ព័ត៌មានជាតិ
អ្នកនាំពាក្យ៖ ៣ថ្ងៃនៃបុណ្យចូលឆ្នាំចិន គ្មានបញ្ហាអ្វីធំដុំកើតឡើងនៅភ្នំពេញឡើយ
រយៈពេល ៣ថ្ងៃនៃពិធីបុណ្យចូលឆ្នាំប្រពៃណីចិន ចាប់ពីថ្ងៃទី២១ ដល់ថ្ងៃទី២៣ ខែមករា គឺស្ថានភាពជារួមមានភាពល្អប្រសើរ មិនមានអ្វីគួរឲ្យកត់សម្គាល់ឡើយ ខណៈករណីអគ្គិភ័យមានតែ ២ករណីប៉ុណ្ណោះ។ នេះបើតាមការឲ្យដឹងរបស់លោក សាន សុខសីហា អ្នកនាំពាក្យស្នងការដ្ឋាននគរបាលរាជធានីភ្នំពេញ នៅថ្ងៃនេះ។

លោក សាន សុខសីហា បានបញ្ជាក់ប្រាប់«កម្ពុជាថ្មី»ថា ក្នុងអំឡុងពេលនៃពិធីសែនចូលឆ្នាំប្រពៃណីជាតិចិន មានករណីអគ្គិភ័យកើតឡើងចំនួន ២លើក គឺលើកទី១ នៅថ្ងៃទី២២ ក្នុងខណ្ឌពោធិ៍សែនជ័យ និងលើកទី២ នៅថ្ងៃទី២៣ ក្នុងខណ្ឌ សែនសុខ។ ប៉ុន្តែ យ៉ាងណា ករណីអគ្គិភ័យទាំង ២លើកនេះមិនបណ្ដាលឲ្យប៉ះពាល់ដល់អាយុជីវិតទេ គឺខូចខាតតែទ្រព្យសម្បត្តិមួយចំនួនប៉ុណ្ណោះ។ ដោយឡែក ករណីគ្រោះថ្នាក់ចរាចរណ៍ បញ្ហាសន្តិសុខសណ្ដាប់ធ្នាប់សាធារណៈ និងបទល្មើសផ្សេងៗក្នុងរយៈពេល ៣ថ្ងៃនៃពិធីសែនចូលឆ្នាំចិន គឺជារួម មានស្ថានភាពល្អប្រសើរជាងបណ្ដាឆ្នាំមុនៗ។

បើតាមអ្នកនាំពាក្យរូបនេះ ស្ថានភាពល្អប្រសើរទាំងនេះ គឺដោយមានការខិតខំយកចិត្តទុកដាក់ និងក្រោមការបញ្ជាផ្ទាល់របស់លោកឧត្តមសេនីយ៍ឯក ស ថេត អគ្គស្នងការរង និងស្នងការនគរបាលរាជធានីភ្នំពេញ ដែលបានដាក់ចេញផែនការច្បាស់លាស់។ ក្នុងនោះ លោកឧត្តមសេនីយ៍ឯក ស ថេត បានបញ្ជាឲ្យកម្លាំងទាំងអស់ រួមមាន កម្លាំងអន្តរាគមន៍ ការិយាល័យជំនាញ កម្លាំងនគរបាលខណ្ឌ រួមទាំងប៉ុស្ដិ៍នគរបាលរដ្ឋបាលសង្កាត់ ចេញល្បាតតាមគោលដៅទាំងអស់ក្នុងភូមិសាស្ត្ររាជធានីភ្នំពេញ ដើម្បីធ្វើយ៉ាងណាថែរក្សា ការពារសន្តិសុខ សណ្ដាប់ធ្នាប់សាធារណៈ និងបង្ការបទល្មើសផ្សេងៗឲ្យបានទាន់ពេលវេលា៕
ដោយ៖ ធឿន វ៉ាន់សុង
-
ជីវិតកម្សាន្ដ១ សប្តាហ៍ មុន
ប៉ូលិសរកឃើញ ក្បាលនិងឆ្អឹងជំនីរ តារាស្រីហុងកុង នៅក្នុងឆ្នាំងស៊ុប
-
ជីវិតកម្សាន្ដ៦ ថ្ងៃ មុន
រៀមច្បង Anne បង្ហោះរូបជាមួយ Patricia ក្នុងន័យចង់មានផ្ទៃពោះដែរ
-
ជីវិតកម្សាន្ដ១ សប្តាហ៍ មុន
មហាជនរិះគន់ Margie ក្រោយ Bella ក្លាយជាផ្ទាំងស៊ីប ដែលនាងមិនចង់រួមការងារជាមួយ
-
ជីវិតកម្សាន្ដ១ សប្តាហ៍ មុន
Bella ត្រូវមនុស្សទូទាំងប្រទេសថៃកោតសរសើរ ក្រោយនិយាយប្រយោគមួយឃ្លា
-
ជីវិតកម្សាន្ដ១ សប្តាហ៍ មុន
រូបរាងរបស់ Janie កំពុងរងការរិះគន់ថា ដូចមនុស្សទាស់សរសៃ
-
ជីវិតកម្សាន្ដ១ សប្តាហ៍ មុន
តារាប្រុសម្នាក់ ធ្វើអត្តឃាតសម្លាប់ខ្លួនទាំងវ័យក្មេង ដោយសារជំងឺផ្លូវចិត្តធ្ងន់ធ្ងរ
-
ជីវិតកម្សាន្ដ៦ ថ្ងៃ មុន
ទម្លាយទ្រព្យសម្បត្តិរបស់ Janie ដែលខំរកដោយដៃឯង
-
ជីវិតកម្សាន្ដ៦ ថ្ងៃ មុន
ផ្ទុះកាន់តែធំ! មនុស្សម្នាក់ព្រមាន Bella កុំសេពគប់ជាមួយក្រុមតារាស្រីស្អាត