ព័ត៌មានជាតិ
លោកជំទាវ ឱ វណ្ណឌីន ណែនាំដល់ពលរដ្ឋ កុំមានការព្រួយបារម្ភខ្លាំងពេក ទៅលើវីរុសកូវីដ-១៩ បម្លែងថ្មី
ខណៈពេលដែលមានករណីវីរុសកូវីដ-១៩ បម្លែងថ្មីកំពុងឆ្លងនៅតាមបណ្តាប្រទេសមួយចំនួននៅលើពិភពលោកនោះ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានណែនាំដល់ប្រជាពលរដ្ឋទាំងអស់កុំមានការភ័យព្រួយខ្លាំងពេក ចំពោះជំងឺកូវីដ១៩បម្លែងថ្មីនេះ ព្រោះថាទោះបីជាវាភាពលឿន ក្នុងការចម្លងជាងមុនតែមិនទាន់មានការបញ្ជាក់ណាមួយដែលថា វាមានភាពធ្ងន់ធ្ងរបន្ថែមលើស្ថានភាពគ្លីនិកនោះឡើយ។
លោកជំទាវបានចេញមកពន្យល់អំពី វីរុសកូវីដ-១៩ បម្លែងថ្មីនៅថ្ងៃទី៣១ធ្នូនេះថា«ដោយសារការព្រួយបារម្ភ និងមានសំណួរពាក់ព័ន្ធទៅនឹងវត្តមាននៃវីរុសកូវីដ-១៩ បម្លែងថ្មី លោកជំទាវសូមចូលរួមចែករំលែកនូវព័ត៌មាន សម្រាប់ការយល់ដឹងជូនដល់បងប្អូនប្រជាពលរដ្ឋទាំងអស់ ដើម្បីជាទុនក្នុងការយល់ដឹង និងបង្កើនការយកចិត្តទុកដាក់របស់បុគ្គលម្នាក់ៗ ក្នុងកិច្ចការពារការចម្លងនៃវីរុសដ៏កាចសាហាវនេះ ទោះជាវីរុសកូវីដ-១៩នេះ មានការបម្លែងទៅជាទម្រង់បែបណាក៏ដោយ»។
លោកជំទាវបានឲ្យដឹងថា ចក្រភពអង់គ្លេសបានរកឃើញវីរុសកូវីដ១៩បម្លែងថ្មីនៅថ្ងៃទី១៣ ខែធ្នូ ឆ្នាំ២០២០ និងបានរាយការណ៍ទៅអង្គការសុខភាពពិភពលោកនៅថ្ងៃទី១៤ ខែធ្នូ ឆ្នាំ២០២០ ដោយលើកឡើងថា វាមានភាពឆ្លងលឿនជាងវីរុស ដែលកំពុងតែចរាចរបច្ចុប្បន្នក្នុងកម្រិតឆ្លងប្រហែលជា០.៤បន្ថែមលើសន្ទស្សន៍នៃការឆ្លងដែលមានបច្ចុប្បន្ន។ លោកជំទាវបានបន្តទៀតថា មកទល់ពេលនេះ ចាប់តាំងពីមានការផ្ទុះឡើងវីរុសកូវីដ១៩ គឺមានការបម្លែងវីរុសកូវីដ១៩ខុសគ្នាចំនួន ២៩ស្ថានភាពនុយក្លេអូទីតរបស់វីរុសដែលចេញមកពីប្រភពដើមនៅវូហាន ដែលគេបានប៉ាន់ប្រមាណថា មានការបម្លែងនៃវីរុសនេះ ប្រហែលមួយទៅពីរបែបក្នុងមួយខែហើយការបម្លែងនៃវីរុសជាទូទៅគេតែងសង្កេតឃើញមានលើមនុស្សផ្សេងៗទៀតដែរគ្រាន់តែថា ការបម្លែងរបស់វីរុសកូវីដ១៩ នេះហាក់ដូចជាមានភាពលឿនតែមិនទាន់មានការបញ្ជាក់ណាមួយដែលថា វាមានភាពធ្ងន់ធ្ងរបន្ថែមលើស្ថានភាពគ្លីនិកនោះឡើយ។
លោកជំទាវបានពន្យល់ទៀតថា លទ្ធផលសិក្សាបឋមនៅអង់គ្លេសបង្ហាញថា ប្រភេទវ៉ារ្យ៉ង់ថ្មីនៃវីរុសនេះអាចឆ្លងបានច្រើនជាងវ៉ារ្យង់ ដែលមានចរាចរពីមុនហើយរហូតមកដល់បច្ចុប្បន្ននេះ មិនទាន់មានបង្ហាញពីការកើនឡើងនូវភាពធ្ងន់ធ្ងរជាមួយវីរុសនេះនៅឡើយទេ។ ការសិក្សាស្រាវជ្រាវអង្កេតកំពុងបន្តធ្វើនៅចក្រភពអង់គ្លេស និងសហភាពអឺរ៉ុបសម្រាប់ស្វែងរកព័ត៌មានបន្ថែមអំពីភាពធ្ងន់ធ្ងន់នៃគ្លីនិកការឆ្លងការផ្លាស់ប្ដូរអង់ទីគ័រនិងផលប៉ះពាល់ ដែលអាចនឹងកើតមានលើប្រសិទ្ធភាពវ៉ាក់សាំង និងការតាមដានករណីឆ្លងឡើងវិញ ផងដែរ។
លោកជំទាវបានបន្ថែមទៀតថា វិទ្យាស្ថានប៉ាស្ទ័រកម្ពុជាបានបញ្ជាក់ផងដែរថា ការផ្លាស់ប្ដូរនៃប្រភេទវីរុសលើវ៉ារ្យ៉ង់នេះ មិនប៉ះពាល់ដល់ការធ្វើតេស្តរោគវិនិច្ឆ័យ ដែលត្រូវបានប្រើនៅក្នុងប្រទេសកម្ពុជាឡើយហើយលទ្ធភាពនៃការធ្វើតេស្តនៅតែអាចធ្វើបន្តទៀត។ តែតម្រូវឲ្យមានវត្ថុសំណាកបន្ថែមទៀត សម្រាប់ការធ្វើវិភាគរកប្រភេទនៃការបម្លែងនេះ នៅកម្ពុជាដោយសារបច្ចុប្បន្នយើងមិនទាន់អាចដឹងបាននូវវត្តមាននៃវីរុសនេះ ដែរឬទេដោយសារខ្វះទិន្នន័យសម្រាប់ធ្វើវិភាគការ។
លោកជំទាវ ឱ វណ្ណឌីន បានអំពាវនាវថា«នៅពេលនេះហើយអ្វីដែលសំខាន់បំផុតនោះ ទោះបីជាវីរុស១៩នេះ មានលទ្ធភាពបម្លែងជាច្រើនបែបក៏ដោយ វិធានការសុខភាពសាធារណៈសុខភាពសំខាន់នៅតែជាវិធានការចម្បងបំផុត សម្រាប់បុគ្គលគ្រប់រូប ដែលមិនត្រូវប្រហែសនោះឡើយដោយត្រូវតែវាងវៃប្រុងប្រយ័ត្នជាប់ជានិច្ចនឹងត្រៀមជានិច្ច ក្នុងការឆ្លើយតបនិងជាពិសេសទៀតនោះ គឺនៅពេលដែលយើងកំពុងរង់ចាំមើលលទ្ធផលនិងនៃការមកដល់នៃវ៉ាក់សាំងកូវីដ១៩»។ លោកជំទាវបានបញ្ជាក់ថា ជាងនេះទៀត ត្រូវអនុវត្តនូវវិធានការណ៍ ៣ ការពារ និង ៣កុំ រួមមានពាក់ម៉ាស លាងដៃឲ្យបានញឹកញាប់និងគម្លាតសុវត្ថិភាពសង្គម និងគម្លាតសុវត្ថិភាពបុគ្គល ដោយចាប់ពី១ម៉ែត្រកន្លះឡើងទៅឲ្យបានគ្រប់គ្នា និងនៅគ្រប់ទីកន្លែង។ ចំពោះ៣កុំវិញ រួមមាន កុំចូលទៅកន្លែងបិទជិតគ្មានខ្យល់ចេញចូល និងប្រើម៉ាស៊ីនត្រជាក់ច្រើនពេក រកកន្លែងមានខ្យល់ចេញចូលល្អ កុំទៅកន្លែងមនុស្សច្រើនកុះករ និងកុំប៉ះពាល់គ្នា កុំចាប់ដៃគ្នា កុំកៀកស្មាគ្នា កុំឱបគ្នាជាដើម ពេលជួបគ្នា អ្នកមានផ្តាសាយ ឬសង្ស័យមានជំងឺកូវីដ-១៩ កុំចេញក្រៅហើយត្រូវទាក់ទងទៅគ្រូពេទ្យ ឬហៅទៅលេខ ១១៥។
លោកជំទាវបានសំណូមពរដល់ប្រជាពលរដ្ឋ ត្រូវចូលរួមរាយការណ៍ជូនអាជ្ញាធរមានសមត្ថកិច្ចប្រសិនបើមានជនចំណូលថ្មីមកពីក្រៅប្រទេសមកស្នាក់នៅក្នុងភូមិឬផ្ទះរបស់ខ្លួនហើយរួមចំណែកមើលការខុសត្រូវថែទាំសុខភាពគ្រួសារខ្លួនឲ្យបានល្អចេះជួយរំលឹកគ្នាអំពីវិធានការការពារខ្លួនបណ្ដោយឆ្លងជំងឺផ្ដាសាយសាហាវនេះ ទើបយើងកាត់ផ្ដាច់បាននូវខ្សែចម្លងចូលក្នុងសហគមន៍ និងមានការរស់នៅធម្មតាតាមបែបគន្លងថ្មីប្រកបរបររកស៊ីធម្មតា។
លោកជំទាវបានរំលឹកថា«ការប្រហែសខ្លួនដោយមើលស្រាលលើលទ្ធភាពនៃការចម្លងវីរុសកូវីដ១៩ គឺជាការមើលងាយខ្លួនឯងដោយទុកឲ្យវីរុសកូវីដ១៩ សប្បាយចិត្តអាចធ្វើដោយសេរីមកលើខ្លួនឯងធ្វើឲ្យធ្លាក់ខ្លួនឈឺនិងអាចមានសភាពធ្ងន់ធ្ងរឬអាចបាត់បង់ជីវិតបានប្រសិនបើនៅតែប្រហែលខ្លួនមើលស្រាលលើលទ្ធភាពនៃការបង្កជាជំងឺកូវីដ១៩ នេះ»។
លោកជំទាវបានឲ្យដឹងថា«សូមបងប្អូនសាធារណជនចងចាំថា ទោះបីជាឬសគល់នៃវីរុសកូវីដ១៩នេះចេះមានការបម្លែងទៅជាបែបថ្មីក៏ដោយដែល មើលទៅហាក់ដូចជាមានហានិភ័យនៃការចម្លងខ្លះពិតមែន ក៏ប៉ុន្តែប្រសិនបើបុគ្គលគ្រប់រូបអនុវត្តបានយ៉ាងត្រឹមត្រូវនូវវិធានការសុខភាពសាធារណៈនោះលោកអ្នកនឹងចូលរួមកាត់បន្ថយបានស៊ីអតិបរមានៅការចម្លងព្រោះនេះជាមិនខានឡើយ»៕
អត្ថបទ៖ សំអឿន
សូមចុចអាន៖ អ្នកនាំពាក្យនគរបាល អំពាវនាវឲ្យជនរងគ្រោះ សហការជាមួយសមត្ថកិច្ច ក្នុងករណីទទួលរងអំពើហិង្សា
កម្មករនៃរោងចក្រ Y & W ជិត២០០០នាក់ បានបើកប្រាក់ឈ្នួល និងប្រាក់បំណាច់ ដោយពេញចិត្ត និងមានជំនឿលើរាជរដ្ឋាភិបាល
ឯកអគ្គរដ្ឋទូតសាធារណរដ្ឋសហភាពមីយ៉ាន់ម៉ា បេ្តជ្ញាចិត្តក្នុងការជំរុញទំនាក់ទំនង និងកិច្ចសហប្រតិបត្តិការរវាងមីយ៉ាន់ម៉ា-កម្ពុជាឱ្យកាន់តែរឹងមាំ
ការសិក្សា ៖ ស្រ្តីដែលមានផ្ទៃពោះខំប្រឹងធ្វើការក្រោមកម្ដៅខ្លាំង ប្រឈមហានិភ័យកូនស្លាប់ក្នុងពោះ
ស្ថានីយប្រព្រឹត្តកម្មទឹកកខ្វក់ទី ៣ នៅខេត្តព្រះសីហនុដាក់សម្ពោធឲ្យដំណើការជាផ្លូវការ
ជនចំណាកស្រុកជាង ៥០០ នាក់ចូលចតនៅ អង់គ្លេស តាមទូកតូចៗ
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
កីឡា១ សប្តាហ៍ agoឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ agoម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ agoដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ agoអ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ agoតួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត