ព័ត៌មានជាតិ
មិនមានការបង់ប្រាក់សម្រាប់ភ្ញៀវជាតិចូលទស្សនាតំបន់ «ឧទ្យានជាតិព្រះជ័យវរ្ម័ននរោត្តម ភ្នំគូលែន» ទេ
ការចូលទស្សនាក្នុងឧទ្យានជាតិព្រះជ័យវរ្ម័ននរោត្តម ភ្នំគូលែន មិនមានការបង់ប្រាក់សម្រាប់ភ្ញៀវជាតិនោះទេ ខណៈកន្លងទៅមានបណ្ដាញសារព័ត៌មាន និងបណ្ដាញសង្គម បានផ្សព្វផ្សាយករណីយកលុយថ្លៃផ្លូវពីប្រជាពលរដ្ឋឡើងទៅតំបន់ទេសចរណ៍មួយនេះ។ នេះបើយោងតាមសេចក្ដីជូនដំណឹងរបស់រដ្ឋបាលស្រុកស្វាយលើ បានប្រកាសឲ្យដឹង នៅព្រឹកថ្ងៃទី ០១ ខែសីហា ឆ្នាំ ២០២៣ នេះ។
តាមរយៈសេចក្ដីជូនដំណឹងនេះ រដ្ឋបាលស្រុកស្វាយលើ សូមជម្រាបជូនដល់ប្រជាពលរដ្ឋ ភ្ញៀវជាតិ-អន្តរជាតិ និងសាធារណជន មេត្តាជ្រាបថា ៖ នាពេលថ្មីៗកន្លងទៅនេះ មានការផ្សព្វផ្សាយព័ត៌មានលើបណ្ដាញសារព័ត៌មាន និងបណ្ដាញសង្គម លើករណីមានការយកលុយថ្លៃផ្លូវឡើងទៅឧទ្យានជាតិព្រះជ័យវរ្ម័ន-នរោត្តម ភ្នំគូលែន ពីប្រជាពលរដ្ឋ ដោយរថយន្តធុនធំ តម្លៃ ៥,០០០ រៀល រថយន្តធុនតូច តម្លៃ ៣,០០០ រៀល ម៉ូតូតម្លៃ ១,៥០០ រៀល និងភ្ញៀវបរទេស តម្លៃ ២០ ដុល្លារ ក្នុង ១ នាក់។
សេចក្ដីជូនដំណឹងដដែលបន្តថា ចំពោះក្រុមហ៊ុន នគរគោកធ្លក ខូអិលធីឌី បានទទួលសិទ្ធិវិនិយោគពីរាជរដ្ឋាភិបាលក្នុងតំបន់ឧទ្យានជាតិព្រះជ័យវរ្ម័ន-នរោត្តម ភ្នំគូលែន ចាប់ពីឆ្នាំ ១៩៩៨ រហូតមកដល់បច្ចុប្បន្ន។ ប៉ុន្តែនៅឆ្នាំ ២០១៦ រាជរដ្ឋាភិបាល បានកែសម្រួលការវិនិយោគដោយមិនអនុញ្ញាតឲ្យយកថ្លៃចូលទស្សនាពីភ្ញៀវទេសចរជាតិ (ប្រជាពលរដ្ឋខ្មែរ) ដែលបានចូលទស្សនាក្នុងតំបន់ឧទ្យានជាតិព្រះជ័យវរ្ម័ន-នរោត្តម ភ្នំគូលែននោះទេ ដោយរក្សាយកថ្លៃចូលទស្សនាសម្រាប់ភ្ញៀវជាជនបរទេស ក្នុង ១ នាក់ តម្លៃ ២០ ដុល្លារ (ដុល្លារអាមេរិក) ក្នុង ១ ថ្ងៃ។
ជាមួយនោះ សម្រាប់ប្រជាពលរដ្ឋខ្មែរ ពុំមានការយកថ្លៃចូលទស្សនាក្នុងតំបន់ឧទ្យានជាតិព្រះជ័យវរ្ម័ន-នរោត្តម ភ្នំគូលែន នោះទេ គឺ ក្រុមហ៊ុននគរគោកធ្លក ខូអិលធីឌី យកតែថ្លៃចំណតសម្រាប់រថយន្តដែលចូលទស្សនាតំបន់ឧទ្យានជាតិព្រះជ័យវរ្ម័ន-នរោត្តម ភ្នំគូលែន ដើម្បីរៀបចំសន្តិសុខ សណ្ដាប់ធ្នាប់ និងរបៀបរៀបរយសាធារណៈ រួមទាំងការងារបរិស្ថាន អនាម័យ និងរៀបចំចំណតឲ្យបានល្អប្រសើរ។
ដោយឡែកចំពោះប្រជាពលរដ្ឋរស់នៅក្នុងភូមិសាស្ត្រឃុំខ្នងភ្នំ ស្រុកស្វាយលើ និងប្រជាពលរដ្ឋ ទូទៅដែលធ្វើដំណើរឆ្លងកាត់ គឺ ពុំគិតថ្លៃនោះទេ។
រដ្ឋបាលស្រុកស្វាយលើ ក៏បានអំពាវនាវដល់ប្រជាពលរដ្ឋ ភ្ញៀវជាតិ-អន្តរជាតិ និងសាធារណជន សូមមេត្តាយោគយល់ និងជ្រាបជាព័ត៌មាន៕
អត្ថបទ ៖ ពិសី
អ្នកនាំពាក្យខេត្តកោះកុង ៖ មិនទាន់មានការបង្រ្កាបទីតាំងល្បែងអនឡាញទេ មានតែករណីស្រាវជ្រាវឃាតកម្ម
មន្ត្រីជាន់ខ្ពស់៖ការអប់រំកុមារតូចៗជាមូលដ្ឋានគ្រឹះដ៏សំខាន់សម្រាប់សិស្សទទួលបានការសិក្សាពេញមួយជីវិត
ការដាក់ពាក្យប្រឡងក្របខ័ណ្ឌមន្ត្រីពន្ធនាគារ នឹងចាប់ផ្តើមផ្តល់ពាក្យនៅដើមសប្តាហ៍ក្រោយ
«កក្កដា»ជាខែដ៏ពិសិដ្ឋ មានអត្ថន័យធំធេងចំពោះកម្ពុជា ព្រោះសម្បត្តិបេតិកភណ្ឌជាតិចំនួន៣ បានចុះក្នុងបញ្ជីបេតិកភណ្ឌពិភពលោក
ឥណ្ឌា ផ្តល់អាហារូបករណ៍ដល់និស្សិតកម្ពុជា ៤១ នាក់ ទៅបន្តការសិក្សាថ្នាក់ឧត្តម និងក្រោយឧត្តមសិក្សា នៅប្រទេសឥណ្ឌា
ថៃ បញ្ជូនក្រុមដោះគ្រាប់បែកមកតំបន់មុំ៣ ដើម្បីប្រមូលព័ស្តុតាងថា ជាមីនថ្មីឬសល់ពីសម័យខ្មែរក្រហម
ថៃ នៅតែអះអាងថា ទាហានជាន់មីនលើដីខ្លួនឯង ចុះហេតុអ្វីមកចោទកម្ពុជា?
នគរបាលប្រឆាំងបទល្មើសសេដ្ឋកិច្ចចុះបង្ក្រាបហាងលក់សម្លៀកបំពាក់ H Collection ៣ទីតាំងពាក់ព័ន្ធករណីក្លែងបន្លំម៉ាកយីហោ
ថៃ ស្នើឲ្យកម្ពុជាដោះមីនចាស់ៗ, ចុះហេតុអ្វីថា ទាហានជាន់មីនក្នុងដីថៃ?
រុស្ស៊ី ព្រមានលោកខាងលិចថា ខ្លួននឹងបើកការវាយប្រហារមុន បើចាំបាច់
-
ព័ត៌មានអន្ដរជាតិ៦ ថ្ងៃ agoពលរដ្ឋថៃ នៅជាប់ព្រំដែនមីយ៉ាន់ម៉ា កំពុងត្រៀមខ្លួនសម្រាប់ភាពអាសន្ន
-
ព័ត៌មានអន្ដរជាតិ៤ ថ្ងៃ agoថៃ អះអាងថា ជនកំសាកដែលលួចវាយទាហានកម្ពុជា គឺជាទេសចរ ប៉ុណ្ណោះ
-
បច្ចេកវិទ្យា២ ថ្ងៃ agoOPPO Reno14 Series 5G សម្ពោធផ្លូវការហើយ ជាមួយស្ទីលរចនាបថកន្ទុយទេពមច្ឆា និងមុខងារ AI សំខាន់ៗ
-
ព័ត៌មានជាតិ៥ ថ្ងៃ agoកម្ពុជា រងឥទ្ធិពលពីព្យុះមួយទៀត គឺជាព្យុះទី៥ ឈ្មោះ ណារី (Nari)
-
ព័ត៌មានអន្ដរជាតិ២ ថ្ងៃ agoរដ្ឋមន្ត្រីក្រសួងថាមពលថៃ ប្រាប់ពលរដ្ឋកុំជ្រួលច្របល់ បើសង្គ្រាមផ្ទុះឡើង អ្នកខាតធំគឺខ្លួនឯង
-
ព័ត៌មានជាតិ១ សប្តាហ៍ agoព្យុះទី៣ និងទី៤ អស់ឥទ្ធិពល តែកម្ពុជានៅតែមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់
-
ព័ត៌មានអន្ដរជាតិ៤ ថ្ងៃ ago«នាយករដ្ឋមន្ត្រី៣នាក់ក្នុងពេល៣ថ្ងៃ» ជារឿងដែលមួយពិភពលោក មិនអាចធ្វើបានដូចថៃ
-
សន្តិសុខសង្គម៤ ថ្ងៃ agoអាវុធហត្ថបង្ក្រាបរថយន្ត ១ គ្រឿង លួចដឹកទឹកដោះគោស្រស់ ២៧ កេះ នាំចូលពីថៃ