ស្លាប់ក្មេងម្នាក់និងរបួស២នាក់ ដោយសារ Roller Coaster រត់ធ្លាក់ផ្លូវនៅឧទ្យានកម្សាន្ត វៀតណាម

កាសែត Tuoi Tre បានចុះផ្សាយថា កុមារម្នាក់បានស្លាប់និង២នាក់ផ្សេងទៀតរងរបួស បន្ទាប់ពី Roller Coaster រត់ធ្លាក់ផ្លូវក្នុងឧទ្យានកម្សាន្តមួយនៅភាគខាងជើងប្រទេសវៀតណាម កាលពីថ្ងៃព្រហស្បតិ៍ម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រភពបាននិយាយថា មនុស្សមួយក្រុមបានជិះ Roller Coaster នៅឧទ្យានកម្សាន្ត Dao Ngoc Xanh (កោះគុជបៃតង) ក្នុងស្រុក Thanh Thuy ខេត្ត Phu Tho នាម៉ោងប្រហែល១២និង៣០នាទីរសៀល។

ប្រភពដដែលបន្តថា “Roller Coaster បានរអិលធ្លាក់ផ្លូវ ដោយគ្រវែងក្មេងបីនាក់ធ្លាក់ចុះមកក្រោម។ ក្មេងម្នាក់ក្នុងចំណោមក្មេងទាំងនោះបានស្លាប់ ខណៈពីរនាក់ទៀតកំពុងសម្រាកព្យាបាលនៅមន្ទីរពេទ្យ។ កុមារម្នាក់រងរបួសបាក់ដៃ ចំណែកម្នាក់ទៀតរបួសខួរក្បាល”។

លោក Duong Quoc Lam អភិបាលស្រុក Thanh Thuy បានប្រាប់ Tuoi Tre កាលពីល្ងាចថ្ងៃព្រហស្បតិ៍ថា “ខ្ញុំកំពុងរង់ចាំរបាយការណ៍លម្អិតនៃឧប្បត្តិហេតុនេះពីអង្គភាពពាក់ព័ន្ធ”។

លោកវរសេនីយ៍ឯក Hoang Viet Son មេប៉ូលិសស្រុក Thanh Thuy បាននិយាយថា មន្រ្តីប៉ូលិសកំពុងស្ថិតនៅកន្លែងកើតហេតុ។ ក្រុមស៊ើបអង្កេតខេត្តនឹងដោះស្រាយករណីនេះ”៕

ប្រែសម្រួលដោយ៖ Vann Vann

ប្រភព៖ Tuoi Tre

ចុចអាន៖ ផលិតស្រោមអនាម័យនិងទឹករំអិលក្លែងក្លាយ ជនជាតិវៀតណាម៥នាក់ត្រូវជាប់ពន្ធនាគារពី៣ទៅ៨ឆ្នាំ