នាវាស្វ័យការពារជើងទឹកជប៉ុន បានចាកចេញពីកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព

នាវា​ស្វ័យ​ការពារ​ជើង​ទឹក​ជប៉ុន​ចំនួន ២ គ្រឿង ធ្វើ​ដំណើរ​ចាកចេញ​ពី​កំពង់ផែ​ស្វយ័ត​ក្រុង​ព្រះសីហនុ ដោយ​សុវត្ថិភាព​ហើយ នៅ​ម៉ោង ១០ ព្រឹក ថ្ងៃ​ទី ២៦ ខែ​មេសា ឆ្នាំ ២០២៣ នេះ បន្ទាប់ពី​នាវា​ដ៏​ទំនើប​ទាំង ២ គ្រឿង​នេះ បាន​ចូល​ចត​រយៈពេល ៣ ថ្ងៃ ចាប់ពី​ថ្ងៃ​ទី ២៤ ដល់ ២៦ ខែ​មេសា ឆ្នាំ ២០២៣ ក្នុង​ដំណើរ​បំពេញបេសកកម្ម​រឹតចំណង​មិត្តភាព និង​ជំនួប​ជាមួយ​មន្ត្រី​ថ្នាក់ដឹកនាំ​ខេត្ត និង​ថ្នាក់ដឹកនាំ​ជាន់ខ្ពស់ នៃ​ព្រះរាជាណាចក្រ​កម្ពុជា ដោយ​ទទួល​បាន​លទ្ធផល​ល្អ​រវាង​ព្រះរាជាណាចក្រ​កម្ពុជា និង​ព្រះរាជាណាចក្រ​ជប៉ុន។

សូម​បញ្ជាក់​ថា នាវា​ស្វ័យ​ការពារ​ជើង​ទឹក​ជប៉ុន​ចំនួន ០២ គ្រឿង បាន​ចូល​សំចត​ចាប់ពី​ថ្ងៃ​ទី​(២៤-២៦ ខែ​មេសា ឆ្នាំ ២០២៣)។

លក្ខណៈ​បច្ចេកទេស​នាវា​នេះ​រួមមាន ៖

១-នាវា​ឈ្មោះ JS URAGA ( MST-463 )

-បណ្ដោយ ១៤១ ម៉ែត្រ

-ទទឹង ២២ ម៉ែត្រ

-ជម្រៅ​ទឹក ៥.៤ ម៉ែត្រ

-ទម្ងន់​ផ្ទុក ៥៦៥០ តោន

-Speed ២២ knots ស្មើ ៤១ គីឡូម៉ែត្រ ក្នុង​មួយ​ម៉ោង

-ចំនួន​នាវិក ២៥០ នាក់ ដឹកនាំ​ដោយ​មេបញ្ជាការ​នាវា លោក​វរនាវីទោ MATSUNAGA Akihi to

២-នាវា​ឈ្មោះ JS AWAJI ( MSO-304 )

-បណ្ដោយ ៦៦.៨ ម៉ែត្រ

-ទទឹង ១១ ម៉ែត្រ

-ជម្រៅ​ទឹក ២.៧ ម៉ែត្រ

-ទម្ងន់​ផ្ទុក ៦៩០ តោន

-Speed ១៤ knots ស្មើ ២៦ គីឡូម៉ែត្រ ក្នុង​មួយ​ម៉ោង

-ចំនួន​នាវិក ១៥០ នាក់ ដឹកនាំ​ដោយ​មេបញ្ជាការ​នាវា លោក​វរនាវីទោ TAGUCHI Takuma ប្រធាន​ប្រតិភូ លោក​វរនាវីឯក NAKAI RIICHI មេបញ្ជាការ​កងពលធំ​ទី ១ បោស​សំអាត​មីន ជា​ប្រធាន​ប្រតិភូ៕

អត្ថបទ ៖ ស៊ុយ ចាន់ធា