ព័ត៌មានជាតិ
អាមេរិកសម្រេចផ្ដល់ជំនួយថវិកាដល់កម្ពុជាឡើងវិញនូវទឹកប្រាក់ ១៨ លានដុល្លារ បន្ទាប់ពីផ្អាកកន្លងមក
សហរដ្ឋអាមេរិកបានសម្រេចផ្ដល់ជូនឡើងវិញនូវជំនួយក្នុងទំហំទឹកប្រាក់ ១៨ លានដុល្លារ តាមរយៈទីភ្នាក់ងារអាមេរិកសម្រាប់ការអភិវឌ្ឍអន្តរជាតិ ដែលសហរដ្ឋអាមរិកបានផ្អាកកន្លងមក។
ការសម្រេចនេះគឺបានធ្វើឡើងនៅក្នុងជំនូបរវាងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកស្រី វ៉ិចតូរីយ៉ា នូលែន អនុរដ្ឋមន្ត្រីការបរទេសស្តីទីអាមេរិកនៅថ្ងៃទី ២២ ខែកញ្ញា ឆ្នាំ ២០២៣។
ក្នុងឱកាសចូលរួមប្រជុំនៅមហាសន្និបាតអង្គការសហប្រជាជាតិលើកទី ៧៨ នៅទីក្រុងញូយ៉ក សហរដ្ឋអាមេរិកសម្តេចមហាបវរធិបតី ហ៊ុន ម៉ាណែតបានទទួលជួបលោកស្រី វ៉ិចតូរីយ៉ា នូលែន អនុរដ្ឋមន្ត្រីការបរទេសស្តីទីអាមេរិក។
លោកស្រី វ៉ិចតូរីយ៉ា នូលែន បានសម្ដែងនូវការស្វាគមយ៉ាងកក់ក្ដៅចំពោះសម្ដេចធិបតីដែលបានអញ្ជើញទៅទីក្រុងញូវយ៉ក ដើម្បីចូលរួមកិច្ចប្រជុំទូទៅ នៃមហាសន្និបាតអង្គការសហប្រជាជាតិលើកទី ៧៨ និងបានអបអរសម្ដេចជានាយករដ្ឋមន្ត្រីនិតិកាលទី ៧។
លោកស្រីបន្តថា សហរដ្ឋអាមេរិកស្វាគមឱកាសដើម្បីពង្រីកកិច្ចសហប្រតិបត្តិការរវាងប្រទេសទាំងពីរតាមរយៈការធ្វើការជិតស្និតជាមួយសម្ដេចធិបតី និងចង់ឃើញកម្ពុជាទទួលបានជោគជ័យ។
កិច្ចពិភាក្សាបានផ្ដោតលើការរិះរកវិធី និងមធ្យោបាយសម្រាប់ពង្រឹងទំនាក់ទំនង កិច្ចសហប្រតិបត្តិការទ្វេភាគីឱ្យឈានឡើងមួយកម្រិតទៀត។
លោកស្រី វ៉ិចតូរីយ៉ា នូលែន បានលើកឡើងថា៖ «សហរដ្ឋអាមេរិកបានសម្រេចផ្ដល់ជូនឡើងវិញនូវជំនួយក្នុងទំហំទឹកប្រាក់ ១៨ លានដុល្លារ តាមរយៈទីភ្នាក់ងារអាមេរិកសម្រាប់ការអភិវឌ្ឍអន្តរជាតិ ដែលសហរដ្ឋអាមេរិកបានផ្អាក ក្រោយការបោះឆ្នោតជ្រើសតាំងតំណាងរាស្ត្រនិតិកាលទី ៧ ឆ្នាំ ២០២៣»។
ភាគីទាំងពីរក៏បានពិភាក្សាពាក់ព័ន្ធនឹងការធ្វើមាតុភូមិនិវត្តន៍ពលរដ្ឋខ្មែរដោយលោកស្រីបានស្នើឱ្យពន្លឿននិតិវិធីទទួលយកពលរដ្ឋខ្មែរទាំងនោះ។
ជាការឆ្លើយតបសម្ដេចធិបតី បានបញ្ជាក់ថា ក្រសួង-ស្ថាប័នកម្ពុជា នឹងពិនិត្យកែសម្រួលនិតិវិធីឱ្យដំណើរការដោយរលូនឆាប់រហ័ស ខណៈសម្ដេចក៏ស្នើឱ្យអាមេរិកយកចិត្តទុកដាក់ចំពោះសុខភាពពលដ្ឋខ្មែរដែលត្រូវធ្វើមាតុភូមិនិវត្តន៍៕
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង