រដ្ឋបាលក្រុងបាវិត រៀបចំសិក្ខាសាលាសមាហរណកម្មកម្ម​វិធីវិនិយោគបីឆ្នាំរំកិល ២០២៤-២០២៦

លោក សេង សីលា  អភិបាលរងខេត្តស្វាយរៀង តំណាងអភិបាលខេត្ត បានអញ្ជើញជាអធិបតីនៅក្នុងអង្គ​សិក្ខាសាលសិក្ខាសាលាសមាហរណកម្ម កម្មវិធីវិនិយោគបីឆ្នាំរំកិល (២០២៤-២០២៦) ដែលពិធីនេះ​បានប្រព្រឹត្តទៅនៅសាលាក្រុងបាវិតខេត្តស្វាយរៀង នៅថ្ងៃទី៦ ខែតុលា ឆ្នាំ២០២៣។

នៅក្នុងឱកាសនោះលោក សេង សីលា អភិបាលរងខេត្តបានមានប្រសាសន៍ថា សិក្ខាសាលាសមាហរណកម្ម កម្មវិធីវិនិយោគបីឆ្នាំរំកិលក្រុងនិងសង្កាត់ នៅថ្នាក់ក្រុងនាពេលនេះគឺជាការរៀបចំឡើង ដើម្បីឲ្យគម្រោង​សកម្មភាព​ជាអាទិភាពស្នើឡើងដោយសង្កាត់មានភាពស៊ីចង្វាក់ប្រទាក់ក្រឡាគ្នាទៅនឹងគោលនយោបាយយុទ្ធសាស្ត្រ និងសកម្មភាពនានារបស់បណ្ដាមន្ទីរអង្គភាពជំនាញនិងអង្គការមិនមែនរដ្ឋាភិបាលជាតិ អន្តរជាតិតាមរយៈ​ការវិភាគ និងចចារ​រវាងមន្ទីរអង្គភាពនិងអង្គការនានាជាមួយក្រុង សង្កាត់ដែលមានការទាក់​ទងគ្នាដើម្បី​ប្រមូលផ្ដុំធន​ធានសម្រាប់​គាំទ្រកិច្ចអភិវឌ្ឍន៍មូលដ្ឋានដោយប្រើប្រាស់សក្កានុពលនិងធនធានចាំបាច់ទាំងឡាយពីគ្រប់មជ្ឈដ្ឋានឲ្យបានកាន់តែប្រសើរឡើងដែលមានកិច្ចសហប្រតិបត្តិការល្អដើម្បីសម្រេចទិសដៅរួមប្រកបដោយប្រសិទ្ធភាពជាជាងការធ្វើសកម្មភាពតែឯងឯង។ ក្រុមប្រឹក្សាសង្កាត់ត្រូវលើកសំណួរចំពោះមន្ទីរអង្គភាពនិងអង្គការពាក់ព័ន្ធដែលបានគាំទ្រហើយមិនទាន់បានអនុវត្តឬក៏អនុវត្តបន្ទាន់ចប់កិច្ចព្រមព្រៀងឆ្នាំកន្លងមក។

លោកអភិបាលរងខេត្ត បានសង្កត់ធ្ងន់ថា ចំពោះមន្ទីរអង្គភាពជំនាញគឺជាការជួយកំណត់ឲ្យបានថា តើកន្លែងណា​ដែលអាចអនុវត្តសកម្មភាពអភិវឌ្ឍន៍មូលដ្ឋានស្របតាមអទិភាពជាតិ និងខេត្តទៅខ្លួនមាន​ត្រូវតែឆ្លើយបំភ្លឺជូន​សង្កាត់ពាក់ព័ន្ធ និងអង្គសិក្ខាសាលានៅមូលហេតុទាំងឡាយដែលបានគាំទ្ររួចហើយ ប៉ុន្តែមិនបានអនុវត្ត​ឬមិនទាន់បានអនុវត្តក្នុងកិច្ចព្រមព្រៀងនាឆ្នាំកន្លងទៅ។ ចំពោះអង្គការជាតិអន្តរជាតិអាចស្វែងយល់ពីគោល​នយោបាយយុទ្ធសាស្ត្រ​សកម្មភាពរបស់មន្ទីរអង្គភាពនានា និងគាំទ្រគម្រោងអាទិភាពដែលសង្កាត់បានស្នើឡើងធ្វើ​ធានាបាននូវភាពស៊ីសង្វាក់រវាងសកម្មភាពនៅកម្មវិធីរបស់ខ្លួន៕

អត្ថបទ ៖ ភក្ដី