ព័ត៌មានជាតិ
ដល់រដូវវស្សា អ្នកភូមិសោបជួលត្រាក់ទ័រភ្ជួរដីធ្វើស្រែមួយហិកតាចំណាយអស់ជិត ២០ ម៉ឺនរៀល
ដើមរដូវវស្សាមកដល់កសិករនៅក្នុងភូមិព្រែករការ ឃុំសោប ស្រុកព្រែកប្រសប់ ខេត្តក្រចេះ ក៏ដូចប្រជាពលរដ្ឋរស់នៅតាមបណ្តាខេត្តផ្សេងទៀត តែងតែនាំគ្នាប្រកបមុខរបរកសិកម្ម។
កសិករឈ្មោះមួង សំអឿន ឋរស់នៅក្នុងភូមិព្រែករការ ឃុំសោប ស្រុកព្រែកប្រសប់បានឲ្យដឹងថា លោកមានដីស្រែជាង ៣ ហិតា សម្រាប់ធ្វើស្រែចំការ។ ជារៀងរាល់ឆ្នាំឲ្យតែដល់រដូវវស្សាលោកតែងតែដាំស្រូវ ពីព្រេាះស្រូវងាយស្រួលដាំដុះជាងដំណាំដទៃទៀត។
ដោយសម័យឥឡូវគេធ្វើស្រែតាមបច្ចេកទេសជឿនលឿន កសិកររូបនេះរៀងរាល់រដូវធ្វើស្រែត្រូវជួលត្រាក់ទ័រមកភ្ជួរដីដើម្បីឲ្យការងារបានលឿន។ ដោយតម្លៃភ្ជួរដីក្នុង ១ ហិតាត្រូវចំណាយអស់ ១៨០ ០០០ រៀល។ ចំណែកសាបដីវិញក្នុង ១ ហិតា ចំណាយអស់ ២៥០ ០០០រៀល។
នៅពេលធ្វើដីរួច ទើបបូមទឹកចេញ រួចយកពូជមកបាចឲ្យសប់ផ្ទៃដី។ ម្យ៉ាងទៀតគេក៏អាចយកពូជទៅត្រាំរហូតឲ្យដុះបន្តិចទើបយកទៅបាចក៏បាន។
កសិករដដែលបញ្ចាក់ថា គេមិនចាំបាច់សាបគ្រប់ពូជរួចយកទៅស្ទូងទេ ព្រេាះចំណាយច្រើន។ ពូជស្រូវអាចយកពីមន្ទីរកសិកម្មខេត្ត ឬអាចទិញពីទីផ្សារក៏បានដែរ ព្រេាះពូជយកមកភាគរយដុះបានល្អ។ ហេតុនេះ ទើបលោកប្រើពូជកសិកម្មរយះពេលដែលបាចតែ ៣ ថ្ងៃគឺដុះហើយពេលដុះសព្វអាចទុករយះពេល ៧ ថ្ងៃយកថ្នាំបាញ់ស្មៅពេលបាញ់រួចទើបបូមទឹកបញ្ចូល។
បើតាមកសិករ មួង សំអឿន ការធ្វើស្រែនៅរដូវវស្សារមិនសូវចំណាយច្រើន ដោយមិនចាំបាច់បូមទឹកដាក់ស្រែគ្រាន់តែបាចជីខ្លះ គឺចំណេញច្រើនជាងធ្វើនៅរដូវប្រាំង។
ចំណែកម្ចាស់ត្រាក់ទ័រឈ្មោះ ហ៊ីន ដែលបើកមុខរបរបើកត្រាក់ទ័រអស់រយះពេល ៥ ឆ្នាំបានឲ្យដឹងថា ក្នុងការប្រកបមុខរបរនេះសំបូរការងារច្រើនជាងគេគឺនៅរដូវវស្សា។ ក្នុងមួយថ្ងៃអាចភ្ជួរដីស្រែបាន ៣ ទៅ ៤ ហិតាតាមទំហំដី និងអាស្រ័យទៅលើដីស្រែរបស់បងប្អូនដែរ។
ក្នុង ១ ថ្ងៃ គេអាចរកចំណូលបានពី ៧០០ ០០០ រៀលទៅ ៩០០ ០០០ រៀល ចំណាយទៅលើប្រេងអស់ ២៥០ ០០០រៀល ទូទាត់ទៅអាចនៅសល់ ៥០០ ០០០ រៀលទៅ ៦០០ ០០០រៀល អាចផ្គត់ផ្គង់គ្រួសារបានស្រួល៕
អត្ថបទ៖ លី រតនា
-
ព័ត៌មានជាតិ២១ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ