួយអ្នកជំងឺជនជាតិនីហ្សេរីយ៉ាទាំងអស់ សូមដាក់ខ្លួនដោយឡែក ហើយស្វែងរកការពិនិត្យសុខភាព ឬផ្តល់ព័ត៌មានមកក្រុមគ្រូពេទ្យដែលនៅជិតលោកអ្នក ឬជូនព័ត៌មានទៅលេខ ១១៥ ដើម្បីទទួលបានការជួយជ្រោមជ្រែង ពិនិត្យសុខភាព និងដើម្បីចូលរួមកាច់ផ្តាច់ខ្សែចម្លងវីរុសអុតស្វានេះឱ្យបានទាន់ពេលវេលា។

ជាមួយគ្នានេះដែរ លោកស្រីវេជ្ជបណ្ឌិត បានណែនាំដល់បងប្អូនប្រជាពលរដ្ឋទាំងអស់ បន្តអនុវត្តវិធានការការពារការចម្លងវីរុសអុតស្វា ដែលក្រសួងបានចេញសេចក្តីណែនាំជារឿយៗ ជាពិសេសមិនត្រូវប៉ះពាល់ជាមួយអ្នកជំងឺអុតស្វា សត្វព្រៃ និងត្រូវបរិភោគអាហារឆ្អិនល្អ ព្រមទាំងរក្សាអនាម័យខ្លួនប្រាណឱ្យបានស្អាត ដោយឧស្សាហ៍លាងសម្អាងដៃជាមួយសាប៊ូ ឬអាល់កុល ឬជែល និងស្វែងរកការពិនិត្យព្យាបាល ប្រសិនបើសិនមានបញ្ហាសុខភាពឬមានរោគសញ្ញាសង្ស័យ។

លោកស្រីវេជ្ជបណ្ឌិត បានបន្តថាក្រសួងសុខាភិបាល និងបន្តធ្វើការជូនដំណឹងដល់សាធារណជន អំពីការវិវត្តន៍នៃបញ្ហា សុខភាពតាមទំព័រហ្វេសប៊ុក និងគេហទំព័ររបស់ក្រសួងសុខាភិបាល។

បុរសជនជាតិនីហ្សេរីយ៉ារូបនេះមានឈ្មោះ អូសម៉ុងសាហាហ្សីរីមមាន អាយុ ២៧ឆ្នាំ កាន់ប៉ាស្ព័រលេខ A10414328 ជាអ្នកទេសចរណ៍ និងមានប្រវត្តិនៃការធ្វើដំណើរចូលមកទឹកដីថៃ កោះភូកេត នៅថ្ងៃទី២១ ខែតុលា ឆ្នាំ២០២២។ បុរសរូបនេះបានគេចខ្លួនពីប្រទេសថៃហើយបានធ្វើដំណើរចូលមកប្រទេសកម្ពុជាត្រូវបានសមត្ថកិច្ចរាជធានីភ្នំពេញធ្វើការឃាត់ខ្លួនកាលពីល្ងាចថ្ងៃទី២៣កក្កដានេះនៅម្តុំផ្សារដើមថ្កូវ ខណ្ឌចំការមន រាជធានីភ្នំពេញ ខណៈបុរសនេះកំពុងតែស្នាក់នៅផ្ទះសំណាក់មួយ នៅផ្លូវ ៤៣០ សង្កាត់ទួលទំពូង។

បន្ទាប់មកក្រសូងសុខាភិបាលបានបញ្ជួនបុរសជនជាតិនីហ្សេរីយ៉ាកើតជំងឺអុតស្វាទៅព្យាបាលជំងឺនៅមន្ទីរពេទ្យរុស្សីកាលពីម៉ោង១៩និង១០នាទីយប់ថ្ងៃទី២៣កក្កដា២០២២៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

បច្ចេកវិទ្យា៧ ម៉ោង មុន

សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២

ព័ត៌មានជាតិ៧ ម៉ោង មុន

សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ

ព័ត៌មានជាតិ៨ ម៉ោង មុន

ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេស​ឡាវ

សេដ្ឋកិច្ច៨ ម៉ោង មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

ព័ត៌មានជាតិ៩ ម៉ោង មុន

ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត

Sokha Hotels

ព័ត៌មានពេញនិយម