ត្រៀមខ្លួន!រដូវប្រាំងនេះ នឹងឡើងកម្ដៅដល់៣៩អង្សាសេ

ក្រសួងធនធានទឹក និងឧតុនិយម បានឱ្យដឹងថា នៅរដូវប្រាំងនេះ សីតណ្ហភាពអប្បបរមានៅកម្ពុជា ​នឹងអាចស្ថិតក្នុងរង្វង់ពី១៦-៣៩អង្សាសេ ខណៈដើមរដូវវស្សា អាចនឹងចាប់ផ្ដើមនៅសប្ដាហ៍ទី១ នៃខែឧសភា​។

យោងតាមសេចក្ដីជូនដំណឹងបានឱ្យដឹងថា ផ្អែកតាមការវាយតម្លៃពីអន្តរជាតិ និងតំបន់ បានបង្ហាញឱ្យឃើញថា កម្ពុជា នឹងទទួលឥទ្ឋិពលពីបាតុភូតធម្មជាតិ អែនសូ ។ក្រសួងលើកឡើងថា តាមរយៈការវាយតម្លៃនេះ បាតុភូតធម្មជាតិ ដែលមានឥទ្ឋិពលមកលើអាកាសធាតុកម្ពុជា មាន៖ បាតុភូត La Nina (ត្រជាក់) មាន៥)% និងNeutral ( ចន្លោះភាពក្ដៅ និងត្រជាក់ ) មាន៥០%។ពិនិត្យលើឥទ្ឋិពលនៃបាតុភូតទាំងពីរឃើញថា ស្ថានភាពអាកាសធាតុសម្រាប់រដូវប្រាំង និងដើមរដូវវស្សា ឆ្នាំ២០២១ នឹងអាចមានលក្ខណៈអំណោយផលល្អ។

ជាមួយគ្នានេះ ក្រសួងបញ្ជាក់ថា សីតណ្ហភាព នៅក្នុងខែកុម្ភៈ ដល់ខែមេសា និងដើមខែឧសភា អាចកើនឡើងខ្ពស់បំផុត ក្នុងរង្វង់៣៩អង្សាសេ ខណៈរដូវវស្សាឆ្នាំ២០២១ អាចនឹងចាប់ផ្ដើមនៅសប្ដាហ៍ទី១ នៃខែឧសភា។

យ៉ាងណាក៏ដោយ ក្រសួងធនធានទឹក និងឧតុនិយម បានបានអំពាវនាវឱ្យរក្សា និងប្រើប្រាស់ទឹកដោយសន្សំសំចៃ ជាពិសេសបណ្ដាតំបន់ជនបទដាច់ស្រយាល ដែលនៅឆ្ងាយពីប្រភពទឹក៕