Connect with us

ព័ត៌មានជាតិ

កសិករខេត្តស្ទឹងត្រែងជោគជ័យរបរដាំល្មើ

បានផុស

នៅ

ដំណាំល្មើរជាប្រភេទដំណាំឈើហូបផ្លែថ្មីមួយមុខទៀត ត្រូវបានកសិករដាំដុះបានផលនាំចេញទៅកាន់ទីផ្សារហើយ ព្រោះកន្លងមកយើងបានគិតថា ដំណាំមួយប្រភេទនេះ មិនអាចដាំបានឃើញតែនៅក្រៅប្រទេស បច្ចុប្បន្នកសិករនៅឃុំកំភុន ស្រុកសេសាន ខេត្តស្ទឹងត្រែងដាំដុះទទួលបានដោយជោគជ័យ។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុខ ឃឿន អ្នកដាំល្មើនៅចម្ការ​ក្រុមហ៊ុនសុភ័គ្រនីកា​នៅឃុំកំភុន​ស្រុកសេសាន​បានបញ្ជាក់ថា៖ដំណាំល្មើពិតជាផ្តល់ផលប្រយោជន៍ក្នុងការលើក​កម្ពស់ជីវភាពរស់នៅ តែការដំដុះទាមទារឱ្យមានការព្យាយាមដាក់ជីស្រោចទឹកហើយពេលវាចេញផ្កាផ្លែ ត្រូវថែទាំតាមបច្ចេកទេសទើបទទួលបានផលល្អ។

លោកថា៖ ការថែទាំនេះពេលចេញផ្កាមកត្រូវបង្កាត់វា ហើយយកក្រដាស់ស្រោបផ្កាវាកុំឱ្យសត្វល្អិតប៊ឺតលម្អង ហើយរយៈ២សប្តាហ៍ យើងប្រលេះផ្លែចេញខ្លះ កុំឱ្យវាចង្អៀត ដើម្បីផលវាបានផ្លែធំ បើទុកឱ្យចង្អៀតមានផ្លែតូច ជាមួយនេះត្រូវច្រកស្បៃ និងយកក្រដាសគ្របកុំឱ្យត្រូវទឹកភ្លៀងនិងដើម្បីការពារសត្វល្អិតនិងដង្កូវមកស៊ីផ្លែវា។

លោក ទំ នីរ៉ូ ប្រធានមន្ទីរកសិកម្មរុក្ខាប្រមាញ់ និងនេសាទខេត្តបានបញ្ជាក់ថា៖ ដំណាំមួយប្រភេទនេះបានជួយលើកកម្ពស់វិស័យកសិកម្មនៅក្នុងខេត្តព្រោះមិននឹកស្មានថាកសិករដាំដុះទទួលផលបានល្អបែបនេះទេ គ្រាន់តែមានបរិមាណតិចតួចនៅឡើយ ហើយមន្ទីរកសិកម្មនិងជំរុញលើកទឹកចិត្តដល់បងប្អូនប្រជាពលរដ្ឋ ជាកសិករទាំងអស់មានការចាប់អារម្មណ៍ក្នុងការដាំដុះដំណាំល្មើនេះ ខាងមន្ទីរនិងផ្តល់នូវគ្រប់មធ្យោបាយ ទៅតាមលទ្ធភាពដែលអាចធ្វើទៅបាន ដូចជាលក្ចណៈបច្ចេកទេសឬការសម្របសម្រួលផ្សេងៗ។

លោកប្រធានមន្ទីរបន្តថា៖ ដំណាំល្មើបច្ចុប្បន្នមានតម្លៃសេដ្ឋកិច្ចទីផ្សារខ្ពស់ជាងទុរេននិងអាចផលិតជាដំណាប់បាន ហើយបើកសិករយើងដាំដុះបានច្រើន និងជួយធ្វើឱ្យគ្រួសារកាន់តែមានជីវភាពធូរធាប្រសើរឡើង។

សូមបញ្ចាក់ថា៖ ខេត្តស្ទឹងត្រែងបន្ទាប់ពីដំណាំទុរេន  មានដំណាំល្មើមួយប្រភេទទៀតដែលពីមុនមកពុំធ្លាប់មានសោះ   ហើយប៉ុន្មានឆ្នាំចុងក្រោយនេះកសិករដាំបានផ្លែ លក់បានតម្លៃខ្ពស់ ក្នុងមួយគឺឡូក្រាម៨ដូល្លា និងមានទីផ្សារស្រួលលក់ជាងទុរេនផងដែរ៕

អត្ថបទ៖ ងិនលីម

Helistar Cambodia - Helicopter Charter Services
Sokimex Investment Group
Sokha Hotels

ព័ត៌មានពេញនិយម