ព័ត៌មានជាតិ
រដ្ឋាភិបាលនឹងផ្តល់ជំនួយ ៥០ម៉ឺនដុល្លារ ដល់SMEសម្រាប់ផ្លាស់ប្តូរការធ្វើពាណិជ្ជកម្មតាមប្រព័ន្ធអេឡិចត្រូនិក
ភ្នំពេញ ៖ រដ្ឋាភិបាលនឹងផ្តល់ជំនួយ ៥០ម៉ឺនដុល្លារ ដល់សហគ្រាសធុនតូច និងមធ្យមចំនួន១២៥ (SME)សម្រាប់ផ្លាស់ប្តូរការធ្វើពាណិជ្ជកម្មតាមប្រព័ន្ធអេឡិចត្រូនិក។
ជំនួយទាំងនេះនឹងជួយបណ្តុះបណ្តាលអំពីរបៀបការធ្វើពាណិជ្ជកម្មតាមប្រព័ន្ធអេឡិចត្រូនិកដល់សហគ្រាសធុនតូច និងមធ្យមចំនួន១២៥ដើម្បីឲ្យផ្លាស់ប្តូរការធ្វើពាណិជ្ជកម្មតាមប្រព័ន្ធអេឡិចត្រូនិកដូចជាការលក់ផលិតផល និងសេវាកម្មតាមប្រព័ន្ធអនឡាញ និងជួយដល់សហគ្រាសមួយចំនួនដែលលក់ផលិតផល នៅក្រៅប្រទេស តាមរយៈថ្នាលបច្ចេកវិទ្យាថ្មីមួយដែលកំពុងបង្កើតឡើងមួយក្រសួងពាណិជ្ជកម្ម។
យោងតាមសេចក្តីប្រកាសព័ត៌មានរបស់ក្រសួងពាណិជ្ជកម្មបានឱ្យដឹងថា មូលនិធិនេះនឹងផ្តល់ថវិកាគាំទ្រខ្នាតតូចរយៈពេល៦ខែ។ គំនិតផ្តួចផ្តើមនេះត្រូវបានបង្កើត និងអនុវត្តរួមគ្នាដោយក្រសួងពាណិជ្ជកម្ម និងUNDP ដែលជាសមាសភាគមួយដ៏សំខាន់ក្នុងគម្រោងអភិវឌ្ឍន៍ពាណិជ្ជកម្មតាមប្រព័ន្ធអេឡិចត្រូនិកកម្ពុជា ហៅកាត់ថា Go4eCAM ដែលមានគោលបំណងក្នុងការបង្កើនឱកាសទាំងក្នុងស្រុក និងអន្តរជាតិដល់សហគ្រាសធុនតូចនឹងមធ្យម តាមរយៈគំនិតផ្តួចផ្តើមឌីជីដថលភាវូបនីយកម្ម ដើម្បីបង្កើតការងារថ្មីឱ្យបានច្រើនជាង១ម៉ឺន ត្រឹមឆ្នាំ២០២២។
លោក ប៉ាន សូរស័ក្ក រដ្ឋមន្ត្រីក្រសួងពាណិជ្ជកម្ម មានប្រសាសន៍ថា គម្រោង Go4eCAM ត្រូវបានប្រកាសចាប់ផ្តើមអនុវត្តចំពេលជូនគ្នាជាមួយនឹងការអនុម័តច្បាប់ស្តីពីពាណិជ្ជកម្មតាមប្រព័ន្ធអេឡិចត្រូនិក ។ គម្រោងនេះនឹងផ្តល់នូវអត្ថប្រយោជន៍ជាច្រើនផ្សេងទៀត ដូចជាការបង្កើនផលិតភាព នវានុវត្តន៍ ការពង្រីកអាជីវកម្ម ព្រមទាំងការបង្កើតការងារនៅកម្ពុជា។
ចំណែកលោក Nick Beresford អ្នកតំណាងនិវេសនដ្ឋានUNDP ប្រចាំកម្ពុជា បានលើកឡើងថា យុទ្ធសាស្ត្រស្តីពីប្រព័ន្ធពាណិជ្ជកម្មតាមប្រព័ន្ធអេឡិចត្រូនិកនៅកម្ពុជា នឹងជំរុញឲ្យមានការប្រើប្រាស់ពាណិជ្ជកម្មតាមប្រព័ន្ធអេឡិចត្រូនិកក្នុងសង្គមទាំងមូល ជាពិសេសក្នុងចំណោមក្រុមដែលមានឱកាសតិចតូច អាចជាយុទ្ធសាស្ត្រដ៏សំខាន់ ដើម្បីជំរុញកំណើនប្រកបដោយបរិយាប័ន្នក្រោយពីកូវីដ១៩៕
ដោយ ៖ សំអឿន
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៤ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១០ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៦ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៥ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៦ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ