Connect with us

ព័ត៌មានជាតិ

សន្ទូង​ដំណាំរួមផ្សំជាង​ ១ ពាន់ហិកតា​ និងផ្ទះពលរដ្ឋជិត ៥០០ ខ្នង រងផលប៉ះពាល់​ដោយសារ​ទឹកជំនន់

បានផុស

នៅ

គិតត្រឹមថ្ងៃទី ១២ ខែសីហាឆ្នាំ ២០២២នេះទឹកជំនន់បាន​បង្កឱ្យប៉ះពាល់ដល់សន្ទូង​និងដំណាំរួមផ្សំ​ផ្សេងៗរបស់ប្រជាពលរដ្ឋ​ប្រមាណជាង ១៦០០ ហិកតាព្រមទាំងផ្ទះសម្បែង ៤៧០ ខ្នង សាលារៀន វត្តអារាម ផ្លូវជាតិផ្លូវលំជិត២ពាន់ម៉ែត្រនិងស្ពានមួយចំនួននៅស្រុកចំនួន២ នៃខេត្តរតនគីរី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយបានមានប្រសាសន៍នៅព្រឹកថ្ងៃទី​១៣ ខែសីហានេះថា ទឹកជំនន់ក្នុងរយៈពេលប៉ុន្មានថ្ងៃនេះបានបណ្តាលឱ្យប៉ះពាល់ឃុំសង្កាត់ចំនួន ៥ នៅស្រុកកូនមុំនិងស្រុកលំផាត់ខេត្តរតនគីរីមានប្រជាពលរដ្ឋចំនួន ៤៧២គ្រួសារស្មើនឹង១៧៤៨នាក់ក្នុងនោះបានជម្លៀសប្រជាពលរដ្ឋទៅរកទីទួលសុវត្តិភាពចំនួន២៧៧គ្រួសារ និងជម្លៀសសត្វគោក្របី ១៤២០ ក្បាល ប៉ះពាល់ផ្ទះប្រជាពលរដ្ឋ៤២៦ខ្នង សាលារៀន១កន្លែង វត្តអារាម១កន្លែង សន្ទូង៧៨៣ហិក ដំណាំរួមផ្សំ៨៤៥ហិកតា ផ្លូវជាតិប្រវែង១០២៣ម៉ែត្រផ្លូវលំជនបទ​១៨៧០ម៉ែត្រនិងស្ពានចំនួន៣កន្លែង។

លោកបានបន្តថា គិតត្រឹមថ្ងៃទី ១៣ សីហានេះស្ថានភាពទឹកជំនន់បានស្រកបន្តិចហើយក្នុងករណីទឹកបន្តស្របបែបនេះវានឹងជួយកាត់បន្ថយផលប៉ះពាល់ដល់សន្ទូងដំណាំស្រូវផ្ទះសម្បែង និងហេដ្ឋារចនាសម្ព័ន្ធនានា។

ប៉ុន្តែប្រសិនបើភ្ញៀងនៅតែបន្តធ្លាក់ជាបន្តបន្ទាប់ទៀតនោះវានឹងបង្កផលប៉ះពាល់បន្ថែមទៀតដោយសារបឹង ព្រែកនិងស្ទឹងមានទឹកដក់ឆ្អែតរួចទៅហើយ។

លោកបានបន្តទៀតថា ចំណែកនៅខេត្តស្ទឹងត្រែងវិញស្ថានភាពទឹកក៏បានស្រកវិញហើយដែរគិតត្រឹមថ្ងៃទី ១៣ សីហានេះ។

ប៉ុន្តែប្រជាពលរដ្ឋក៏តោងតែមានការប្រុងប្រយ័ត្នខ្ពស់ផងដែរដោយត្រូវត្រៀមលក្ខណៈឱ្យរួចរាល់នូវសម្ភារៈចាំបាច់មួយចំនួនដើម្បីជួយសង្គ្រោះបានទាន់ពេលវេលាពេលមានទឹកជំនន់៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ២៤ នាទី មុន

កាបូប ៦ម៉ូដែល លក់ដាច់អស់គ្មានសល់ ក្រោយ Lisa ថតបង្ហោះមិនប៉ុន្មានម៉ោង

ព័ត៌មានជាតិ៤០ នាទី មុន

អង្គការ​សម្រេច​សុ​បិ​ន្ត​កុមារ​កម្ពុជា​ ចំណាយថវិកា​ជាង៦ម៉ឺនដុល្លារ ចូលរួម​អភិវឌ្ឍន៍​លើ​វិស័យ​ធនធាន​មនុស្ស​ក្នុងស្រុក​ថ្មគោល

ជីវិតកម្សាន្ដ២ ម៉ោង មុន

តួឯកប្រុសរឿង “Squid Game” ឈ្នះពានរង្វាន់ Emmy ដំបូងគេ ក្នុងប្រវត្តិសាស្ត្រកូរ៉េខាងត្បូង

កីឡា២ ម៉ោង មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ២ ម៉ោង មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

Sokha Hotels

ព័ត៌មានពេញនិយម