ព័ត៌មានជាតិ
កសិករធ្វើស្រែប្រាំងឆ្នាំនេះទទួលផលបានល្អជាងឆ្នាំមុនតម្លៃក៏ខ្ពស់ដែរ
ប្រជាកសិករធ្វើស្រូវប្រាំងប្រមាណ ១០ភូមិ ក្នុងឃុំទន្លេបិទ ខេត្តត្បូងឃ្មុំបានងាកមកដាំពូជស្រូវ៥១ វិញម្តងព្រោះវាឲ្យផលល្អ អង្កទន់ឆ្ងាញ់ ដែលប្រជាពលរដ្ឋនិយមទទួលទានជាអាហារនាពេលបច្ចុប្បន្ននេះ។
ការប្រមូលផលស្រូវនៅលើផ្ទៃដីជាង ២០០ ហិកតា បងប្អូនកសិករធ្វើបានពីរដងក្នុងមួយឆ្នាំ។ ឆ្នាំនេះស្រូវក្រហមពេញស្រែ កសិករត្រៀមចាប់ប្រមូល ប្រកបដោយភាពសប្បាយរីករាយ ស្របពេលដែលស្រូវកំពុងមានតម្លៃនៅលើទីផ្សារផងនោះ។ ឆ្នាំនេះស្រូវឲ្យផលល្អជាងឆ្នាំទៅ ហើយជីក៏ចុះតម្លៃ សាំងចុះតម្លៃបន្តិចផងដែរ។
លោក ភិន ឈុន មេឃុំទន្លេបិទបានបញ្ជាក់ឲ្យដឹងថា បងប្អូនកសិករនៅក្នុងឃុំទន្លេបិទ មានចំនួន១០ភូមិរួមមានៈ ភូមិទួលគរ ភូមិទួលខ្សាច់ ភូមិព្រែកជីក ភូមិដូនម៉ៅក្រោម ភូមិដូនម៉ៅលើ ភូមិទន្លេបិទ ភូមិយាយស ភូមិអន្លង់ពោង ភូមិជ្រោយស្រឡៅ និងភូមិអំពិលជ្រុំ។
នៅលើផ្ទៃដីទំហំជាង ២០០ ហិកតា ដោយកសិករយើងដាំ១ឆ្នាំ២ដង ព្រោះឃុំទន្លេបិទយើងបានកសាងទំនប់បង្ហៀរទឹកទប់ទឹកសម្រាប់ស្រោចស្រពទឹកដល់កសិករយើងក្នុងដាំដុះស្រូវប្រាំងឆ្នាំនេះ ក្នុងក្តីរំពឹងប្រមូលផលបានចំនួន ១ ៤០០តោននោះទេ។
លោក លន់ ជាតិ អាយុ ៥២ឆ្នាំ រស់នៅភូមិព្រែកជីក ឃុំទន្លេបិទ ស្រុក/ខេត្តត្បូងឃ្មុំ បានរៀបរាប់ឲ្យដឹងថា គាត់បានដាំស្រូវជាង១០ឆ្នាំមកហើយ ពីដើមកសិករដាំស្រូវមានស្រូវធ្ងន់រយៈពេល៦ខែទើបប្រមូលផល ហើយស្រូវស្រាលតែ៣ខែទេអាចប្រមូលផលបានហើយ។
បច្ចុប្បន្ននេះ កសិករបោះបង់ការដាំស្រូវធ្ងន់ហើយដោយប្រើពេលយូរមិនចំណេញ ពួកគាត់បាននាំគ្នាមកដាំស្រូវស្រាល ឬស្រូវ៣ខែ ប្រភេទ ពូជស្រូវ៥១ វិញម្តង ព្រោះធនជំងឺ ដើមរឹងមិនងាយដួលផ្តាស់ ផ្លែច្រើន អង្ករមានរសជាតិបាយឆ្ងាញ់ទន់ ផលបានច្រើន ក្នុង១ហិកតា មិនក្រោម ៧ តោននោះទេ ឆ្មាំនេះមានទីផ្សារស្រួលលក់ទៀត ក្នុង១គីឡូតម្លៃ ១០០០រៀល មានឈ្មួញចុះប្រមូលទិញដល់ស្រែតែម្តង។ គាត់មានដីស្រែ២ហិចតាដែរ ធ្វើ២ដងក្នុង១ឆ្នាំ ប្រមូលផលបានចំនួន២៨តោន។
បងប្រុសបានបន្តឲ្យដឹងទៀតថា ឆ្នាំនេះស្រូវឲ្យផលល្អជាងឆ្នាំទៅ ហើយតម្លៃថ្លៃ ជាងឆ្នាំទៅដែរ ខណៈឆ្នាំទៅបានតម្លៃ៨០០រៀល ឆ្នាំនេះបានដល់ ១ ០០០ រៀល។ ឆ្នាំនេះកសិករធ្វើចំណេញគួរសម ព្រោះជីក៏ចុះថ្លៃ១បេតម្លៃ ១៦ ម៉ឺនរៀលឆ្នាំនេះ ខណៈឆ្នាំមុន ២១ ម៉ឺន។
អាចផាត់សោហ៊ុយភ្ជួរដី សាប ព្រោះ ច្រូត នៅចំណេញបានជិត១លានរៀលដែរ កសិករសប្បាយចិត្តណាស់ក្នុងការប្រមូលផល ស្រូវនេះ គ្រួសារមានដីច្រើនហិកតា ចំណេញច្រើន អ្នកមានដីតិចចំណេញតិច៕
អត្ថបទ៖ សាន វិឡែម
-
ព័ត៌មានជាតិ៦ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៦ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៣ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានអន្ដរជាតិ១៧ ម៉ោង ago
កម្ពុជា ជាមេកន្ទ្រាញគ្រងលើអត្រាស្ទុះងើបឡើងវិញនៃវិស័យទេសចរណ៍ខ្ពស់ជាងគេនៅអាស៊ាន
-
ព័ត៌មានជាតិ២០ ម៉ោង ago
មន្ត្រីរាជការ កងកម្លាំងប្រដាប់អាវុធ ពាក់ព័ន្ធការទន្ទ្រានយកដីរដ្ឋ នឹងត្រូវបញ្ចប់តួនាទី
-
ព័ត៌មានជាតិ៧ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៧ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច១ សប្តាហ៍ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ