ព័ត៌មានជាតិ
នៅសល់សាកសព ២ នាក់ មិនស្គាល់អត្តសញ្ញាណសមត្ថកិច្ចកំពុងរង់ចាំលទ្ធផលធ្វើតេស្ដ DNA
នៅសល់សាកសពជនរងគ្រោះចំនួន ២ នាក់ ក្នុងចំណោមអ្នកស្លាប់បាត់បង់ជីវិត ២៦ នាក់ ក្នុងហេតុការណ៍ឆេះកាស៊ីណូ Grand Diamond City និង កាស៊ីណូ Poipet Resort មិនទាន់ស្គាល់អត្តសញ្ញាណនៅឡើយហើយរងចាំលទ្ធផលធ្វើតេស្ដ DNA។
លោក សិទ្ធិ ឡោះ ស្នងការនគរបាលខេត្តបន្ទាយមានជ័យប្រាប់កម្ពុជាថ្មីនៅថ្ងៃទី ៥ ខែមករា ឆ្នាំ ២០២៣ នេះថា សាកសពជនរងគ្រោះចំនួន ៥ នាក់ ដែលមិនស្គាល់អត្តសញ្ញាណសមត្ថកិច្ចបានធ្វើអត្តសណ្ណារួចហើយនៅសល់តែ ២ នាក់ទៀតប៉ុណ្ណោះរង់ចាំលទ្ធផលធ្វើតេស្ដ DNA។
លោក សិទ្ធិ ឡោះថ្លែងថា៖ «នៅសល់ ២ នាក់ទៀតយើងរង់ចាំ DNA ព្រោះសពឆេះសុសអស់នៅសល់តែឆ្អឹង យើងកំពុងធ្វើកោសល្យវិច្ច័យដើម្បីបង្ហាញអត្តសញ្ញាណជនជាតិ និងប្រភេទឈាម និងអ្វីដែលយើងរកឃើញពីផូស៊ីលទៅតាមបច្ចេកទេសវិទ្យាសាស្ត្រ និងវេជ្ជសាស្ត្រ»។
សូមរំឭកថា សោកនាដកម្មអគ្គិភ័យឆាបឆេះអគារកាស៊ីណូ Grand Diamond City និង កាស៊ីណ Poipet Resort បានកើតឡើងកាលពីវេលាម៉ោង ១១៖៤៥នាទីយប់ថ្ងៃទី២៨ ខែធ្នូ ឆ្នាំ២០២២។
ក្រោយពីបិទបញ្ចប់ប្រតិបត្តិការរុករក សាកសពអ្នកស្លាប់ និងអ្នកជាប់គាំងក្នុងហេតុការណ៍អគ្គិភ័យឆេះកាស៊ីណូ មានមនុស្សស្លាប់២៦នាក់ របួសធ្ងន់ស្រាល៥៧នាក់ អាគារ ៣ ខ្នងឆេះខូចខាតទាំងស្រុង។ សមត្ថកិច្ចអះអាងថា អ្នកស្លាប់បាត់បង់ជីវិតទាំង ២៦ នាក់ គ្មានជនជាតិខ្មែរនោះទេ៕
អត្ថបទ៖ ឡេង ដេត
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore