ត្រឹម ៤៨ ម៉ោង​ចុងក្រោយ តុល្យភាព​អ្នក​​ឆ្លង​កូវីដ​​កើន​ឡើង​ដល់ ២៨ នាក់
Connect with us
Helistar Cambodia - Helicopter Charter Services

ព័ត៌មានជាតិ

ត្រឹម ៤៨ ម៉ោង​ចុងក្រោយ តុល្យភាព​អ្នក​​ឆ្លង​កូវីដ​​កើន​ឡើង​ដល់ ២៨ នាក់

Published

on

តុល្យការ​អ្នកឆ្លង​កូវីដ ១៩ កើនឡើង​យ៉ាង​គំហុក ក្នុង​រយៈ​ពេល​ពីរ​ថ្ងៃ​ចុងក្រោយ​នេះ។ ត្រឹម​រយៈ​ពេល​ពីរ​ថ្ងៃ​ចុងក្រោយ របាយការណ៍​របស់​ក្រសួង​សុខាភិបាល មាន​អ្នក​​ឆ្លង​ចំនួន ២៨ នាក់ ភាគ​ច្រើន​ជា​ពលករ​ដែល​វិល​ត្រឡប់​មក​ពី​ប្រទេស​ថៃ​វិញ។

ករណី​ឆ្លង​កាល​ពី​ម្សិលមិញមាន​ចំនួន ១៣ នាក់ ក្នុង​នោះ ០៨ នាក់​ជា​ពលករ​មក​ពី​ថៃ និង ០៥ នាក់​ជា​អ្នក​ដំណើរ​មក​ពី​ក្រៅ។ ដោយ​ឡែក​គិត​ត្រឹង​ម៉ោង ៧ ០០ នាទី​ព្រឹក​នេះ ក្រសួង​ប្រកាស​​មាន​អ្នក​ឆ្លង​​ថ្មី ១៥ នាក់​ទៀត ជា​ពលករ​ត្រឡប់​មក​ពី​ថៃ។

ការ​ផ្ទុះ​​ឆ្លង​យ៉ាង​ធំ​នៅ​ផ្សារ​លក់​គ្រឿង​សមុទ្រ​នៅ​ខេត្ត​សាមុត​សាខន ដែល​នៅ​កៀក​ព្រំដែន​ខ្មែរ បាន​ធ្វើ​ឲ្យ​រដ្ឋាភិបាល​ចាត់​វិធានការ​រឹត​បន្តឹង​ការ​ធ្វើ​ដំណើរ​ចេញ​ចូល​ជាមួយ​ប្រទេស​ថៃ។ រដ្ឋាភិបាល​បាន​ណែនាំ​ឲ្យ​អាជ្ញាធរ​ខេត្ត​ជាប់​ព្រំដែន​ថៃទាំង ០៧ ពង្រឹង​សមត្ថភាព​កន្លែង​​ធ្វើ​ចត្តាឡីស័ក ដោយសារ​បារម្ភ​អាច​មាន​ពលករ​រាប់ម៉ឺន​នាក់​អាច​ជម្លៀស​ចូល​ក្នុង​ប្រទេស​វិញ ស្របពេល​ដែល​រដ្ឋាភិបាល​ថៃ​ក៏​បិទ​ខេត្ត​មួយ​ចំនួន និង​រិតត្បិត​ការ​ធ្វើ​ដំណើរ​។

រដ្ឋាភិបាល​ក៏​បាន​បញ្ជា​ឲ្យ​អាជ្ញាធរ​គ្រប់គ្រង​លំហូរ​ពលករ​​គ្រប់​ច្រក​ចេញ​ចូល​ទាំង​អស់​រួម​ទាំង​​ច្រក​របៀង ដាច់​ខាត​មិន​ឲ្យ​មាន​ការ​លួច​ឆ្លង​ចូលក្នុង​ប្រទេស​ដោយ​គ្មាន​ការ​ត្រួត​ពិនិត្យនោះ​ទេ។ ជាមួយ​គ្នា​នេះ ក៏​ឲ្យ​ផ្អាក​ការ​ដឹក​ជញ្ជូន​ពលករ​ចល័ត​ក្នុង​ប្រទេស​ ដើម្បី​​បង្ការ​ការ​ពង្រាយ​ជំងឺ​ដែលពិបាកគ្រប់គ្រង។

តាមរបាយការណ៍​ចុងក្រោយ​របស់ក្រសួង​សុខាភិបាល មាន​ពលករ​មក​ពី​ថៃ​ចំនួន ៥៦ នាក់ ឆ្លង​កូវីដ ១៩ ក្នុង​នោះ​អ្នក​ជា​សះស្បើយ​ចំនួន ១៧ នាក់ បាន​វិល​ត្រឡប់​ទៅ​ទី​លំនៅ​វិញ៕

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services