ព័ត៌មានជាតិ
អាជ្ញាធរត្រៀមរកទួលសុវត្ថិភាពឱ្យពលរដ្ឋ ខណៈជំនន់ទឹកស្ទឹងសែនដល់កម្រិតប្រកាសឱ្យប្រុងប្រយ័ត្ន
ជំនន់ទឹកស្ទឹងសែននៅតែបន្តជន់ឡើង ឈានដល់កម្រិតប្រកាសឲ្យមានការប្រុងប្រយ័ត្ន ជាពិសេសប្រជាពលរដ្ឋដែលមានទីលំនៅរស់នៅតាមបណ្តាដងស្ទឹងសែន ចាប់ពីស្រុកដល់ស្រុកកំពង់ស្វាយ។
តាមរបាយការណ៍ស្ថានភាពទឹកស្ទឹងសែន របស់មន្ទីរធនធានទឹក និងឧតុនិយមខេត្តកំពង់ធំ នៅថ្ងៃទី១៩ ខែកញ្ញា ឆ្នាំ២០២៣ បញ្ជាក់ថា កំពស់ទឹកស្ទឹងសែន នៅស្ថានីយ៍ចំនួន២ កន្លែង គឺស្ថានីយ៍កំពង់ធំ នៅថ្ងៃនេះ មានកំពស់១៣.៥០ម៉ែត្រ កើនឡើង ០.០៤ម៉ែត្រ ធៀបពីម្សិលមិញ និងស្ថានីយ៍សណ្តាន់ មានកំពស់ទឹក ១៩.២៤ម៉ែត្រ កើនឡើង០.១២ម៉ែត្រ ធៀបពីម្សិលមិញ ដែលលើសកំពស់ប្រកាសឲ្យមានការប្រុងប្រយ័ត្ន ០.៧៦ម៉ែត្រ។ ស្ថានភាពទឹកនៅបច្ចុប្បន្ននេះ កំពុងហូរចូលទៅកាន់ព្រែក អូរ បឹងបួរ និងតំបន់ខ្ពង់រាប ក្នុងភូមិសាស្រ្តខេត្ត។
ករណីដែលទឹកតែបន្តជន់ឡើង តំបន់មួយចំនួន នឹងត្រូវលិចលង់ ដែលអាចបង្ករគ្រោះថ្នាក់ ដល់ក្មេងតូចៗ និងសត្វពាហនៈផ្សេងៗផងដែរ។
ចំណុចដែលគួរឲ្យប្រុងប្រយ័ត្ន គឺប្រជាពលរដ្ឋដែលរសនៅតាមដងស្ទឹងសែន ជាតំបន់ងាយរងគ្រោះមេត្តាបង្កើនការប្រុងប្រយ័ត្នខ្ពស់ ដោយត្រៀមនូវសម្ភារសំខាន់ៗ (ឱសថ និងសម្ភារសង្គ្រោះបឋម សម្ភារប្រើប្រាស់ប្រចាំថ្ងៃ ស្បៀង អាហារ…) មធ្យោបាយធ្វើដំណើររកទីទួលសុវត្ថិភាពដែលនៅជិតបំផុត និងរាយការណ៍ទៅកាន់អាជ្ញាធរ ជាបន្ទាន់ ក្នុងករណីមានការលិចលង់ណាមួយកើតឡើង។
ទន្ទឹមជាមួយគ្នានេះផងដែរ អាជ្ញាធរមូលដ្ឋាន និងអង្គភាពពាក់ព័ន្ធ គ្រប់លំដាប់ថ្នាក់ ត្រូវយកចិត្តទុកដាក់ ត្រៀមផែនការអន្តរាគមន៍ ត្រៀមទីទួលសុវត្ថិភាពឲ្យបានសមរម្យក្នុងការជម្លៀសប្រជាពលរដ្ឋរងគ្រោះ និងត្រូវផ្សព្វផ្សាយ ណែនាំឲ្យប្រជាពលរដ្ឋយកចិត្តទុកដាក់លើអនាម័យ ដើម្បីជៀសវាងជំងឺឆ្លងផ្សេងៗ៕
អត្ថបទ៖ ឈាង មករា
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២១ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង