ព័ត៌មានជាតិ
តើ«សញ្ញាបត្របណ្ឌិត»មានប៉ុន្មានប្រភេទ ហើយមានលក្ខណៈខុសគ្នាយ៉ាងដូចម្ដេច?
វចនានុក្រមសម្ដេចព្រះសង្ឃរាជ ជួន ណាត បានកំណត់ពាក្យ «បណ្ឌិត» គឺមានន័យថា ជនមានប្រាជ្ញា ឬ អ្នកប្រាជ្ញ ដែលជាអ្នកមានចំណេះដឹងជ្រៅជ្រះ ខ្ពង់ខ្ពស់ និងមានសមត្ថភាពពិតប្រាកដ។ អនុក្រឹត្យ ស្ដីពីការបណ្ដុះបណ្ដាលថ្នាក់បណ្ឌិត បានឲ្យដឹងថា នៅប្រទេសកម្ពុជា សញ្ញាបត្របណ្ឌិតបែងចែកជាបីប្រភេទ គឺ សញ្ញាបត្របណ្ឌិតស្រាវជ្រាវ សញ្ញាបត្របណ្ឌិតវិជ្ជាជីវៈ និងសញ្ញាបត្របណ្ឌិតកិត្តិយស។ តើសញ្ញាបត្រទាំង៣ប្រភេទនេះ មានលក្ខណៈខុសគ្នាយ៉ាងដូចម្ដេច?
១/ សញ្ញាបត្របណ្ឌិតស្រាវជ្រាវ
សញ្ញាបត្របណ្ឌិតស្រាវជ្រាវ គឺជាប្រភេទសញ្ញាបត្រឧត្តមសិក្សាកម្រិតខ្ពស់បំផុត សម្រាប់ការប្រគល់ជូនបុគ្គលណាម្នាក់ ដោយផ្អែកលើការទទួលស្គាល់ស្នាដៃថ្មីទាំងខាងវិធីសាស្ត្រ ស្រាវជ្រាវ និងទាំងខាងលទ្ធផលនៃការស្រាវជ្រាវ ហើយអាចបោះពុម្ពផ្សាយក្នុងទស្សនាវដ្តីវិទ្យាសាស្ត្រ ព្រមទាំងមានការរួមចំណែកក្នុងការសិក្សាស្រាវជ្រាវសម្រាប់ការបង្កើតចំណេះដឹង និងការអនុវត្តថ្មីៗ។
២/ សញ្ញាបត្របណ្ឌិតវិជ្ជាជីវៈ
សញ្ញាបត្របណ្ឌិតវិជ្ជាជីវៈ គឺជាប្រភេទសញ្ញាបត្រឧត្តមសិក្សាកម្រិតខ្ពស់បំផុត សម្រាប់ការប្រគល់ជូនទៅបុគ្គលណាម្នាក់ ដែលបានសិក្សាមុខជំនាញ ដូចជា វេជ្ជសាស្រ្ត ទន្តសាស្ត្រ ឱសថសាស្ត្រ វិស្វកម្ម អប់រំ ធុរកិច្ច និងវិចិត្រសិល្បៈ។ បុគ្គលទទួលសញ្ញាបត្រប្រភេទនេះ ត្រូវបំពេញកិច្ចការជាក់ស្តែងជាចម្បង និងត្រូវចងក្រងចំណេះដឹងដែលបានពីការសិក្សា និង បទពិសោធការងារទៅតាមវិធីសាស្ត្រ។ បុគ្គលទទួលសញ្ញាបត្របណ្ឌិតវិជ្ជាជីវៈ គឺដើម្បីការបង្កើនសមត្ថភាព វិជ្ជាជីវៈផ្ទាល់ខ្លួនឲ្យកាន់តែប្រសើរឡើង។
៣/ សញ្ញាបត្របណ្ឌិតកិត្តិយស
សញ្ញាបត្របណ្ឌិតកិត្តិយស គឺជាសញ្ញាបត្របណ្ឌិតដែលគ្រឹះស្ថានឧត្តមសិក្សាសម្រាប់ប្រគល់ជូនបុគ្គលណាម្នាក់ ដើម្បីទទួលស្គាល់ស្នាដៃឆ្នើមកម្រិតខ្ពស់ ហើយមានអត្ថប្រយោជន៍ដល់សង្គមជាតិ និងប្រជាជន តាមរយៈសមិទ្ធផលការងារ ការសរសេរសៀវភៅ ឬការផ្សព្វផ្សាយការស្រាវជ្រាវ ជាដើម៕
ដោយ៖ ធឿន វ៉ាន់សុង
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង