ព័ត៌មានជាតិ

ប្រភពដេប៉ូនៅក្រុងក្រចេះ តម្លៃជីថ្នាំកសិកម្មកំពុងធ្លាក់ថ្លៃ

បានផុស

៣ years មុន

នៅ

ថ្ងៃអាទិត្យ ១៦ កក្កដា ២០២៣

ដោយ

តម្លៃជីថ្នាំកសិកម្មកំពុងធ្លាក់ចុះ ស្របពេលរដូវធ្វើស្រែចម្ការរបស់កសិករបានចាប់ផ្តើម។

ប្រភពដេប៉ូលក់ជីថ្នាំកសិកម្មមួយកន្លែងនៅក្រុងក្រចេះបានឲ្យដឹងថា ជីកសិកម្មកម្រិតលេខមួយបានធ្លាក់ថ្លៃពីមុន ១ បេ (៥០ គីឡូក្រាម) ជាង ២០ ម៉ឺនរៀល បច្ចុប្បន្ននៅជាង ១៧ ម៉ឺនរៀលថោកជាងលើកមុន។ ចំណែកថ្នាំកសិកម្មវិញក៏មានតម្លៃធូរជាងមុនដែរ។

ដេប៉ូនេះមានលក់ជីកសិកម្ម ក៏ដូចជាថ្នាំកម្ចាត់ស្មៅជាច្រើនប្រភេទទៀត។ បើតាមម្ចាស់ដេប៉ូរូបនេះ តម្លៃមិនមានភាពស្ថិតស្ថេរនោះទេ អាចនឹងឡើងថ្លៃវិញនៅពេលខាងមុខ។ ស្រ្តីរូបនេះក៏ណែនាំឲ្យកសិករដែលមានលទ្ធភាពគួរទិញជីថ្នាំកសិកម្មស្តុកទុក ស្របពេលតម្លៃជីថ្នាំកំពុងធ្លាក់ចុះនៅពេលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បន្ថែមពីការលក់ជីថ្នាំកសិកម្ម ស្រ្តីរូបនេះបានឲ្យដឹងថា មុនលក់ថ្នាំទៅដល់កសិករ គាត់ក៏តែងតែពន្យល់ណែនាំពីរបៀបប្រើប្រាស់ កុំឲ្យខាត់បង់លុយកាក់និងពេលវេលាគឺចង់ឲ្យកសិករដែលមកទិញនៅកន្លែងគាត់គឺចំណេញ ហើយគាត់ក៏អាចចំណេញផងដែរ។

ពលរដ្ឋមួយរូបរស់នៅឃុំសោប ស្រុកព្រែកប្រសព្វ ឈ្មោះតឿន ណារ៉ា ដែលបានមកទិញជីនិងថ្នាំកសិកម្មប្រាប់ថា គាត់ទិញយកទៅទុកប្រើប្រាស់ពេលក្រោយ ពីព្រោះគាត់ថារាល់ឆ្នាំនៅពេលដល់រដូវដាក់ជីនិងថ្នាំគឺឡើងថ្លៃ។

ពលរដ្ឋរូបនេះបានទិញជីថ្នាំ ដោយបារម្ភថាថ្ងៃមុខអាចនឹងឡើងថ្លៃជាងនេះ។ បើតាមស្រ្តីរូបនេះឆ្នាំមុនថ្នាំបាញ់ស្មៅមានតម្លៃថ្លៃជាងឆ្នាំនេះ ចឹងបានគាត់ទិញទុកមុន៕

អត្ថបទ៖ លី រតនា

Related Topics:ខេត្តក្រចេះ