Connect with us

ព័ត៌មានជាតិ

ក្រសួងកសិកម្ម ជ្រើសរើសមន្ត្រីកសិកម្មឃុំ ២៥០ នាក់ សម្រាប់ប្រភេទក្របខណ្ឌ ក.ខ.គ

បានផុស

នៅ

ក្រសួង​កសិកម្ម​ រុក្ខា​ប្រមាញ់ និង​នេសាទ​ នឹង​មាន​ការ​ប្រឡង​ជ្រើសរើស​មន្ត្រី​កសិកម្ម​ឃុំ​ប្រមាណ​ជា​ ២៥០​នាក់​ សម្រាប់​ប្រភេទ​ក្របខណ្ឌ ក.ខ.គ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោង​តាម​សេចក្ដី​ជូន​ដំណឹង​របស់​ក្រសួង​មុខ​ងារ​សាធារណៈ ចំពោះ​សាធារណជន និង​យុវជន ដែល​មាន​ជំនាញ ឯកទេស​ផ្នែក​កសិកម្ម ​ដោយ​គិត​​ចាប់​ពី​វិញ្ញាបនបត្រ បរិញ្ញាបត្ររង បរិញ្ញាបត្រ ឬ​សញ្ញាប័ត្រ​សមមូល ​អាច​​ដាក់​ពាក្យ​​ប្រឡង​ប្រជែង​បម្រើ​ការងារ​នៅ​ក្នុង​ក្របខណ្ឌ​ក្រសួង​កសិកម្ម​ រុក្ខា​ប្រមាញ់ និង​នេសាទ​។ នៅ​ក្នុង​ឆ្នាំ​២០២៣ នេះ មាន​ការ​ជ្រើសរើស​មន្ត្រី​កសិកម្ម​ឃុំ ចំនួន ២៥០នាក់ សម្រាប់​ប្រភេទ​ក្របខណ្ឌ ក.ខ.គ ឲ្យ​ចូល​បម្រើ​ការងារ​នៅ​តាម​ឃុំ ស្រុក ខេត្ត ក្នុង​ក្របខណ្ឌ ក្រសួង​កសិកម្ម រុក្ខាប្រមាញ់ និង​នេសាទ។

សម្រាប់​លក្ខខណ្ឌ​នៃ​ការ​ជ្រើសរើស បេក្ខជន​ត្រូវ​មាន​សញ្ជាតិ​ខ្មែរ, មាន​អាយុ​យ៉ាង​តិច ១៨ ឆ្នាំ។ ចំពោះ​បេក្ខជន​ដែល​មាន​កម្រិត​បណ្ដុះបណ្ដាល​ថ្នាក់​បណ្ឌិត ត្រូវ​បាន​លើក​លែង​លក្ខខណ្ឌ​អាយុ, កម្រិត​ថ្នាក់​បរិញ្ញាបត្រ​ជាន់​ខ្ពស់​ឬ​សមមូល​ត្រូវ​មាន​អាយុ​ច្រើន​បំផុត ៤០ ឆ្នាំ, កម្រិត​ថ្នាក់​បរិញ្ញាបត្រ ឬ​សមមូល ត្រូវ​មាន​អាយុ​ច្រើន​បំផុត ៣៥ ឆ្នាំ, ថ្នាក់​បរិញ្ញាបត្ររង ឬ​សមមូល ត្រូវ​មាន​អាយុ​ច្រើន​បំផុត ២៨ ឆ្នាំ ហើយ​វិញ្ញាបនបត្រ ឬ​សមមូល ត្រូវ​មាន​អាយុ​ច្រើន​បំផុត ២៥ ឆ្នាំ និង​មន្ត្រី​រាជការ​ត្រូវ​បាន​លើកលែង​លក្ខខណ្ឌ​អាយុ ហើយ​បេក្ខជន​ក៏​មិន​ប្រាស​ចាក​សិទ្ធិ​ខាង​ផ្លូវ​រដ្ឋប្បវេណី សិទ្ធិ​ពលរដ្ឋ និង​សិទ្ធិ​ខាង​នយោបាយ​ជា​ដើម​។

ដោយឡែក​បេក្ខជន​ដែល​មាន​សញ្ញាប័ត្រ​ជំនាញ​កសិកម្ម បទ​ពិសោធន៍​ការងារ​លើ​វិស័យ​កសិកម្ម ស្ត្រីភេទ ​និង​អ្នក​​ដែល​មាន​ទីលំ​​នៅ​អចិន្ត្រៃយ៍​ក្នុង​ឃុំ ស្រុក ខេត្ត ដែល​ត្រូវ​ជ្រើសរើស​មន្រ្តី​កសិកម្ម​ឃុំ ក៏​ទទួល​បាន​អាទិភាព​ខ្ពស់​នៅ​ក្នុង​ការ​ជ្រើសរើស​​នេះ​ផង​ដែរ។

បេក្ខជនដែល​មាន​បំណង​ចង់​ដាក់​ពាក្យ​ប្រឡង​ប្រជែង ខាង​ក្រសួង​​នឹង​ចាប់​ផ្តើម​ទទួល​ចុះ​ឈ្មោះ​ប្រឡងប្រជែង​ចាប់​ពី​ថ្ងៃទី​០១ ខែ​វិច្ឆិកា ឆ្នាំ​២០២៣ រហូត​ដល់ ថ្ងៃ​​ទី​៣០ ខែ​វិច្ឆិកា ឆ្នាំ​២០២៣ វេលា​ម៉ោង ១៧:០០ រសៀល​ជា​កំហិត​នៅ​តាម​ប្រព័ន្ធ​អនឡាញ ដោយ​បេក្ខជន​អាចស្កេន QR Code ឬ ចូល​ទៅ​កាន់​គេហទំព័រ http://era.gov.kh/

បេក្ខជន​ដែល​មាន​បំណង​ចូលរួម​ការ​ប្រឡងប្រជែង ត្រូវ​ជ្រើសរើស​ទីកន្លែង​បំពេញ​ការងារ​ជាក់លាក់ (ឃុំ ស្រុក ខេត្ត) ក្នុង​តារាង​ភ្ជាប់​ជា​​មួយជា​មុន និង​​មិន​ត្រូវ​បាន​អនុញ្ញាត​ឲ្យ​ផ្លាស់​ប្ដូរ​កន្លែង​ការងារ​ដោយ​ហេតុផលណា​មួយ​ឡើយ។ ការ​ស្នើ​សុំ​ផ្លាស់​ប្ដូរ​កន្លែង​ការងារ មាន​ន័យ​ថា​សាមីជន​នោះ​បោះបង់​ក្របខណ្ឌ​មន្ត្រីរាជការ។

គួរ​ជម្រាប​បន្ថែម​ថា ​នៅ​ពេល​បេក្ខជន​ប្រឡង​ជាប់​ជា​ស្ថាពរ​នឹង​​ត្រូវ​ធ្វើ​កម្មសិក្សា និង​តាំង​​ស៊ប់​ក្នុង​ប្រភេទ​ក្របខណ្ឌ ក, ខ, គ ផ្អែក​លើ​កម្រិត​បណ្ដុះបណ្ដាល ព្រមទាំង​ទទួល​បាន​ប្រាក់​បៀវត្ស​ទាប​បំផុតចាប់ពី ១,៤០០,០០០៛ ទៅ​តាម​ប្រភេទ​ក្របខណ្ឌ និង​ទទួល​បាន​ប្រាក់​ឧបត្ថម្ភ​​ប្រចាំខែ ចំនួន ១៦០,០០០៛ក្នុង១ខែ រួម​​ទាំង​អត្ថ​ប្រយោជន៍​ផ្សេង​ៗ​ទៀត​របស់​មន្ត្រីរាជការ​ស៊ីវិល៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៦ ម៉ោង មុន

តើវិបត្តិនៅសមុទ្រក្រហម បង្កឱ្យមានផលប៉ះពាល់អ្វីខ្លះដល់សហភាពអ៊ឺរ៉ុប?

ព័ត៌មានជាតិ៨ ម៉ោង មុន

លោក ហេង សួរ ដឹកនាំ​កិច្ចប្រជុំ​អន្តរក្រសួង​ស្តីពី​វិធាន​ការរួម​ដើម្បី​ទប់ស្កាត់​អគ្គិភ័យ​ក្នុង​វិស័យ​កម្ម​មន្ត​សាល និង​ឧស្សាហកម្ម​ទេសចរណ៍

ចរាចរណ៍៨ ម៉ោង មុន

ឆ្នាំ២០២៣ ខេត្តកំពង់ចាម មានអ្នកស្លាប់ព្រោះគ្រោះថ្នាក់ចរាចរណ៍ជាង១រយនាក់ និងរបួសជាង២រយនាក់

ព័ត៌មានអន្ដរជាតិ១១ ម៉ោង មុន

ជប៉ុន កាត់ទោសប្រហារជីវិតបុរសម្នាក់ ក្នុងករណីដុតស្ទូឌីយូគំនូរជីវចល KyoAni សម្លាប់មនុស្សជាង ៣០នាក់

ព័ត៌មានអន្ដរជាតិ១២ ម៉ោង មុន

សិង្ហបុរី និងចិន ចុះហេត្ថលេខាព្រមព្រៀង ទៅលើការចូលប្រទេសគ្នាទៅវិញទៅមក ដោយមិនមានទិដ្ឋាការរយៈពេល ៣០ ថ្ងៃ

ព័ត៌មានអន្ដរជាតិ៦ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ជីវិតកម្សាន្ដ៤ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៦ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម