ព័ត៌មានជាតិ
តើរដ្ឋមន្ត្រីប្រតិភូអមនាយករដ្ឋមន្ត្រី និងប្រតិភូរាជរដ្ឋាភិបាល មានភាពខុសគ្នាយ៉ាងណា?
ច្បាប់ស្ដីពីការរៀបចំ និងការប្រព្រឹត្តទៅនៃគណៈរដ្ឋមន្រ្តី បានកំណត់ថា សមាសភាពនៃរាជរដ្ឋាភិបាលកម្ពុជា គឺរួមមាន នាយករដ្ឋមន្ត្រី ឧបនាយករដ្ឋមន្ត្រី ទេសរដ្ឋមន្ត្រី និងរដ្ឋមន្ត្រី ខណៈរដ្ឋលេខាធិការ និងអនុរដ្ឋលេខាធិការ គឺមិនមែនជាសមាជិកនៃរាជរដ្ឋាភិបាលទេ។ បន្ថែមពីនេះ ស្ថិតក្នុងជួរកិច្ចការរាជរដ្ឋាភិបាល សាធារណជនបានកត់សម្គាល់ឃើញថា ក៏មានមុខតំណែងចំនួនពីរទៀត គឺតំណែងជារដ្ឋមន្ត្រីប្រតិភូអមនាយករដ្ឋមន្ត្រី និងតំណែងជាប្រតិភូរាជរដ្ឋាភិបាល។
តើរដ្ឋមន្ត្រីប្រតិភូអមនាយករដ្ឋមន្ត្រី និងប្រតិភូរាជរដ្ឋាភិបាល សំដៅលើអ្នកណា? ហើយតំណែងទាំងពីរនេះ មានការអនុវត្តតួនាទីយ៉ាងដូចម្ដេច?
ដូចគ្នានឹងមុខតំណែងជារដ្ឋលេខាធិការ និងអនុរដ្ឋលេខាធិការដែរ គឺរដ្ឋមន្ត្រីប្រតិភូអមនាយករដ្ឋមន្ត្រីមិនមែនជាសមាជិករាជរដ្ឋាភិបាលទេ ហើយក៏មិនមែនជាភ្នាក់ងាររដ្ឋបាលអចិន្ត្រៃយ៍ដែរ។ រដ្ឋមន្ត្រីប្រតិភូអមនាយករដ្ឋមន្ត្រីត្រូវបានតែងតាំង ផ្លាស់ប្ដូរ និងបញ្ចប់មុខតំណែងដោយព្រះរាជក្រឹត្យ ហើយត្រូវបំពេញភារកិច្ចតាមការប្រគល់ឲ្យពីនាយករដ្ឋមន្ត្រី។ រដ្ឋមន្ត្រីប្រតិភូអមនាយករដ្ឋមន្ត្រី នឹងអស់តំណែងនៅពេលដែលរាជរដ្ឋាភិបាលចប់អាណត្តិរបស់ខ្លួន។ គិតមកដល់ឆ្នាំ២០២៣ នេះ ដែលជាឆ្នាំចុងក្រោយនៃអាណត្តិទី៦ គឺរាជរដ្ឋាភិបាលកម្ពុជា មានឥស្សរជនកំពុងកាន់តំណែងជារដ្ឋមន្ត្រីប្រតិភូអមនាយករដ្ឋមន្ត្រីចំនួនលើសពី ៣០រូបហើយ។
ដោយឡែក តំណែងជាប្រតិភូរាជរដ្ឋាភិបាល គឺជាងារកិត្តិយសមួយនៅក្នុងជួររាជរដ្ឋាភិបាលកម្ពុជាដែលព្រះមហាក្សត្រផ្ដល់ឲ្យឥស្សរជនណាមួយ ក្រោយមានសំណើពីនាយករដ្ឋមន្ត្រី។ ងារកិត្តិយសជាប្រតិភូរាជរដ្ឋាភិបាលនេះ គឺធ្វើឡើងតាមរយៈព្រះរាជក្រឹត្យ។ ជាក់ស្ដែង ឥស្សរជនដែលទទួលបានការតែងតាំងងារជាប្រតិភូរាជរដ្ឋាភិបាល មានជាអាទិ៍ លោក ផុស សុវណ្ណ ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានព័ត៌មាន និងសោតទស្សន៍ លោក កែវ រតនៈ ប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា លោក គង់ វិបុល ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ លោក គុណ ញឹម ប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានគយ និងរដ្ឋាករកម្ពុជា។
ចំណែក លោក ពុំ សុថា ជាប្រតិភូរាជរដ្ឋាភិបាល ទទួលបន្ទុកជាប្រធានរដ្ឋបាលជលផល និងលោក កែវ អូម៉ាលីស្ស ជាប្រតិភូរាជរដ្ឋាភិបាល ទទួលបន្ទុកជាប្រធានរដ្ឋបាលព្រៃឈើ ខណៈលោក អ៊ុក សមវិទ្យា ជាប្រតិភូរាជរដ្ឋាភិបាល ទទួលបន្ទុកជាអគ្គនាយកបេឡាជាតិសន្តិសុខសង្គម (បសស)។ អគ្គនាយកនៃអគ្គនាយកដ្ឋានចំណុះក្រោមក្រសួងស្ថាប័ននានាមួយចំនួនទៀត ក៏ទទួលបានងារជាប្រតិភូរាជរដ្ឋាភិបាលនេះផងដែរ៕
ដោយ៖ ធឿន វ៉ាន់សុង
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»