Connect with us

ព័ត៌មានជាតិ

ពលករខ្មែរម្នាក់ស្លាប់ ក្រោយត្រឡប់មកពីប្រទេសថៃបានជាង ១០ ថ្ងៃ

បានផុស

នៅ

ស្ត្រីម្នាក់អាយុ២២ឆ្នាំ មានទីលំនៅភូមិ ស្រះខាងកើត ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ បានស្លាប់កាលពីថ្ងៃទី០២ ខែកុម្ភៈ ឆ្នាំ២០២១ វេលាម៉ោង១១ និង១៥ នាទី។ តាមក​ការ​បញ្ជាក់​របស់​អាជ្ញាធរ ករណីនេះមិនមែនស្លាប់ដោយជំងឺកូវីដ-១៩ទេ។

រដ្ឋបាលខេត្តបន្ទាយមានជ័យបានឲ្យដឹងថា នៅថ្ងៃទី០២ ខែកុម្ភៈ ឆ្នាំ២០២១ វេលាម៉ោង ១១ និង១៥ នាទី មានករណី ស្លាប់ពលករ ដែលបានវិលត្រឡប់ពីប្រទេសថៃ ភេទស្រី អាយុ២២ឆ្នាំ មានទីលំនៅបច្ចុប្បន្នភូមិស្រះខាងកើត ឃុំព្រះនេត្រព្រះ ស្រុកព្រះនេត្រព្រះ ខេត្តបន្ទាយមានជ័យ។ មូលហេតុនៃការស្លាប់ គឺបូសនៅក្នុងខួរក្បាល (Abcá cérébrale)។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពលករខាងលើ និងប្តីបានមកដល់ប្រទេសកម្ពុជា តាមច្រកចំបក់ ស្រុកម៉ាឡៃ នៅថ្ងៃទី២០ ខែមករា ឆ្នាំ ២០២១ និងបានបញ្ជូនមកដល់មណ្ឌលចត្តាឡីស័ក វិទ្យាល័យម៉ាឡៃ នៅវេលាម៉ោង៩ និង៤៥នាទីព្រឹក ដោយ មានអាការៈ តម្លុញ ឈឺក្បាល ក្តៅខ្លួនខ្លាំង (៣៩.៥ អង្សារ) និងមានក្អួតចង្អោរ។

ដោយពិនិត្យឃើញអាការៈធ្ងន់ធ្ងរ ទើបក្រុមគ្រូពេទ្យប្រចាំការ បានបញ្ជូនមកកាន់មន្ទីរពេទ្យបង្អែកម៉ាឡៃសន្តិភាព ដើម្បីធ្វើការពិនិត្យ ព្យាបាល និងតាមដានសភាពជំងឺជាបន្ត។

នៅថ្ងៃទី២៥ ខែមករា ឆ្នាំ២០២១ វេលាម៉ោង ១៦ និង៣០នាទី បន្ទាប់ពីការតាមដាន និងព្យាបាល សភាពអ្នកជំងឺនៅមិនបានធូរស្បើយ ទើបសម្រេចបញ្ជូនមកធ្វើការព្យាបាលបន្តនៅមន្ទីរពេទ្យខេត្តមិត្តភាព កម្ពុជា-ជប៉ុន មង្គលបូរី ។ អ្នកជំងឺបានមកដល់មន្ទីរពេទ្យ នៅវេលាម៉ោង១៨ និង៤០ នាទី នាថ្ងៃខែឆ្នាំដដែល។ ពេលមកដល់មន្ទីពេទ្យ អ្នកជំងឺត្រូវបានបែងចុះពីឡានគិលានសង្គ្រោះបន្ទាប់មកទៀតក្រុមគ្រូពេទ្យ បាន ពិនិត្យ និងសួរប្រវត្តិអ្នកជំងឺឃើញថា អ្នកជំងឺមានប្រវត្តិឈឺក្បាលរយៈពេល២ខែមកហើយ និងមានអាការៈ ឈឺក្បាលកាន់តែខ្លាំង ក្អួត រឹងក និងពិបាកកំរើក ឈឺពោះ វង្វេងស្មារតី។ អ្នកជំងឺ និងប្តី ត្រូវបានយកសំណាក នៅថ្ងៃទី២០ ខែមករា ឆ្នាំ២០២១ លទ្ធផលអវិជ្ជមាន។

ក្នុងរយៈពេលសម្រាកព្យាបាល និងតាមដាន ចាប់ពីថ្ងៃទី២៥ ខែ មករា ឆ្នាំ២០២១ រហូតដល់ថ្ងៃទី០២ ខែកុម្ភៈ ឆ្នាំ២០២១ ក្រុមគ្រូពេទ្យបានពិនិត្យ និងព្យាបាល តាមលក្ខណៈបច្ចេកទេស ដោយយកចិត្តទុកដាក់បំផុត និងមានកិច្ចសហការផ្តល់ការគាំទ្របច្ចេកទេសពីលោកវេជ្ជបណ្ឌិត សាស្ត្រាចារ្យថ្នាក់ជាតិ ដែលមកប្រចាំការនៅភូមិភាគបាត់ដំបង។

ដោយសភាពរបស់អ្នកជំងឺវិវត្តន៍កាន់តែធ្ងន់ធ្ងរទៅជាលំដាប់ ទោះបីជាក្រុមគ្រូពេទ្យខិតខំសង្គ្រោះយ៉ាងណាក៏ដោយ ក៏នៅតែមិនអាចជួយសង្គ្រោះគាត់បានឡើយ ហើយក៏បានទទួលមរណភាព នៅថ្ងៃទី០២ ខែកុម្ភៈ ឆ្នាំ២០២១ វេលាម៉ោង១១ និង១៥នាទី ដោយមូលហេតុបូសក្នុងខួរក្បាល (Accéebrae)។

រដ្ឋបាលខេត្តបញ្ជាក់ដែរថា ករណីស្ត្រីដែលទទួលមរណភាពខាងលើ មិនមែនស្លាប់ ដោយសារជំងឺកូវីដ១-៩ទេ។ ជាមួយគ្នានោះ រដ្ឋបាលបានសម្តែងនូវការសោកស្តាយ និងចូលរួមរំលែកទុក្ខដ៏ក្រៀមក្រំជាមួយក្រុមគ្រួសារ នៃសពផងដែរ៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៨ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៩ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ១២ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ១២ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៥ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម