ព័ត៌មានជាតិ

មន្ត្រីមន្ទីរបរិស្ថានខេត្តថា ពិតជាមានគេលួចឈូសឆាយដីព្រៃក្នុងតំបន់ប្រើប្រាស់ច្រើនយ៉ាង ភ្នំកង្រីនិងទូកមាសដែលមន្ត្រីជំនាញកំពុងបោះស្លាកហាមឃាត់មិនឲ្យចូលអាស្រ័យផល

បានផុស

៤ years មុន

នៅ

ថ្ងៃចន្ទ ១ សីហា ២០២២

ដោយ

កំពង់ឆ្នាំង ៖ ក្នុងពេលថ្មីៗនេះដីព្រៃជើងភ្នំតាសូ ស្ថិតនៅក្នុងតំបន់ប្រើ ប្រាស់ច្រើនយ៉ាង ភ្នំកង្រីនិងទូកមាស ស្ថិតក្នុងឃុំដារ ស្រុកកំពង់ លែង ត្រូវបានគេលួចឈូសឆាយអស់ជាច្រើនហិកតាដើម្បីយកជាកម្មសិទ្ធិ ករណីនេះអាជ្ញាធរឃុំនិងស្រុកឆ្លើយថាមិនបានដឹង។ដោ យឡែក និងមន្ត្រីបរិស្ថានខេត្តឆ្លើយថាពិតជាមានគេលួចឈូសឆាយពិត មែនដែលមន្ត្រីជំនាញបានបោះស្លា កហាមឃាត់មិនឱ្យចូលអាស្រ័យ ផល ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពាក់ព័ន្ធនឹងករណីនេះនៅល្ងាចថ្ងៃទី ០១ ខែសីហា ឆ្នាំ២០២២នេះ លោកញ៉ែម លក្ខិណា អភិបាលស្រុកកំពង់ លែងបានឆ្លើយតាមទូរស័ព្ទថា រឿងនេះលោកមិនបានដឹងទេ តែលោកបានប្រាប់ទៅលោកមេឃុំដារ ឲ្យចុះ ទៅពិនិត្យច្បាស់ដើម្បីរាយការណ៍មករដ្ឋបាលស្រុកមានវិធានការ។

ដោយឡែក លោក ឈឿន វុធ អនុ ប្រធានមន្ទីរបរិស្ថានខេត្តកំពង់ឆ្នាំង និងទទួលបន្ទុកជាប្រធានតំបន់ប្រើ ប្រាស់ច្រើនយ៉ាងភ្នំកង្រី និងទូកមា ស បានអោយដឹង ឲ្យដឹងថា ដីនៅតំបន់ជើងភ្នំតាសូ ស្ឋិតក្នុងនៅដែនប្រើប្រាស់ច្រើនយ៉ាងភ្នំកង្រីនិងទូកមាសខាងលើនេះ ពិតជាមានគេលួចចូលឈូសឆាយពិតមែន ។ ប៉ុន្តែដីនេះគឺត្រៀមនឹងកាត់ឆ្វៀលជូនប្រជាពលរដ្ឋ តែមិនទាន់ធ្លាក់អនុក្រឹត្យនៅឡើយទេ ដោយសារតែបានឮដូច្នេះ ទើបមាគេលួចចូលឈូ សឆាយទន្ទ្រានយកធ្វើជាកម្មសិទ្ធិ។

លោក ឈឿន វុធ បានបញ្ជាក់ថា ដោយពិនិត្យឃើញមានភាពអណាធិបតេយ្យចូលឈូសឆាយទន្ទ្រានយកដីជើងភ្នំក្នុងតំបន់ប្រើប្រាស់ច្រើនយ៉ាងបែបនេះ និងដោយសាររកជនល្មើសមិនឃើញ ទើបមន្ត្រីជំនាញរបស់លោក បានយកស្លាកទៅបោះតាមដើមឈើធំៗហាមឃាត់មិនឲ្យចូលមកបង្កបង្កើនផលលើដីដែលបានឈូសឆាយនោះឡើយ និងក៏មិនអនុញ្ញាតអោយមានការឈូសឆាយព្រៃតាមជើងភ្នំខាងលើនេះបន្តទៀតឡើយ។

ករណីនេះប្រពលរដ្ឋនៅតំបន់នោះបានឲ្យដឹងផងដែរថា ការឈូសឆាយដីព្រៃនៅតំបន់ជើងភ្នំតាសូនេះ គឺទើបតែធ្វើសកម្មភាពថ្មីៗនេះទេ គឺក្រោយពីសម្ដេចបានប្រកាសហាមមិនឲ្យមានការកាប់ទន្ទ្រានព្រៃឈើគ្រប់តំបន់ហាមឃាត់។ ហើយទំន ងជាគេលួចឈូសឆាយថ្មីៗនេះស្រប ពេលដែលប្រមុខរាជរដ្ឋាភិបាលសុំអោយអាជ្ញាធរខេត្តនិងមន្ត្រីជំនាញកាត់ឆ្វៀលដីតំបន់ ៣ មួយចំនួនជូនប្រជាពលរដ្ឋ៕

ដោយ ៖ ឈៀងថារិទ្ធ