ព័ត៌មានជាតិ

ស្រួង ភាវី អះអាង រាល់សកម្មភាពជួយជាតិនិងប្រជាជន កើតចេញពីបេះដូងក្នុងនាមជាខ្មែរ

បានផុស

១ year មុន

នៅ

ថ្ងៃអង្គារ ១៧ តុលា ២០២៣

ដោយ

កីឡាការិនី ស្រួង ភាវី ដែលត្រូវបានគេស្គាល់ថាជាកីឡាការិនីស្នូកឃ័រដើមកំណើតខ្មែរមួយរូបដែលមានឈ្មោះបោះសំឡេងទាំងក្នុង និងក្រៅប្រទេសបានអះអាងថា រាល់សកម្មភាពដែលនាងបានធ្វើ និងលះបង់នាពេលកន្លងមក គឺនាងធ្វើដើម្បីប្រទេសជាតិ និងប្រជាជន ដែលកើតចេញពីបេះដូងក្នុងនាមជាកូនខ្មែរមួយរូប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាង ស្រួង ភាវី បានលើកឡើងបែបនេះ បន្ទាប់ពីនាងទទួលបានគ្រឿងឥស្សរិយយសសម្ដេចព្រះមហាក្សត្រិយានី ព្រះស៊ីសុវត្ថិ មុនីវង្ស កុសុមៈនារីរ័ត្ន ថ្នាក់មហាសេរីវឌ្ឍន៍ពីព្រះមហាក្សត្រនៃព្រះរាជាណាចក្រកម្ពុជា។

អ្នកនាង ស្រួង ភាវី សង្កត់ធ្ងន់ដែរថា «តាមពិតទៅការទទួលបាននូវគ្រឿងឥស្សរិយយសក្ដី មេដាយក្ដី ពានក្ដី មិនមែនជាអ្វីដែលខ្ញុំប្រាថ្នាចង់បាននោះទេ។ អ្វីៗដែលខ្ញុំធ្វើគឺគ្រាន់តែដើម្បីជាតិ និងប្រជាជនដែលកើតចេញពីបេះដូងក្នុងនាមជាកូនខ្មែរមួយរូបបានកើតលើទឹកដីសុវណ្ណភូមិដ៏ល្អមួយនេះ»។

បន្ថែមពីនេះកីឡាការិនី ស្នូកឃ័រ រូបនេះអះអាងបន្តថា «ខ្ញុំធ្វើតាមសុឆន្ទៈ ខ្ញុំធ្វើតាមបេះដូង ខ្ញុំធ្វើតាមមនសិការ ព្រោះអ្វីៗទាំងអស់នេះគឺជាការងារចាំបាច់របស់ខ្ញុំក្នុងជីវិតនេះ»។

គួរជម្រាបថា នាពេលកន្លងមក ស្រួង ភាវី តែងតែបញ្ចេញសកម្មភាពសប្បុរសធម៌ជួយដល់កុមារ ក្មេងកំព្រា ចាស់ជរា និងជនក្រីក្រ នៅក្នុងប្រទេសកម្ពុជា ដែលត្រូវការជំនួយ និងកំពុងត្រូវការស្វែងអនាគតផងដែរ៕