ព័ត៌មានជាតិ
ក្រសួងអប់រំ ណែនាំការថែទាំសុខភាពសិស្សនៅពេលអាកាសធាតុក្ដៅខ្លាំង
ក្រសួងអប់រំយុវជននិងកីឡាសូមធ្វើការណែនាំដល់គណៈគ្រប់គ្រងគ្រឹះស្ថានសិក្សាសាធារណៈនិងឯកជនបុគ្គលិកអប់រំ និងអ្នកសិក្សាត្រូវថែរក្សាសុខភាពឱ្យបានល្អនិងបង្ការជំងឺនានានៅពេលអាកាសធាតុក្តៅខ្លាំង។
លោក រស់ សុវាចា អ្នកនាំពាក្យក្រសួងអប់រំ យុវជន និងកីឡាបាន មានប្រសាសន៍នៅរសៀលថ្ងៃទី២៨ ខែមីនានេះថាក្រសួងសូមលើកទឹកចិត្តគណៈគ្រប់គ្រងគ្រឹះស្ថានសិក្សា សិស្សានុសិស្ស និងគ្រប់ភាគីពាក់ព័ន្ធបន្តអនុវត្តតាមសេចក្តីណែនាំស្តីពីការថែរក្សាសុខភាព និងការបង្ការជំងឺនានាដែលបណ្ដាលមកពីអាកាសធាតុក្ដៅខ្លាំងដែលក្រសួងបានណែនាំកន្លងមក។
លោកបានលើកឡើងខ្លឹមសារនៅក្នុងសេចក្តីណែនាំនោះមកបញ្ជាក់ថា អាកាសធាតុមានកំដៅខ្លាំង អាចបង្កហានិភ័យដល់សុខភាពដូចជា ជំងឺបេះដូង ជំងឺសួត រលាកស្បែកឡើងក្រហម និងអាចបង្កជាជំងឺផ្សេងៗដូចជា ជំងឺរាគ ជំងឺកង្វះអាហារូបត្ថម្ភ ឬក៏អាចមានបញ្ហាសុខភាពផ្លូវចិត្តជាដើម។
លោក រស់ សុវាចា មានប្រសាសន៍បន្តទៀតថា ដើម្បីថែរក្សាសុខភាព និងការបង្ការជំងឺនានា ក្រសួងអប់រំ យុវជន និងកីឡា សូមធ្វើការណែនាំដល់គណៈគ្រប់គ្រងគ្រឹះស្ថានសិក្សាសាធារណៈ និងឯកជនបុគ្គលិកអប់រំ និងអ្នកសិក្សា ឱ្យអនុវត្តនូវវិធានការមួយចំនួនដូចជា ត្រូវទទួលទានទឹកដាំពុះ ទឹកបរិសុទ្ធទឹកចម្រុះ ទឹកស្អាតឱ្យបានញឹកញាប់ច្រើនជាងមុន និងកុំរង់ចាំដល់ពេលស្រេកទឹក។ ត្រូវណែនាំសិស្សឱ្យយកទឹកមកពីផ្ទះ រក្សាទឹកទុកសម្រាប់ប្រើប្រាស់ប្រចាំថ្ងៃ និងគ្របឱ្យជិតដើម្បីបង្ការមូសខ្លាពងដាក់ដែលអាចបង្កជំងឺគ្រុនឈាម។ តាមដានព័ត៌មានអំពីអាកាសធាតុ ដើម្បីរៀបចំសកម្មភាពត្រឹមត្រូវ និងត្រូវប្រកាន់ខ្ជាប់នូវក្បួនអនាម័យល្អ ហូបស្អាត ផឹកស្អាត រស់នៅស្អាត ត្រូវប្រើប្រាស់សម្លៀកបំពាក់សមរម្យ រលុង ស្តើង ស្រាល និងមានពណ៌ភ្លឺ ស លឿង បៃតងខ្ចី។ល។
អ្នកនាំពាក្យក្រសួងអប់រំ យុវជន និងកីឡារូបនេះ បានបន្ថែមទៀតថា សិស្សានុសិស្សចៀសវាងធ្វើលំហាត់ប្រាណនៅក្រោមកំដៅថ្ងៃខ្លាំង ត្រូវពាក់មួកការពារ ឬប្រើឆ័ត្រក្នុងអំឡុងពេលធ្វើដំណើរ ត្រូវបើកទ្វារ បង្អួចនៃបន្ទប់រៀន ឱ្យបានស្រឡះល្អ។ ត្រូវចៀសវាងពិសាកាហ្វេ និងគ្រឿងស្រវឹង និងត្រូវណែនាំសិស្សឱ្យលេងក្នុងម្លប់ ឬនៅក្នុងបន្ទប់រៀន នៅពេលចេញលេង ត្រូវបន្តដាំ និងថែរក្សាដើមឈើដែលមានស្រាប់នៅក្នុងបរិវេណគ្រឹះស្ថាន ដើម្បីយកម្លប់ និងកាត់បន្ថយកំដៅ ត្រូវមានទំនាក់ទំនងជាមួយអ្នកពាក់ព័ន្ធក្នុងការផ្គត់ផ្គង់ទឹកម្រាប់ផឹក និងទឹកសម្រាប់ប្រើប្រាស់នៅតាមគ្រឹះស្ថានសិក្សា។
ជាមួយគ្នានេះ ត្រូវអប់រំផ្សព្វផ្សាយវិធានការនេះ ដល់បុគ្គលិកអប់រំ និងអ្នកសិក្សាទាំងអស់ជាបន្ទាន់ ក្នុងករណីមានជំងឺរាតត្បាត ឬហានិភ័យសុខភាព ដែលបណ្ដាលមកពីការឡើងកំដៅ សូមរាយការណ៍ និងស្វែងរកសេវាសុខភាពនៅជិតបំផុត តាមរយៈសមត្ថកិច្ចពាក់ព័ន្ធនៅតាមមូលដ្ឋានរបស់ខ្លួន ឬទំនាក់ទំនងទៅលេខ ១១៥ ដើម្បីដោះស្រាយជាបន្ទាន់៕
អត្ថបទ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍១៣ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore