Connect with us

ព័ត៌មានជាតិ

នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន ស្នើសុំ​ឲ្យ​កម្លាំង​នគរបាល​ទាំងអស់​ធ្វើការ​ថ្កោលទោស​ដាច់អហង្កា និង​ប្រឆាំង​ដាច់ខាត ចំពោះ​សេចក្ដីថ្លែងការណ៍​របស់​មេក្រុម​ឧទ្ទាម​

បានផុស

នៅ

រតនគិរី ​៖ ការ​ស្នើសុំ​នេះ លោកនាយ​ឧត្ដមសេនីយ៍ នេ​ត សាវឿន មានប្រសាសន៍​ក្នុង​ឱកាស អញ្ជើញ​ជា​អធិបតីភាព​ក្នុង​ពិធី​ប្រកាស​តែងតាំង​មុខតំណែង​ស្នងការ នៃ​ស្នងការដ្ឋាន​នគរបាល​ខេត្តរតនគិរី​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅ​ព្រឹក​ថ្ងៃទី​១៨ ខែតុលា ឆ្នាំ​២០២២ លោក​នាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន អញ្ជើញ​ជា​អធិបតីភាព ក្នុង​ពិធី​ប្រកាស​តែងតាំង​មុខតំណែង​លោក​ឧ​ត្ត​ម​សេនីយ៍​ត្រី​អ៊ុង សុភាព អតីត​ស្នងការ​រង នៃ​ស្នងការដ្ឋាន​នគរបាល​ខេត្ត​រតនគិរី ជា​ស្នងការ​នៃ​ស្នងការដ្ឋាន​នគរបាល​ខេត្ត​គិរី ជំនួស​លោក​ឧ​ត្ត​ម​សេនីយ៍​ទោ យិន ចំណាន ត្រូវបាន​ឲ្យ​ចូលនិវត្តន៍ ដែល​បាន​ប្រារព្ធ​ធ្វើឡើង​នៅ​សាលប្រជុំ​ស្នងការដ្ឋាន​នគរបាល​ខេត្តរតនគិរី​។

ដោយមាន​ការអញ្ជើញ​ចូលរួម​ពី​សំណាក់ លោក ញ៉ែម សំអឿន អភិបាលខេត្ត​រតនគិរី និង​គណៈប្រតិភូ នៃ​អគ្គស្នងការ​នគរបាល​ជាតិ ព្រមទាំង លោក លោកស្រី ភ្ញៀវកិត្តិយស សមាជិក សមាជិការ នៃ​អង្គពិធី​ផងដែរ​។

​ថ្លែង​ក្នុងឱកាស​នេះ លោក ញ៉ែម សំអឿន អភិបាលខេត្ត​រតនគិរី បាន​សម្តែង​នូវ​ការស្វាគមន៍​យ៉ាង​កក់ក្តៅ​ចំពោះ​វត្តមាន​គណៈអធិបតី និង​បាន​ជំរុញ​ឲ្យ​លោកស្នងការ​នគរបាល​ខេត្ត ដែល​ទើប​តែងតាំង​ថ្មី ត្រូវ​ពង្រឹង និង​ពង្រីក​សាមគ្គីភាព​ផ្ទៃក្នុង​ឲ្យ​បាន​រឹងមាំ​ថែមទៀត ជាពិសេស​ត្រូវ​ដឹង​អំពី​សុខទុក្ខ និង​ការលំបាក​របស់​មន្ត្រីនគរបាល​គ្រប់ផ្នែក​ក្រោម​ឱវាទ​។

ត្រូវ​គោរព​វិន័យ របៀប​ធ្វើការ និង​ក្រមសីលធម៌​ជា​កងកម្លាំង ដែល​ជា​សេនាធិការ​ដ៏​រឹងមាំ​ឲ្យ​គណៈបញ្ជាការ​ឯកភាពរ​ដ្ឋ​បាល​ខេត្ត និង​ត្រូវ​បន្ត​ការយកចិត្តទុកដាក់​អនុវត្ត​គោលការណ៍​ច្បាប់ លិខិតបទដ្ឋាន និង​បទបញ្ជា​ចង្អុល​ណែនាំ​របស់​អគ្គស្នងការ​នគរបាល​ជាតិ ព្រមទាំង​បញ្ជា​ការឯកភាព​រដ្ឋបាល​ខេត្ត​។

ប្រសាសន៍​សំណេះសំណាល​នាឱកាស​នេះដែរ លោកនាយ​ឧ​ត្ត​ម​សេនីយ៍ សន្តិ​បណ្ឌិត នេ​ត សាវឿន បាន​ថ្លែង​ការ​កោតសរសើរ និង​វាយតម្លៃ​ខ្ពស់​ចំពោះ​អាជ្ញាធរ​ដែនដី គ្រប់​លំដាប់​ថ្នាក់​នៃ​ខេត្តរតនគិរី ដែល​បាន​រួមគ្នា​ធ្វើការ​កសាង និង​អភិវឌ្ឍន៍​ខេត្ត​ឲ្យ​មានការ​រីកចម្រើន​លើ​គ្រប់​វិស័យ​។

​ឯកឧត្តម នាយ​ឧ​ត្ត​ម​សេនីយ៍ បាន​ជម្រុញ លោកស្នងការ ក៏ដូចជា​ថ្នាក់ដឹកនាំ​នៃ​ស្នងការដ្ឋាន​នគរបាល​ខេត្តរតនគិរី ត្រូវ​យកចិត្តទុកដាក់​លើ​សកម្មភាព​ជាក់​ស្តែង គឺ​សំខាន់​ផ្តោតទៅលើ​ការ​ពង្រឹង​សន្តិសុខ សណ្តាប់ធ្នាប់ ធានា​ឲ្យ​បាន​សុវត្ថិភាព សន្តិភាព សន្តិសុខ​ផ្ទៃក្នុង ជាពិសេស​ទប់ស្កាត់​ឲ្យ​បាន​ការវិល​ត្រឡប់​មក​វិញ នូវ​បដិវត្តន៍​ពណ៌ និង​ទប់ស្កាត់​ការ​ប្រឆាំង​នានា ដែល​យក​ទឹកដី​កម្ពុជា ធ្វើជា​ជម្រក ឬ ធ្វើជា​ទីតាំង​ដើម្បី​ប្រឆាំង​ប្រទេសជិតខាង ព្រមទាំង​ការកាត់បន្ថយ​បទល្មើស​ព្រហ្មទណ្ឌ រួម​ទាំង​ការកាត់បន្ថយ​ឥទ្ធិពល រីក​រាលដាល​ករណី​គ្រឿងញៀន ព្រមទាំង​ការងារ​ផ្សេងៗ​ទៀត​ដូចជា ការទប់ស្កាត់​បញ្ហា​ក្មេង​ទំនើង និង​ការជួញដូរ​ផ្លូវភេទ ស្ត្រី និង​កុមារ​។

ជាមួយគ្នា​នោះ ការ​ពង្រឹង​ច្បាប់​ចរាចរណ៍ គឺ​ត្រូវ​ផ្តោតទៅលើ​ការអប់រំ បណ្តុះបណ្តាល​មន្ត្រី ការកែប្រែ​ឥរិយាបថ នៃ​ការ​ធ្វើការងារ​របស់​ម​ន្ត្រី ក្រមសីលធម៌​របស់​ម​ន្ត្រី និង​ជំរុញ​យ៉ាង​តឹងរ៉ឹង​បំផុត​ក្នុងការ​អនុវត្តន៍ អនុ​ក្រិត​ថ្មី​ស្តី​ពី​ការ​វិន័យ​អន្តរការណ៍​បទល្មើស​ច្បាប់​ចរាចរណ៍​ផ្លូវគោក​។​

ទាក់ទង​នឹង​សភាពការណ៍​បច្ចុប្បន្ន​លោក​អគ្គស្នងការ បាន​ស្នើ​ឲ្យ​កម្លាំង​នគរបាល​ទាំងអស់ ធ្វើការ​ថ្កោលទោស​ដាច់អហង្ការ និង​ប្រឆាំង​ដាច់ខាត​ចំពោះ សេចក្តីថ្លែងការណ៍​រប​ស់​ទណ្ឌិត សម រ​ង្ស៉ី មេក្រុម​ឧទ្ទាម ជា​ពូជ​ក្បត់ជាតិ​៣​ជំនាន់ តាមរយៈ​វីដេអូ​ឃ្លី​ប​នាពេល​ថ្មីៗ​នេះ ដែល​បាន​ញុះញង់​ឲ្យ​កងកម្លាំងប្រដាប់អាវុធ​ធ្វើការ​បះបោរ និង​បាន​ប្រមាថ​ដោយ​អសីលធម៌​ចំពោះ សម្តេច​តេ​ជោ នាយករដ្ឋមន្ត្រី ដែលជា​ស្ថាបនិក​សន្តិភាព និង​ជា​ទីគោរព​ស្រលាញ់​របស់​ប្រជាពលរដ្ឋ​កម្ពុជា​គ្រប់រូប៕

ដោយ ៖ វុ​ទ្ធ​ឦសាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ ម៉ោង មុន

សហរដ្ឋអាមេរិកនិយាយថា ករណីវាយប្រហារនៅសាលប្រគំតន្ត្រី Crocus City Hall គឺជាការអាម៉ាស់របស់រុស្ស៊ី

ព័ត៌មានជាតិ៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៧ ម៉ោង មុន

ក្រសួង​ការងារ​នាំ​យក​ប្រាក់​ឈ្នួល និង​ប្រាក់​បំណាច់​ជូន​កម្មករ​រោងចក្រ Y&W ដែល​កំពុង​សម្រាលកូន​ដល់​មន្ទីរពេទ្យ

ព័ត៌មានជាតិ៨ ម៉ោង មុន

ទីតាំងចែកចាយនំបាយក្តាំង និងគ្រឿងសមុទ្របង្កក៣ទីតាំង ត្រូវបានរកឃើញថា គ្មានស្តង់ដារបច្ចេកទេសត្រឹមត្រូវ

ព័ត៌មានជាតិ៨ ម៉ោង មុន

ប្រាង្គអាយុកាលពាន់ឆ្នាំ លើកំពូលភ្នំដងរែក កំពុងចែងចាំង អួតអ្នកទេសចរ អំឡុងព្រឹត្តិការណ៍សមរាត្រី

ព័ត៌មានអន្ដរជាតិ៣ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

ព័ត៌មានជាតិ៦ ម៉ោង មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

កីឡា៤ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ២ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

ព័ត៌មានជាតិ៧ ថ្ងៃ មុន

សម្តេច​​​ ហ៊ុន សែន ​៖​ ហេតុ​អ្វី​បាន​ជា​មក​ដល់​ពេល​នេះ​ហើយ​មាន​មន្ត្រី​យើង​ប្រព្រឹត្ត​បែប​នេះ​ ដោយ​ពាក់​ស្បែក​ជើង​ចូល​ក្នុង​ព្រះ​វិហារ?

Sokha Hotels

ព័ត៌មានពេញនិយម