ព័ត៌មានជាតិ
សិប្បកម្មស្វាយចន្ទីមួយនៅខេត្តកំពង់ធំ ពង្រីកទីផ្សារនាំចេញផលិតផលសម្រេចទៅកាន់ប្រទេសចំនួន៣ បន្ថែមទៀតនៅក្នុងឆ្នាំ២០២៣
សហគ្រាសសិប្បកម្មស្វាយចន្ទី ជ័យ សំបូរ ទទួលបាននូវការចាប់អារម្មណ៍លើទីផ្សារអន្តរជាតិដែលបាននិងកំពុងចុះកុងត្រាជាមួយក្រុមហ៊ុនចំនួន៣បន្ថែមទៀត សម្រាប់ការនាំចេញនៅឆ្នាំ២០២៣នេះ។
លោកស្រី អ៊ិន ឡៃហួត ម្ចាស់សិប្បកម្មកែច្នៃគ្រាប់ស្វាយចន្ទី ជ័យ សំបូរ ប្រាប់កម្ពុជាថ្មី នៅថ្ងៃទី២៥ ខែឧសភា ឆ្នាំ២០២៣ ថា សិប្បកម្មកែច្នៃគ្រប់ស្វាយចន្ទី ជ័យ សំបូ បានធ្វើការកែច្នៃ និងនាំចេញផលិតផលសម្រេចទៅកាន់ប្រទេសជប៉ុន ដែលជាប្រទេសគោលដៅ ប្រមាណ២ឆ្នាំមកហើយ ដែលក្នុងនោះនៅឆ្នាំ២០២១ មានការនាំចេញ ប្រមាណ៤០តោន និងឆ្នាំ២០២២ មានការនាំចេញប្រមាណ ៣០តោន។ បរិមាណនាំចេញថយចុះ នៅឆ្នាំ២០២២ ព្រោះស្វាយចន្ទីរបស់កសិកចុះកិច្ចកុងត្រាទិញលក់មានបញ្ហាផ្នែកគុណដោយសារអាកាសធាតុ។
លោកស្រីបន្តថា សហគ្រាសសិប្បកម្ម ជ័យ សំបូរ មានកសិករចុះកិច្ចសន្យាផ្គត់ផ្គង់ចំនួនប្រាំបួនក្រុម នៅផ្នែក “អេស៊ីព្រះវិហ៊ា” មានបួនក្រុម និងបន្តសហការជាមួយនឹងផ្នែក “អេស៊ីកំពង់ធំ” បួនក្រុមទៀត។ ទន្ទឹមនេះដែរ នៅក្នុងសិប្បកម្ម ជ័យ សំបូរ យើងមានកសិករគំរូចំនួន៥០គ្រួសារ ដែលបានចុះកិច្ចសន្យា ទិញលក់រួមហើយ។ សម្រាប់ការកុងត្រានៅក្នុងការធ្វើកិច្ចសន្យាជាមួយកសិករនេះគឺយើងមិនទាន់ការទិញពីគាត់ទាំងអស់ពីដៃរបស់គាត់ទេ ព្រោះសិប្បកម្មកែច្នៃនៅខ្វះដើមទុននៅឡើយ ប្រសិនយើងប្រមូលទាំងអស់ពីក្នុងដៃ អាចឈានទៅដល់ចំនួន២០០០ នៃគ្រាប់ស្វាយស្រស់។ ក្នុងឆ្នាំ២០២៣ សិប្បកម្ម ជ័យ សំបូរ បានចុះកុងត្រា ចំនួន៣ក្រុហ៊ុនបន្ថែមទៀត គឺក្រុមហ៊ុន top planning ប្រទេសជប៉ុន, ក្រុមហ៊ុនមកពីប្រទេសកូរ៉េ និងប្រទេសកាណាដា ដែលត្រូវនាំចេញផលិតផលសម្រេចនៅក្នុងឆ្នាំ២០២៣ អាចឈានទៅដល់ ៤០០តោន ទៅ៥០០តោន ស្មើរនឹង១៥០០តោន នៃគ្រាប់ស្វាយចន្ទីស្រស់។
ជាមួយគ្នានេះលោក ( IMHASHI TAKAYUKI ) អ៊ីម៉ាហាស៊ី តាកាយូគី ប្រធានផ្នែកទីផ្សារ លើកឡើងថា បច្ចុប្បន្ននេះ សិប្បកម្ម ជ័យ សំបូរ បានចុះកិច្ចកុងត្រាផ្គត់ផ្គង់ទៅប្រទេសជប៉ុន ដែលក្នុងនោះ តម្រូវឲ្យសិប្បកម្មកែច្នៃ ជ័យ សំបូរ ត្រូវឆ្លងកាត់ការពិនិត្យគុណភាពស្តង់ដា ធានាបាននូវសុខភាពទាំងអ្នកផលិត និងអ្នកបរិភោគ។ លោកបន្តថា នៅប្រទេសកម្ពុជាមានការរីកចម្រើនដែលជាកន្លែងផលិតស្វាយចន្ទីធំ ជាងគេមួយលើពិភពលោក ហើយឥឡូវនេះខាងក្រុមហ៊ុនជប៉ុន មានការចាប់អារម្មណ៍ក្នុងការកែច្នៃគ្រាប់ ស្វាយចន្ទីនៅក្នុងប្រទេស។
លោកបន្តថា ចំពោះផែនការរបស់ក្រុមហ៊ុនគឺមិនសំដៅតែទីផ្សារប្រទេសជប៉ុនទេ អាចទៅកាន់ទីផ្សារប្រទេសចិន ខាងអឺរ៉ុប ខាងអូស្ត្រាលី ជាដើម ប៉ុន្តែដោយសារដំបូងនេះ គឺធ្វើការសាកល្បង ទៅលើទីផ្សារជប៉ុនសិន ហើយយើងក៏ទទួលបានជោគជ័យ រហូតទៅដល់មានផ្សារទំនើបចំនួន ៣០០ កន្លែង ដែលទទួលទិញផលិតផលរបស់យើង ។
ដើម្បីឆ្លើយតបតាមគោលនយោបាយរបស់រាជរដ្ឋាភិបាលកម្ពុជាលើការផលិតនឹងនាំចេញគ្រាប់ស្វាយចន្ទី លោក ជា វ៉ាន់ចាន់ អភិបាលរងខេត្តកំពង់ធំ ទទួលបន្ទុកផ្នែកកសិកម្ម លើកឡើងថា គ្រាប់ស្វាយចន្ទីរបស់កម្ពុជាត្រូវបានរាជរដ្ឋាភិបាលចាត់ទុកជាដំណាំកសិឧស្សាហកម្ម ចំបងដែលត្រូវយកចិត្តទុកដាក់ ដែលក្នុងនោះ នៅក្នុងខេត្តកំពង់ធំ មានផ្ទៃដីដាំដុះប្រមាណជាង១៤ម៉ឺនហិកតា ដែលជាបរិមាណដ៏ច្រើន។
លោកបន្ថែមថា ការសិក្សាបន្ថែមរបស់ក្រុមហ៊ុន Top Planning លើការចែច្នៃកំពុងមានការចាប់អារម្មណ៍ យ៉ាងខ្លាំងចំពោះសំបក ដែលសេសសល់ពីការយកសាច់ស្វាយចន្ទីរួច ក្រុមហ៊ុនបានសិក្សារួចហើយ គឺនឹងបង្កើត ជាការកែច្នៃជាប្រេងឥន្ទនៈល្អ លេខ១ សម្រាប់ប្រើប្រាស់បន្ថែមទៀត៕
អត្ថបទ៖ ឈាង មករា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ