ព័ត៌មានជាតិ

ប្រទះឃើញសពបុរសម្នាក់មានសភាពហើមស្អុយនៅក្នុងដីឡូត៍មួយកន្លែងក្នុងខណ្ឌសែនសុខ

បានផុស

៥ years មុន

នៅ

ថ្ងៃចន្ទ ៤ មករា ២០២១

ដោយ

ប្រជាពលរដ្ឋប្រទះឃើញសាកសពបុរសម្នាក់ដេកស្លាប់ក្នុងព្រៃស្មៅក្នុងដីឡូត៍មួយកន្លែងមានសភាពហើមស្អុយរលួយ បង្កឲ្យមានការភ្ញាក់ផ្អើលកាលពីវេលាម៉ោង០៥ល្ងាច ថ្ងៃទី០៣ ខែមករាឆ្នាំ២០២១ ស្ថិតនៅក្នុងភូមិ បុរី១០០ខ្នង ក្នុងសង្កាត់ទឹកថ្លា ខណ្ឌសែនសុខ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សមត្ថកិច្ចបានឲ្យដឹងថា សពជនរងគ្រោះនៅមិនស្គាល់អត្តសញ្ញាណទេ ដោយសពជនរងគ្រោះ ភេទប្រុស មានអាយុប្រមាណជា២០ទៅ៣០ ឆ្នាំពាក់អាវយឺតពណ៌ខៀវដៃខ្លី។

តាមការរៀបរាប់ពីស្ត្រីម្នាក់បានប្រាប់ឲ្យដឹងថា មុនពេលព្រទះឃើញសពបុរសខាងលើ រូបគាត់បានដើរហាត់ប្រាណនៅក្បែរពីទីតាំងកើតហេតុខាងលើ ខណៈនោះក៏មានក្មេងៗ ដែលកំពុងរត់លេងបង្ហោះខ្លែង រត់មកប្រាប់ថា ឃើញសាកសពបុរសម្នាក់ដេកស្លាប់ក្នុងព្រៃស្មៅ មានសភាពហើមស្អុយរលួយ។ បន្ទាប់មករូបគាត់បាននាំគ្នា ចូលទៅមើលក៏ឃើញសាកសពបុរសម្នាក់ដេកស្លាប់មានសភាពហើមស្អុយរលួយដូចក្មេងៗបានប្រាប់ រួចក៏នាំគ្នារាយការណ៍ជូនទៅសមត្ថកិច្ចមូលដ្ឋានភ្លាមៗ។

បន្ទាប់ពីទទួលបានដណឹង សមត្ថកិច្ចសមត្ថកិច្ចមូលដ្ឋានបានចុះមកដល់ ពិនិត្យនិងធ្វើការហ៊ុមព័ទ្ធនៅចំណុចទីតាំងកើតហេតុខាងលើ ដើម្បីធ្វើកោសលវិច័យ ដើម្បីឲ្យដឹងថាករណីអ្វីឲ្យពិតប្រាកដ និងធ្វើការស្រាវជ្រាវរកសាច់ញាតិ ដើម្បីមកទទួលយកទៅធ្វើបុណ្យតាមប្រពៃណី៕

អត្ថបទ ៖ សុខុម