ព័ត៌មានជាតិ

ខោអាវដេររយលក់ក្នុងតម្លៃថោក មានអ្នកទិញច្រើនដោយសារតែក្រណាត់ល្អ

បានផុស

៥ years មុន

នៅ

ថ្ងៃសៅរ៍ ៦ កុម្ភៈ ២០២១

ដោយ

ភ្នំពេញ ៖ ស្ត្រី វ៉ាន់ នី ជាអាជីវករលក់ខោ អាវ ដេ រយបាននិយាយថា រាល់ថ្ងៃបងស្រីទទួលបានកម្រៃច្រើនក្នុងការលក់ខោ អាវដេ រយ ព្រោះមានតម្លៃថោកដែលមានអតិថិជនច្រើនបានមកទិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី វ៉ាន់ នី ដែលកំពុងលក់ខោ អាវ ឲ្យម៉ូយបាននិយាយថា រាល់ថ្ងៃនេះមុខរបរលក់ខោ អាវដេររយនេះបានកាក់កបដោយក្នុងមួយថ្ងៃបងស្រីអាចរកប្រាក់ចំណេញបានមិនក្រោម២០ម៉ឺនរៀលនោះទេ។ ខោអាវ ដែលបងស្រីលក់គឺក្នុងមួយកំប្លេរថ្លៃ៣០០០០រៀល។ ហើយតម្លៃ៣០០០០រៀលនេះបងស្រីអាចចំណេញបានមិនក្រោម៥០០០រៀល។

បង វ៉ាន់ នី បន្តមុនថ្ងៃបុណ្យចូលឆ្នាំប្រពៃណីចិន វៀតណាម ខាងមុខនេះគឺខោ អាវ ដែលបងស្រីលក់គឺមានជនជាតិចិន វៀតណាម រួមទាំងខ្មែរយើងផងមកទិញយកទៅស្លៀកព្រោះមានតម្លៃថោកខណៈខោ អាវនៅហាងមិនក្រោម៥០ដុល្លារក្នុងមួយកំប្លេរ។ ចំណែកក្រណាត់វិញខោ អាវដេរយក៏ក្រណាត់ល្អមិនចាញ់ក្រណាត់ក្នុងហាងផងដែរ។

បងស្រីបញ្ជាក់ថា ខោអាវដេររយនិងចុះតម្លៃថោកជាងនេះបន្ថែមទៀតដើម្បីឲ្យអតិថិជនលោកមានលទ្ធភាពទិញយកទៅស្លៀកពាក់។ចំពោះទីតាំងដែលបងស្រីលក់ គឺស្ថិតនៅមុខផ្សារច្បារអំពៅក្នុងភូមិកណ្តាលសង្កាត់ច្បារអំពៅទី២ ខណ្ឌច្បារអំពៅ រាជធានីភ្នំពេញ៕

ដោយ ៖ នរា