អភិបាលស្រុកសំរោង ចុះសួរសុខទុក្ខ និងនាំយកអំណោយមនុស្សធម៌ជូនគ្រួសារក្រីក្រដែលមកស្នាក់ព្យាបាលជំងឺនៅឃុំខ្វាវ

នៅព្រឹកថ្ងៃទី០៨ ខែសីហា ឆ្នាំ២០២២ លោក កេត ម៉ៅ អភិបាលនៃគណៈអភិបាលស្រុកសំរោង និងជាប្រធានកិត្តិយសអនុសាខាកាកបាទក្រហមកម្ពុជាស្រុក រួមជាមួយលោកស្រី ប៊ុន គឹមហុង អភិបាលរងស្រុក និងជាប្រធានអនុសាខាកាកបាទក្រហមកម្ពុជាស្រុក លោកនាយករងរដ្ឋបាលស្រុក លោកមេឃុំ សមាជិកក្រុមប្រឹក្សាឃុំ ស្មៀនឃុំខ្វាវ លោកមេភូមិបានអញ្ជើញចុះសួរសុខទុក្ខ និងនាំយកអំណោយអនុសាខាកាកបាទក្រហមកម្ពុជាស្រុកសំរោង ជូនដល់គ្រួសារលោក អ៊ុ រ៉ាដេត អាយុ៦៥ឆ្នាំ ដែលមានជីវភាពក្រីក្រ រស់នៅខេត្តកំពង់ឆ្នាំង ហើយមកសម្រាកព្យាបាលជំងឺនៅភូមិព្រៃជ័រ ឃុំខ្វាវ ស្រុកសំរោង ខេត្តតាកែវ។

លោក កេត ម៉ៅ អភិបាលនៃគណៈអភិបាលស្រុកសំរោង បានបញ្ជាក់ថា លោកតា លោកយាយ គឺជាអ្នកចំណាកស្រុក គាត់មកពីខេត្តកំពង់ឆ្នាំង មកសម្រាកព្យាបាលគ្រូថ្មាំខ្មែរ នៅទីនោះតាមរយះក្មួយគាត់។

អំណោយដែលបានផ្តល់ជូនគ្រួសារមានជីវភាពខ្វះខាតនៅពេលនេះរួមមាន÷

– ថវិកាចំនួន ១៥០,០០០រៀល

– អង្ករ ៥០ គីឡូក្រាម

– មី ១កេស

– ទឹកបរិសុទ្ធ ១កេស

– ទឹកត្រី ១យួរ

– ទឹកសុីអុីវ ១យួរ

– ចង្រ្កានហ្គាស ១

– ចង្រ្កានដុតអុស ១

– ឃីត ១កញ្ចប់

– បំពង់ទឹកក្តៅ ១

– ចានស្រាក់ ១